Report Sabih Salik
پاکستان کی معروف اداکارہ ہانیہ عامر اور بھارتی فنکار دلجیت دوسانجھ کی نئی پنجابی فلم “سردار جی 3” آج پاکستان سمیت عالمی سطح پر ریلیز ہو گئی ہے۔
فلم کے مداحوں کے لیے خوشخبری ہے کہ وہ اپنی پسندیدہ جوڑی کو ایک ساتھ سکرین پر دیکھ سکیں گے، کیونکہ یہ کامیڈی، فینٹسی اور ہارر کا حسین امتزاج ہے۔ “سردار جی 3” آج برطانیہ، امریکہ، کینیڈا، مڈل ایسٹ اور دیگر ممالک میں بھی نمائش کے لیے پیش کی جا رہی ہے۔
تاہم، بھارت میں پاکستان اور بھارت کے موجودہ سیاسی کشیدگی اور پاکستانی فنکاروں کی موجودگی کے باعث اس فلم کی نمائش پر پابندی ہے۔
فلم کے ٹریلر کی ریلیز کے بعد بھارتی میڈیا اور سوشل میڈیا پر دلجیت دوسانجھ کو تنقید کا سامنا بھی کرنا پڑا۔
پاکستان کے تینوں صوبوں سندھ، پنجاب اور وفاقی سطح پر موجود سینسر بورڈز نے فلم کو پاکستان میں نمائش کی اجازت دی ہے، اور اس کے لیے سینسر سرٹیفکیٹ جاری کیا گیا ہے۔
اداکارہ ہانیہ عامر نے انسٹاگرام پر فلم کا پوسٹر شیئر کیا ہے جس میں واضح کیا گیا ہے کہ “سردار جی 3” ملک بھر کے بڑے سینما گھروں میں دکھائی جائے گی، جن میں سینے پیکس، نیوپلیکس کراچی، کیو سینماز لاہور، اور سینٹورس اسلام آباد شامل ہیں۔
یہ فلم ایک دلچسپ ہارر، فینٹسی اور کامیڈی کا مجموعہ ہے، جس میں دلجیت دوسانجھ ایک ایسے کردار میں نظر آئیں گے جو بھوتوں کا پیچھا کرتا ہے۔
























