Report Sabih Salik
روس کے سرد ترین خطے سائبیریا میں موسمی تبدیلیوں کے باعث غیر معمولی حد تک شدید ہیٹ ویو کا آغاز ہو چکا ہے، جہاں درجہ حرارت معمول سے 8 سے 9 ڈگری سینٹی گریڈ زیادہ رہنے کا امکان ہے۔
رپورٹس کے مطابق، سائبیریا کے جنوب مشرقی حصے پانچ روز قبل ہیٹ ویو کی لپیٹ میں آئے، جو اب آہستہ آہستہ مشرق کی جانب بڑھ رہا ہے۔ سائبیریا کے مغربی حصوں میں بھی پانچ دن قبل ہیٹ ویو شروع ہوئی تھی۔
رشین ہائیڈرو میٹرولوجیکل سینٹر کے ریسرچ ڈائریکٹر رومن ولفینڈ نے بتایا ہے کہ سائبیریا اور روس کے دور دراز مشرقی علاقے اس وقت ایک طاقتور ہیٹ ویو کا سامنا کر رہے ہیں۔ ان کے مطابق آنے والے دنوں میں ان علاقوں میں درجہ حرارت 38 ڈگری سینٹی گریڈ تک پہنچنے کا امکان ہے، جو ان کی معمول کی حد سے 8 سے 9 ڈگری زیادہ ہوگا۔
