بھارتی طیارہ حادثے میں پاکستان کا کردار!! جنرل عاصم کا دورہ امریکہ عمران خان کو نیچا دکھاتا ہے۔
بھارتی طیارہ حادثے میں پاکستان کا کردار!! جنرل عاصم کا دورہ امریکہ عمران خان کو نیچا دکھاتا ہے۔
Pakistan’s role in Indian Plane Crash !! General Asim’s visit to America brings down Imran Khan
===========================
بھارتی طیارہ گرنے کی وجوہات کیا ہيں؟ ماہرین کے مختلف تجزيے سامنے آگئے
بھارتی ایئر لائن کا طیارہ گرنے کی وجوہات کیا ہيں؟ ماہرین کے مختلف تجزيے سامنے آگئے۔
برطانوی میڈیا رپورٹ کے مطابق جہاز کی ویڈیو دیکھ کر اندازہ لگایا جا سکتا ہے کہ رن وے پر جہاز کی وہ اسپیڈ نہیں تھی جو اسے ٹیک آف کے وقت درکار ہوتی ہے، جہاز کا رخ اوپر اور رفتار تیز ہونی چاہیے تھی، لیکن یہ ہموار پرواز کی طرح دکھائی دے رہا تھا۔
حادثے کا شکار بھارتی طیارے کے برطانوی مسافر کی آخری سوشل میڈیا پوسٹ سامنے آگئی
تحقیقات سے پتا چلے گا کہ کیا پائلٹ اور جہاز کے کمپیوٹرز تمام سینسرز سے درست ڈیٹا وصول کر رہے تھے یا نہیں؟ جہاز کے ایویانکس یا الیکٹریکل سسٹم میں کوئی خامی تو نہيں تھی؟
ماہرین نے خدشہ ظاہر کیا ہے کہ جہاز کے فلیپس ٹیک آف کے وقت جیسے ہونے چاہئيں، ویڈیو میں ویسے دکھائی نہيں دے رہے، جہاز کے ٹیک آف کے وقت ہوا کے دباؤ کا مقابلہ کرنے کےلیے فلیپس کو جتنا پھیلنا چاہیے تھا اتنا نہيں پھیلے تھے۔
بھارتی طیارہ حادثہ: امدادی سرگرمیوں کیلئے فوج طلب کرلی گئی
بوئنگ ڈریم لائنر کی انتظامیہ یہ جاننے کی کوشش بھی کرے گی کہ جو مسئلہ جہاز گرنے کی وجہ بنا وہ ان جہازوں کا عمومی مسئلہ ہے یا صرف حادثے کا شکار ہونے والے جہاز میں پیش آیا، جہاز کے بلیک باکس کی تلاش جاری ہے۔
یہ بوئنگ 787 کا پہلا حادثہ ہے، حادثے کے بعد بوئنگ کمپنی کے شیئر کی قیمت گرگئی۔
حادثے کے شکار بھارتی طیارے کے پائلٹس کو 9300 گھنٹے پرواز کا تجربہ تھا
تازہ ترینبین الاقوامی خبریں12 جون ، 2025
FacebookTwitterWhatsapp
لمحہ با لمحہقومی خبریںبین الاقوامی خبریںتجارتی خبریںکھیلوں کی خبریںانٹرٹینمنٹصحتدلچسپ و عجیبخاص رپورٹ
احمد آباد میں حادثے میں تباہ ہونے والا بھارتی مسافر بردار طیارہ ڈاکٹروں کے ہاسٹل پر گرا ہے—تصویر بشکریہ بھارتی میڈیا
احمد آباد میں حادثے میں تباہ ہونے والا بھارتی مسافر بردار طیارہ ڈاکٹروں کے ہاسٹل پر گرا ہے—تصویر بشکریہ بھارتی میڈیا
بھارتی ریاست گجرات کے شہر احمد آباد میں حادثے کا شکار ہونے والی ایئر انڈیا کی پرواز میں 2 پائلٹ کیپٹن سُمیت سبروال اور فرسٹ آفیسر کلائیو کندر موجود تھے۔
دونوں پائلٹس کے پاس مجموعی طور پر 9 ہزار 300 گھنٹوں کی پرواز کا تجربہ تھا، سبروال 8 ہزار 200 گھنٹے، جبکہ کندر 1ہزار 100 گھنٹے کی پرواز کا تجربہ رکھتے تھے۔
پائلٹس کے علاوہ جہاز میں کیبن کریو کے 10 افراد بھی تھے۔
پائلٹس نے مے ڈے کی کال بھی دی تھی
اطلاعات کے مطابق پائلٹس نے ٹیک آف کے فوراً بعد مے ڈے (Mayday) کی کال دی تھی، جس پر ایئر ٹریفک کنٹرول (ATC) کی طرف سے کوئی جواب موصول نہیں ہوا تھا۔
طیارہ پرواز کے 5 منٹ بعد گر کر تباہ ہوا
بھارتی طیارہ گرنے سے ہاسٹل میں موجود 3 ڈاکٹر ہلاک، 45 زخمی ہوئے
واضح رہے کہ بھارتی ریاست گجرات کے شہر احمد آباد سے گیٹ وِک لندن جانے والی پرواز AI-171 سردار ولبھ بھائی پٹیل بین الاقوامی ہوائی اڈے کے رن وے 23 سے ٹیک آف کے 5 منٹ بعد ہی گر کر تباہ ہو گئی۔
احمد آباد میں ٹیک آف کے دوران حادثے کا شکار ہونے والے ایئر انڈیا کے بوئنگ 787-8 ڈریم لائنر میں 242 افراد سوار تھے، جن میں 232 مسافر اور 12 عملے کے اراکین شامل تھے۔
حادثے کی تحقیقات شروع کر دی گئی ہیں، تاہم اس کی وجہ کے بارے میں ابھی تک کوئی تصدیق نہیں کی گئی۔
بھارتی میڈیا کے مطابق ایک اہلکار نے بتایا کہ ایئر کرافٹ ایکسیڈنٹ انویسٹی گیشن بیورو (AAIB) اس حادثے کی تحقیقات کرے گا۔
اہلکار نے کہا کہ ایئر کرافٹ ایکسیڈنٹ انویسٹی گیشن بیورو کے ڈائریکٹر جنرل اور ڈائریکٹر آف انویسٹی گیشن احمد آباد کے لیے روانہ ہوں گے۔
طیارہ بی جے میڈیکل کالج کے احاطے میں گرا
حادثے کی تصاویر میں حادثے کی جگہ سے گہرے کالے دھوئیں کے بادل اٹھتے ہوئے دیکھے گئے، طیارہ میگھانی نگر میں واقع بی جے میڈیکل کالج کے احاطے میں گرا۔
بھارتی شہر احمدآباد میں ایئرپورٹ کے قریب مسافر طیارہ گر کرتباہ: تمام 242 افراد ہلاک
بھارتی میڈیا نے عینی شاہدین کے حوالے سے بتایا ہے کہ کالج کی رہائشی عمارتوں پر گرنے والے اس حادثے سے احاطے کی عمارتوں کو نقصان پہنچا ہے۔
ایک عینی شاہد نے بتایا کہ جائے حادثہ کے قریب کئی 5 منزلہ عمارتیں ہیں جو رہائشی کوارٹرز کے طور پر استعمال ہوتی ہیں، ان عمارتوں میں آگ لگنے کی وجہ سے اپارٹمنٹس میں موجود بہت سے لوگ زخمی ہوئے ہیں۔
مودی کا امدادی کارروائیوں کا حکم
بھارتی وزیرِ اعظم نریندر مودی نے صورتِ حال کا جائزہ لیا ہے اور امدادی کارروائیوں کا حکم دیا ہے۔
ایئر پورٹ پروازوں کیلئے دوبارہ کھل گیا
حادثے کے بعد بند کر دیا جانے والا ایئر پورٹ اب پروازوں کے لیے دوبارہ کھول دیا گیا ہے۔
