آن لائن اشیاء منگوانے پر اب کتنا ٹیکس دینا ہوگا؟ بجٹ دستاویز میں بتادیا گیا-آپ کی تنخواہ پر اب کتنا ٹیکس کٹے گا؟ خود کیلکولیٹ کریں- ٹیکس مہر یا بار کوڈ کے بغیر اشیاء ضبط کرنے کا اعلان

آن لائن اشیاء منگوانے پر اب کتنا ٹیکس دینا ہوگا؟ بجٹ دستاویز میں بتادیا گیا
وفاقی حکومت نے بجٹ 26-2025 میں آئن لائن خریداری پر 18 فیصد سیلز ٹیکس عائد کرنےکی تجویز دی ہے۔

قومی اسمبلی میں بجٹ تقریر کرتے ہوئے وفاقی وزیر خزانہ محمد اورنگزیب نے سیلز ٹیکس ایکٹ میں ترامیم کی تجاویز پیش کرتے ہوئے کہا کہ آن لائن کاروبار اور ڈیجیٹل مارکیٹ پلیسز (Digital Market Places) کی تیزی سے ترقی نے ٹیکس قوانین کی پاسداری کرنے والے روایتی کاروباروں کے لیے مشکلات پیدا کر دی ہیں۔

آئی ٹی ایکسپورٹ کو 25 ارب ڈالر تک بڑھانے کی منصوبہ بندی

وزیر خزانہ کا کہنا تھا کہ معیاری مسابقتی فضا پیدا کرنے اور ٹیکس قوانین کی مکمل پاسداری کو یقینی بنانےکے لیے یہ تجویز کیا جاتا ہے کہ ای کامرس پلیٹ فارمز کی طرف سے ترسیل کرنے والےکورئیر اور لاجسٹکس خدمات فراہم کرنے والے ادارے 18 فیصد کی شرح سے ان ای کامرس پلیٹ فارمز سے سیلز ٹیکس وصول کرکے جمع کروائیں گے۔

محمد اورنگزیب نے مزید کہا کہ آن لائن مارکیٹ، کوریئرسروس اور ادائیگی میں معاونت کرنے والوں پر لازم ہوگا کہ ہر ماہ ٹرانزکشن ڈیٹا اور ٹیکس رپورٹ جمع کروائیں۔

وفاقی حکومت نے بجٹ 26-2025 میں انکم ٹیکس سلیبز میں رد و بدل کی تجاویز دی ہیں۔

بجٹ تجاویزکے مطابق آپ کی تنخواہ پر اب کتنا ٹیکس کٹے گا یہ جاننے کے لیے جیو انکم ٹیکس کیلکولیٹر استعمال کیجیے۔

دفاع کیلئے 2550 ارب روپے مختص
وزیر خزانہ محمد اورنگزیب کا کہنا ہے کہ بجٹ میں دفاع کیلئے 2550 ارب روپے مختص کیے گئے ہیں۔

قومی اسمبلی میں بجٹ تقریر کے دوران وزیر خزانہ محمد اورنگزیب نے کہا کہ ملکی دفاع حکومت کی اہم ترین ترجیح ہے۔ اس قومی فرض کے لیے 2,550 ارب روپے فراہم کیے جائیں گے۔

وزیر خزانہ نے کہا کہ سول انتظامیہ کے اخراجات کے لیے 971 ارب روپے مختص کیے جا رہے ہیں۔

آئی ٹی ایکسپورٹ کو 25 ارب ڈالر تک بڑھانے کی منصوبہ بندی

محمد اورنگزیب نے کہا کہ بھارتی جارحیت کے مقابل ہماری سیاسی قیادت، افواج پاکستان اور پاکستان کے غیور عوام نے جس جواں مردی، دانشمندی اور یکجہتی کا ثبوت دیا، وہ تاریخ کے سنہری اوراق میں ہمیشہ یاد رکھا جائے گا۔

انہوں نے کہا کہ یہ کامیابی ایک شاندار عسکری کامیابی کے علاوہ پوری قوم کے اجتماعی شعور، قومی وقار اور غیرت کا مظہر تھی۔ میں یہاں پر پاکستان کی عسکری اور سیاسی قیادت کو مبارک باد پیش کرتا ہوں۔

یکم جولائی سے ٹیکس گوشوارے کو بہت آسان کر دیا جائے گا، وزیرخزانہ محمد اورنگزیب

وزیر خزانہ نے مزید کہا کہ ہماری افواج نے اپنی پیشہ ورانہ مہارت، شجاعت اور جذبہ قربانی سے دشمن کو مؤثر اور بھر پور جواب دیا، جس سے نہ صرف ہماری سرحدوں کا دفاع ناقابل تسخیر بنا بلکہ عالمی برادری میں پاکستان کا وقار بھی بلند ہوا۔ اس عظیم کامیابی نے یہ پیغام دیا کہ پاکستانی قوم ہر آزمائش میں متحد ہے اور مادر وطن کے دفاع کے لیے سیسہ پلائی دیوار بن جاتی ہے

ٹیکس مہر یا بار کوڈ کے بغیر اشیاء ضبط کرنے کا اعلان

فنانس بل میں ٹیکس مہر یا بار کوڈ کے بغیر اشیاء ضبط کرنے کا اعلان
فنانس بل میں اعلان کیا گیا کہ ٹیکس کی مہر یا بار کوڈ کے بغیر اشیاء ضبط کی جائیں گی، ٹیکس قوانین پر عمل درآمد کےلیے صوبائی افسران کی مدد لینے کا فیصلہ کیا گیا ہے۔

فنانس بل کے مطابق پیٹرولیم لیوی آرڈیننس میں کاربن لیوی لفظ کا اضافہ کردیا جائے گا، یہ کاربن لیوی پیٹرولیم لیوی کے علاوہ ہوگی جو وفاقی حکومت نوٹیفائی کرتی رہےگی۔

جائیداد کی خریداری پر ودہولڈنگ ٹیکس ڈیڑھ فیصد کم کرنے کی تجویز

بل کے مطابق مالی سال 26-2025ء کےلیے موٹر اسپرٹ اور ہائی اسپیڈ ڈیزل پر ڈھائی روپے کاربن لیوی عائد کی جائے گی، یہ کاربن لیوی بڑھاکر 5 روپے کردی جائے گی۔

فنانس بل کے مطابق فرنس آئل پر مالی سال26-2025ء میں ڈھائی روپے کاربن لیوی عائد کی جائےگی جبکہ آئندہ مالی سال 10 فیصد کی شرح سے ٹیکس عائد کرنے کی تجویز ہے۔

بل کے مطابق ٹیکس کی مہر یا بارکوڈ کے بغیر اشیا ضبط کی جائیں گی، ٹیکس قوانین پر عمل درآمد کےلیے صوبائی افسران کی مدد لینے کا فیصلہ کیا گیا۔

ہم آدھے سے زائد ممکنہ ٹیکس سے محروم تھے، وزیر خزانہ کا اعتراف

فنانس بل کے مطابق صوبائی افسران کی مدد سے نان ڈیوٹی پیڈ سگریٹ کی اسمگلنگ پر قابو پایا جاسکے گا، نئے بجٹ میں حکومت نے کسٹمز اصلاحات متعارف کرانے کا فیصلہ ہے۔

بل کے مطابق گردشی قرضوں کی ادائیگی کےلیے 10 فیصد سرچارج عائد کرنے کا فیصلہ کیا گیا جبکہ حکومت کو سرچارج ریٹ بڑھانے کا اختیار حاصل ہوگا۔

فنانس بل کے مطابق نئے بجٹ میں انرجی وہیکل پالیسی پر عمل درآمد کےلیے اہم اقدامات کا اعلان کیا گیا اور کہا گیا کہ پیٹرول اور ڈیزل کے بجائے الیکٹرک گاڑیوں کو ترجیح دی جائے گی۔

بل کے مطابق الیکٹرک موٹرسائیکل اور رکشوں کے استعمال کو فروغ دیا جائے گا، تیل استعمال کرنے والی گاڑیوں کی فروخت اور درآمد پر انجن کپیسٹی کے مطابق لیوی عائد کی جائے گی۔

فنانس بل کے مطابق فاٹا اور پاٹا کےلیے ٹیکس چھوٹ کا خاتمہ کردیا گیا ہے ، ان علاقوں میں بننے والی اشیاء پر مرحلہ وار سیلز ٹیکس نافذ کیا جائے گا ۔
==========================

کوئٹہ 10 جون: گورنر بلوچستان جعفرخان نے آج بروز منگل صوبائی دارالحکومت کوئٹہ میں تین مختلف اشخاص کی رہائش گاہوں پر فاتحہ خوانی کرکے اپنے گہرے احساس یکجہتی، غمرازی اور تعزیت کا اظہار کیا، پہلے انہوں نے سوراب کے ایڈیشنل ڈپٹی کمشنر ہدایت اللہ بلیدی کی رہائشگاہ پر تعزیت کی، اُن کی روح کے ایصال ثواب کیلئے دعا کی اور سوگوار خاندان سے دلی ہمدردی کا اظہار کیا۔ بعد ازاں گورنر جعفرخان صوبائی وزیر میر شعیب نوشیروانی کی رہائشگاہ پر گئے جو کہ حال ہی میں اپنے سسر سے محروم ہو گئے تھے اور مرحوم کیلئے مغفرت اور لواحقین کیلئے صبر جمیل کی دعا کی. آخر میں انہوں نے میر نور اللہ لہڑی کے چچا زاد بھائی میر عبدالحکیم لہڑی مرحوم کے ایصال ثواب کیلئے فاتحہ خوانی کی اور لواحقین سے دلی تعزیت کا اظہار کیا۔
===================

خبرنامہ نمبر4323/2025
گوادر 10جون2025:
رکن صوبائی اسمبلی مولانا ہدایت الرحمان بلوچ نے ٹیچنگ ہسپتال گوادر میں میڈیکل سپرنٹنڈنٹ ڈاکٹر حفیظ بلوچ اور ڈسٹرکٹ ہیلتھ آفیسر ڈاکٹر عبداللطیف دشتی کے ہمراہ ہسپتال کے مختلف مسائل کے حوالے سے ایک اہم اجلاس کی صدارت کی۔
اجلاس میں ہسپتال کو درپیش مسائل، خصوصاً ادویات کی کمی، آپریشن تھیٹر اور دیگر شعبہ جات میں جدید طبی آلات کی عدم دستیابی جیسے اہم نکات پر تفصیل سے بات چیت کی گئی۔ڈائلیسس اور تھیلیسیمیا سینٹرز میں مریضوں کو بہتر سہولیات فراہم کرنے، ہسپتال میں اسٹاف کی کمی کو دور کرنے اور مجموعی طور پر سروسز کے معیار کو بہتر بنانے کی ضرورت پر زور دیا گیا۔
رکن صوبائی اسمبلی مولانا ہدایت الرحمان بلوچ نے اس موقع پر اسپتال انتظامیہ کو یقین دلایا کہ وہ ان مسائل کو متعلقہ اعلیٰ حکام تک پہنچائیں گے اور جلد از جلد ان کے حل کے لیے اقدامات اٹھائے جائیں گے۔
انہوں نے کہا کہ عوام کو صحت کی بنیادی سہولیات کی فراہمی حکومت کی اولین ترجیح ہے اور کسی قسم کی کوتاہی برداشت نہیں کی جائے گی۔