پریس ریلیز
سماجي تنظيم اين ڊي ايف پاکستان اور التزام ریلیف سوسائٹی ملائشیا کا سیلاب زدہ دیہاتوں کے لیے اجتماعي قرباني کا انعقاد
نوابشاہ: سندھ میں ہمدردی اور یکجہتی کے جذبے کے تحت سماجی تنظیم نیشنل ڈس ایبلٹی اینڈ ڈویلپمنٹ فورم (NDF) پاکستان نے التزام ریلیف سوسائٹی ملائشیا کے تعاون سے نوابشاہ میں بڑے پیمانے پر ذبیحہ پروگرام تحت اجتماعی قربانی کا انعقاد کیا۔ اس موقع پر 5 گائے اور 34 بکرے ذبح کیے گئے، اور تازہ گوشت 2022 میں سیلاب سے متاثرہ دیہاتوں کے مستحق خاندانوں میں تقسیم کیا گیا۔
اس بابرکت موقع پر التزام ریلیف سوسائٹی ملائشیا کے سی ای او محمد شاہ اور پاکستان کے کنٹری مینیجر شہرول نے ذاتی طور پر ذبیحہ پروگرام کی نگرانی کی۔ دونوں مہمانانِ گرامی نے NDF پاکستان کے پروگرام مینیجر طارق حسین چنڑ اور ان کی ٹیم کی انتھک محنت اور شاندار انتظامات کو سراہا۔ محمد شاہ نے کہا،
“قربانی صرف ایک مذہبی فریضہ نہیں بلکہ خدمتِ خلق کا ایک مؤثر ذریعہ بھی ہے، جو LaunchGood فنڈ ریزنگ پلیٹ فارم کے ذریعے مسلم اُمہ کی فراخدلانہ عطیات سے ممکن ہوئی ہے۔” انہوں نے NDF پاکستان کے ساتھ التزام ریلیف سوسائٹی کی دیرینہ شراکت داری کو سراہا، اور راشن کی تقسیم، گھر بنانا، صاف پانی کی دستیابی (WASH)، اور سندھ میں معذور بچوں کی بحالی جیسے شعبوں میں مشترکہ کاموں و کاوشوں پر روشنی ڈالی۔ طارق حسین چنڑ نے کہا کہ یہ ذبیحہ پروگرام دونوں تنظیموں کی ایک سالانہ روایت ہے جس کا مقصد اُن خاندانوں کی مدد کرنا ہے جو قربانی کی استطاعت نہیں رکھتے۔ “ہم ان کمزور اور ضرورت مند گھرانوں تک باعزت طریقے سے تازہ گوشت ان کی دہلیز پر پہنچاتے ہیں تاکہ وہ بھی عید کی خوشیوں میں شامل ہو سکیں،” انہوں نے کہا۔
التزام ریلیف سوسائٹی نے اس عزم کا اعادہ کیا کہ وہ NDF پاکستان کے ساتھ مل کر سندھ کے ضرورت مند افراد اور معذور بچوں کی فلاح و بہبود کے لیے اپنا تعاون جاری رکھے گی۔
