رپورٹ: عمران مزمل
جنت نظیر ملک سوئٹزرلینڈ میں بھی دنیا بھر کی طرح عید قربان مذہبی جوش و جذبے سے منائی جا رہی ہے۔ اس مبارک موقع پر پاکستان سوسائٹی سوئٹزرلینڈ کی جانب سے ایک شاندار عید ملن پارٹی کا انعقاد کیا گیا، جس میں پاکستانی کمیونٹی کی فیملیز نے بڑی تعداد میں شرکت کی۔
عید ملن پارٹی کا مقصد نہ صرف خوشیوں کو بانٹنا تھا بلکہ دیارِ غیر میں بسنے والے پاکستانیوں کو ایک پلیٹ فارم پر جمع کر کے عید کی روایتی خوشیوں کو زندہ رکھنا بھی تھا۔
شرکاء نے میڈیا سے بات کرتے ہوئے کہا کہ:
“عید جیسے تہوار ہمیں نہ صرف اپنے مذہب کی یاد دلاتے ہیں بلکہ اپنے وطن کی خوشبو بھی لے آتے ہیں۔ ایسی تقریبات ہمیں ایک خاندان کی طرح جوڑتی ہیں۔”
عید قربان کے موقع پر ایثار، قربانی اور اتحاد کا پیغام دیتے ہوئے کئی افراد نے اس بات پر زور دیا کہ ایسے مواقع پر ہمیں کمیونٹی کے کمزور طبقات کو بھی ساتھ لے کر چلنا چاہیے تاکہ خوشیوں میں سب شریک ہو سکیں۔
تقریب میں پاکستانی کھانوں کا ذائقہ، اور ثقافتی موسیقی نے ماحول کو مزید خوشگوار بنا دیا۔ پاکستان سوسائٹی کے منتظمین نے اس بات کا اعادہ کیا کہ وہ آئندہ بھی ایسے پروگرامز کا سلسلہ جاری رکھیں گے تاکہ کمیونٹی میں ہم آہنگی اور قربت کا احساس مزید مضبوط ہو۔
رپورٹ: عمران مزمل
