میری پہچان پاکستان
پریس ریلیز
شدید گرمی اور طویل دورانئے پر محیط بجلی کی لوڈ شیڈنگ پر مرکزی کمیٹی ایم پی پی کا شدید تشویش کا اظہار۔ حسب روایت کے الیکٹرک نے کراچی میں جبکہ واپڈا حیسکو نے اندرون سندھ اور حیدر آباد میں عوام کی زندگی کو مشکلات اور اذیت میں مبتلا کردیا ہے۔ کراچی کی صنعتوں کو مشکلات میں ڈالنے والی کے الیکٹرک کو رہائشی اور صنعتی علاقوں میں من مانی سے روکا جائے۔ عوام کا اضطراب نقص امن کا سبب بن سکتا ہے۔ مرکزی کمیٹی میری پہچان پاکستان
کراچی (ایم پی پی میڈیا سیل) میری پہچان پاکستان کی مرکزی کمیٹی نے شدید گرمی میں طویل دورانئے پر محیط بجلی کی لوڈ شیڈنگ پر شدید تشویش کا اظہار کرتے ہوئے کہا ہے کہ گرم موسم اور ہیٹ ویو کی شدت کے ساتھ عوام کو اوور لوڈ شیڈنگ کے عذاب میں مبتلا کرنے کی شدید مذمت کرتے ہوئے کہا ہے کہ حسب روایت کے الیکٹرک نے کراچی میں جبکہ واپڈا۔ حیسکو نے حیدر آباد اور اندرون سندھ میں عوام کی زندگی کو مشکلات اور اذیت میں مبتلا کردیا ہے۔ کراچی جو معاشی حب ہے اسکو دس دس گھنٹے اور اس سے بھی زیادہ کی لوڈ شیڈنگ جبکہ حیدر آباد، دادو، نواب شاہ، میرپور خاص، ٹنڈوالہ یار، سکھر اور اندرون سندھ کے شہروں اور دیہاتوں میں بجلی کی اٹھارہ اٹھارہ گھنٹے لوڈ شیڈنگ سے زندگی اجیرن بنا دی گئی ہے۔ کراچی کے مختلف علاقوں کورنگی، لانڈھی، ملیر، شاہ فیصل کالونی، محمود آباد، برنس روڈ، گارڈن، لیاری، بلدیہ ٹاؤن، ناظم آباد، اورنگی ٹاؤن، نارتھ کراچی، نیو کراچی، سرجانی، اولڈ سٹی ایریاسمیت پورا کراچی کے الیکٹرک انتظامیہ کی بے حسی کا شکار ہے حد تو یہ ہے کہ لوڈ شیڈنگ فری ایریاز میں بھی لوڈ شیدنگ کی جا رہی ہے۔ بزرگ، بچے، مریض حکومت کی جانب سے کاروائی نہ ہونے کے سبب بلبلا اٹھے ہیں۔ کراچی سمیت سندھ بھر کے عوام سراپا احتجاج ہیں۔ مگر کے الیکٹرک، واپڈا، حیسکو کے حکام اور حکومت کے کانوں میں جوں تک نہیں رینگ رہی۔ مسلسل کے الیکٹرک کی یقین دہانیاں جھوٹ پر مبنی ہیں۔ عید الاضحی پر بھی شدید مشکلات درپیش آئیں گی۔ مرکزی کمیٹی ایم پی پی نے وفاقی اور سندھ حکومت سے فوری کے الیکٹرک، واپڈا، حیسکو کو اوور لوڈ شیڈنگ سے روکنے اور کے الیکٹرک کی من مانیوں کے خلاف ایکشن لینے کا مطالبہ کیا ہے۔ بلا تعطل کراچی سمیت سندھ بھر میں لوڈ شیڈنگ پر قابو پایا جائے۔ کراچی کی صنعتوں کو مشکلات میں ڈالنے والی کے الیکٹرک کو رہائشی اور صنعتی علاقوں میں من مانی سے روکا جائے۔ عوام کا اضطراب نقص امن کا سبب بن سکتا ہے۔
جاری كرده:
مرکزی میڈیا سیل
میری پہچان پاکستان
=======================
سینئر صحافی اور بیورو چیف پبلک نیوز ثمر عباس کے بڑے بھائی فرحت عباس کے انتقال پر، محمد رضوان خان اور نعیم اصطفے نمک والا کی تعزیت
کراچی (اسٹاف رپورٹر) ایم پی پی (میری پہچان پاکستان) کے سیکریٹری اطلاعات محمد رضوان خان، ڈپٹی سیکریٹری اطلاعات نعیم اصطفے خان نے سینئر صحافی اور بیورو چیف پبلک نیوز ثمر عباس کے بڑے بھائی فرحت عباس کے انتقال پر گہرے رنج وغم کا اظہار کرتے ہوئے ثمر عباس سے دلی تعزیت کی ہے اور مرحوم کے بڑے بھائی فرحت عباس کے درجات کی بلند ی کے لئے دعا کی ہے اپنے تعزیتی پیغام میں انہوں نے کہا کہ دکھ کی اس گھڑی میں ہم آپکے غم میں برابر کے شریک ہیں اللہ آپکو اور لواحقین کو یہ صدمہ جھیلنے کی توفیق عطا فرمائے۔ آمین
۔۔۔۔۔۔۔۔۔۔۔۔۔۔۔
===================
شہر میں بھاری بھرکم ٹریفک کی دوبارہ قوانین کی دھجیاں بکھیرنے اور گزشتہ روز ذیبسٹ یونیورسٹی کے گریڈ 19کے پروفیسر افتخار احمد بھٹو کو داؤد چورنگی لانڈھی میں ٹرالر کے نیچے کچلنے کی شدید مذمت کرتے ہیں۔۔ حکومت سندھ قانون پر عمل درآمد کرائے۔ دوبارہ کراچی کے عوام کو مشتعل کرنے والے اقدامات سے گریز کیا جائے۔ مرکزی کمیٹی ایم پی پی
کراچی (ایم پی پی میڈیا سیل / ڈسٹرکٹ رپورٹر) میری پہچان پاکستان (ایم پی پی) کی مرکزی کمیٹی نے شہر میں بھاری بھرکم ٹریفک کی دوبارہ قوانین کی دھجیاں بکھیرنے اور گزشتہ روز ذیبسٹ یونیورسٹی کے گریڈ 19کے پروفیسر افتخار احمد بھٹو کو داؤد چورنگی لانڈھی میں ٹرالر کے نیچے کچلنے کی شدید مذمت کرتے ہوئے کہا ہے کہ بھاری بھرکم ٹیکس، بہانے بہانے سے چالان، کراچی میں ٹریفک رولز کے نام پر موٹر سائیکل سواروں سے رشوت وصولی اور نہ دینے پر ہیوی چالان، نمبر پلیٹ کے نام پر سندھ حکومت کی نئی مہم اجرک والی نمبر پلیٹ لگاؤ پوری تگ و دو سے جاری ہے۔ہیوی ٹریفک کو ہر قسم مکی چھوٹ ہے یہ کتنا بڑا المیہ ہے کہ گریڈ 18کا ڈپٹی کمشنر لگژری ڈیڑھ کروڑ کی گاڑی میں گھوم رہا ہے لیکن گریڈ 19کا پروفیسر موٹر سائیکل پر کچلا جا رہا ہے۔ ایسا لگتا ہے کہ سارے قانون کراچی کے لئے ہیں اور ہیوی ٹریفک کی لاقانوینت قانونی بن گئی ہے پہلے ہی شہر بڑی مشکل سے حادثات سے نکلا ہے اب پھر چومکھی کا کھیل شروع کرکے اوقات کار کی پابندی بند کردی گئی ہے۔ سندھ حکومت کی بیڈ گورننس واضع ہے۔ جو قوانین کراچی میں عمل درآمد کرائے جا رہے ہیں وہ اندرون سندھ عمل سے بالاتر ہیں۔ جو دو سطحی نظام کی نشاندہی کرتا ہے۔ حکومت سندھ قانون پر عمل درآمد کرائے۔ مرکزی کمیٹی نے پروفیسر افتخار بھٹو کے لواحقین سے دلی ہمدردی اور تعزیت اور مرحوم کے درجات بلند کرنے کی دعا کی ہے۔ مرکزی کمیٹی نے مطالبہ کیا ہے کہ دوبارہ کراچی کے عوام کو مشتعل کرنے والے اقدامات سے گریز کیا جائے۔ دریں اثناء مرکزی کمیٹی نے کراچی میں زلزلوں پر عوام سے اپیل کی ہے کہ وہ اللہ تعالی سے رحم وکرم کی دعائیں کریں۔
===================
ملیر جیل سے 213قیدیوں کے فرار ہوجانے کا واقعہ بیڈ گورننس اور محکمہ جیل خانہ جات کی مکمل ناہلی ہے۔ جیلوں میں کرپشن کے خاتمے اور اصلاحات کے بغیر یہ عمل نا مکمل ہے۔ جیلوں میں بھی اے بی سی کلچر موجود ہے۔۔ ملیر جیل واقعہ کی مکمل شفاف تحقیقات کرکے فرار مجرموں کو فوری گرفتار کیا جائے۔ کراچی آرگنائزنگ کمیٹی ایم پی پی
کراچی (ایم پی پی میڈیا سیل) ایم پی پی (میری پہچان پاکستان) کی کراچی آرگنائزنگ کمیٹی کے اراکین نے ملیر جیل سے 213قیدیوں کے فرار ہوجانے کے واقعہ کو بیڈ گورننس اور محکمہ جیل خانہ جات کی مکمل ناہلی قرار دیتے ہوئے کہا ہے کہ ملیر جیل سے سینکڑوں قیدیوں کا دیوار توڑ کر فرار ہوجانا جیل انتظامیہ اور سندھ حکومت کے محکمہ جیل خانہ جات کی نا ہلی ہے انتظامیہ کا یہ بیان کہ زلزلے کے جھٹکوں کے باعث قیدیوں کو بیرکوں سے نکال کر باہر بٹھایا گیا تھا۔ جبکہ سیکورٹی کے ناقص انتظامات بھی سامنے آگئے۔ اگر یہی طرز عمل جیل انتظامیہ کا ہے تو خطرناک سے خطرناک دہشت گردوں کے لئے جیل محفوط پناہ گاہیں بن جائیں گی۔ امن کو سخت خطرات لا حق ہوجائیں گے۔ حکومت سندھ نے آئی جی جیل خانہ جات اور سپرنٹنڈنٹ جیل کو معطل تو کردیا ہے لیکن جیلوں میں کرپشن کے خاتمے اور اصلاحات کے بغیر یہ عمل نا مکمل ہے۔ جیلوں میں بھی اے بی سی کلچر موجود ہے۔ رشوتوں کے عوض قیدیوں کو مراعات دی جاتی ہیں جب کہ اسی جرم میں قید غریب قیدی کو مشقت سمیت سخت سزائیں اس لئے ملتی ہیں کہ اسکے اہل خانہ رشوت نہیں دے سکتے۔ اسی کے تناظر میں دیکھا جائے تو ملیر جیل سے قیدیوں کا فرار اور ان کو ماروائے قانون بیرکوں سے نکالنے کا عمل بھی انکوائری کا تقاضا کرتا ہے۔ کراچی آرگنائزنگ کمیٹی نے وزیر اعلی سندھ اوروزیر جیل خانہ جات سے مطالبہ کیا کہ ملک کے حالات اور پراکسی وار جیسے خطرات کو مد نظر رکھتے ہوئے جیلوں میں سیکورٹی انتظامات سمیت جیلوں میں مظالم اور خصوصی مراعات کے بجائے اصلاحات لا کر سب کے ساتھ یکساں سلوک بھی یقینی بنایا جائے۔۔ ملیر جیل واقعہ کی مکمل شفاف تحقیقات کرکے فرار مجرموں کو فوری گرفتار کیا جائے۔
=======================
ایم پی پی (میری پہچان پاکستان) کی مرکزی کمیٹی کی کراچی میں تاجروں سے ڈکیتیوں، عید الاضحی پر شہریوں سے لوٹ مار کے واقعات کی شدید مذمت
سیکوریٹی کے موثر انتظامات کئے جائیں۔ اسٹریٹ کرائمز اور ڈکیتیوں کی روک تھام کے لئے موثر اور فول پروف انتظامات کئے جائیں۔ مرکزی کمیٹی
کراچی (ایم پی پی میڈیا سیل) ایم پی پی (میری پہچان پاکستان) کی مرکزی کمیٹی نے کراچی میں تاجروں سے ڈکیتیوں، عید الاضحی پر شہریوں سے لوٹ مار کے واقعات کی شدید مذمت کرتے ہوئے کہا ہے۔ بیڈ گورننس اور وزارت داخلہ کے نا مناسب انتظامات کی وجہ سے شہری خوف و ہراس اور قربانی کے لئے جانوروں کی خریداری کے لئے جاتے وقت بے یقینی کی کیفیت کا شکار ہیں۔ ضرورت اس امر کی ہے کہ جس علاقے میں بھی واقعہ ہو وہاں کے ایس ایچ او کو سخت سزا دی جائے۔ سیکوریٹی کے موثر انتظامات کئے جائیں۔ اسٹریٹ کرائمز اور ڈکیتیوں کی روک تھام کے لئے موثر اور فول پروف انتظامات کئے جائیں۔ انہوں نے لٹنے والے تاجروں سے دلی ہمدردری کا اظہار کیا ہے۔
۔۔۔۔۔۔۔۔۔۔۔۔۔۔۔۔
==================
ڈاکٹر عشرت العباد خان کی سابق رکن اسمبلی شعیب ابراہیم سے انکی اہلیہ لکے انتقال پر دلی تعزیت
انچارج مرکزی کمیٹی ء نہال احمد صدیقی، ارشد صدیقی،فاروق ملک، ریحان خان و اراکین مرکزی کمیٹی ایم پی پی کی بھی تعزیت
کراچی (ایم پی پی میڈیا سیل) سابق گورنر سندھ (نشان امتیاز) و روح رواں ڈاکٹر عشرت العباد خان نے سابق رکن سندھ اسمبلی وسیکٹر انچارج رنچھوڑلائن شعیب ابراہیم کی اہلیہ کے انتقال پر انتہائی رنج وغم کا اظہار کرتے ہوئے کہا ہے کہ اللہ تعالی سے دعا گو ہوں کہ وہ شعیب ابراہیم بھائی کو یہ صدمہ جھیلنے کی توفیق عطا فرما ئے اور مرحو مہ کی مغفرت اور انکے درجات بلند فرمائے۔ انہوں نے تمام لواحقین سے بھی دلی تعزیت کا اظہار کیا ہے اور کہا ہے کہ دکھ کی اس گھڑی میں آپ کے ساتھ ہوں۔دریں اثناانچارج مرکزی کمیٹی ء نہال احمد صدیقی، ارشد صدیقی،فاروق ملک، ریحان خان و اراکین مرکزی کمیٹی ایم پی پی نے سابق رکن اسمبلی شعیب ابراہیم بھائی سے انکی اہلیہ کے انتقال پر گہرے دکھ کا اظہار کرتے ہوئے کہا کہ ہم انکے غم میں برابر کے شریک ہیں اور مرحومہ کے لئے دعائے مغفرت کرتے ہیں۔ اللہ آپکو یہ صدمہ جھیلنے کی توفیق عطا فرمائے۔ آمین
===================
پاکستان نیشنل پارٹی پارلیمینٹرین (PNPP) کے چیئرمین ڈاکٹر غلام صغیر سے (ایم پی پی) کے وفد کی انچارج مرکزی کمیٹی نہال احمد صدیقی، ایڈوزئزری کونسل کے رکن ڈاکٹر عمر فاروق، کیپٹن عمران غوری، یوتھ ونگ کے انچارج ریحان خان کے ہمراہ ملاقات۔ ڈاکٹر عشرت العباد خان کے بیانیہ سے چیئرمین پی این پی پی کا اتفاق۔
افواج پاکستان اور پاکستانی قوم یکجا ہیں اور بھارت کی چالوں کو دنیا دیکھ رہی ہے پاکستان امن پسند ملک ہے لیکن بھارت نے اگر اپنی روش تبدیل نہ کی تو پاکستان کی افواج اسکی آبی جارحیت سمیت تمام معاملات سے نمٹنا جانتی ہیں۔ ڈاکٹر غلام صغیر، نہال احمد صدیقی، ڈاکٹر عمر فاروق، کیپٹن عمران غوری، ریحان خان کا مشترکہ اعلامیہ
کراچی (اسٹاف رپورٹر) میری پہچان پاکستان (ایم پی پی) کے وفد نے انچارج مرکزی کمیٹی نہال احمد صدیقی، ایڈوزئزری کونسل کے رکن ڈاکٹر عمر فاروق، کیپٹن عمران غوری، یوتھ ونگ کے انچارج ریحان خان ودیگر مرکزی رہنماؤں نے پاکستان نیشنل پارٹی پارلیمینٹرین (PNPP) کے چیئرمین ڈاکٹر غلام صغیر سے مقامی ہوٹل میں ملاقات کی اور انہیں ڈاکٹر عشرت العباد خان گورنر سندھ و روح رواں ایم پی پی کا پیغام پہنچایا اور باہمی دلچسپی کے امور پر تبادلہ خیال کیا۔ ڈاکٹر عشرت العباد خان کے گورنری کے دور اور حالیہ بیانیہ سے چیئرمین پی این پی پی نے اتفاق کیا۔ وفد سے گفتگو میں میری پہچان پاکستان کے ویژن کی تعریف کی۔ ایم پی پی کے وفد نے ڈاکٹر عشرت العباد کی کاوشوں اور کراچی تا خیبر پارٹی سرگرمیوں سے آگاہ کیا۔ پاکستان کو فتح حاصل کرنے کے بعد بھارتی پراکسی جارحیت کی دونوں طرف کے رہنماؤں نے مذمت کی اور کہا کہ افواج پاکستان اور پاکستانی قوم یکجا ہیں اور بھارت کی چالوں کو دنیا دیکھ رہی ہے پاکستان امن پسند ملک ہے لیکن اگر بھارت نے اگر اپنی روش تبدیل نہ کی تو پاکستان کی افواج اسکی آبی جارحیت سمیت تمام معاملات سے نمٹنا جانتی ہیں۔
ڈاکٹر عشرت العباد خان کے جرات مندانہ بیانیہ کی مکمل حمایت کرتے ہیں۔ بلوچستان میں اب وقت آگیا ہے کہ دہشت گردوں اور بھارتی ایجنٹوں کی کمر توڑ دی جائے۔
جاری كرده:
مرکزی میڈیا سیل
میری پہچان پاکستان
=======================
میری پہچان پاکستان
پریس ریلیز
سابق گورنر سندھ ڈاکٹر عشرت العباد خان کا اولمپک چیمپیئن ارشد ندیم کو ایشین ایتھلیٹکس چیمپئن شپ میں مردوں کے جیولن فائنل میں طلائی تمغہ جیتنے پر مبارک باد کا پیغام۔
ارشد ندیم نے ایک بار پھر پاکستان اور پاکستانیوں کا سر فخر سے بلند کر دیا۔ ڈاکٹر عشرت العباد خان
کراچی 31 مئی (ایم پی پی میڈیا سیل) سابق گورنر سندھ اور سربراہ میری پہچان پاکستان (ایم پی پی) ڈاکٹر عشرت العباد خان نے اولمپک چیمپیئن ارشد ندیم کو ایشین ایتھلیٹکس چیمپئن شپ میں مردوں کے جیولن فائنل میں طلائی تمغہ جیتنے پر مبارک باد دی ہے ۔ انہوں نے کہا کہ ارشد ندیم نے ایک بار پھر پاکستان اور پاکستانیوں کا سر فخر سے بلند کر دیا۔ اولمپک چیمپیئن ارشد ندیم نے جنوبی کوریا کے شہر گومی میں ایشین ایتھلیٹکس چیمپئن شپ میں مردوں کے جیولن فائنل میں 86.40 میٹر پھینک کر طلائی تمغہ جیتا جو ہمارے لئے فخر کی بات ہے۔
ڈاکٹر عشرت العباد خان نے پاکستان کے ہی محمد جنہوں نے 75.39 میٹر تھرو کی اور آٹھویں نمبر پر رہے کو بھی مبارک باد دی کے مستقبل میں ہم امید کرتے ہیں کہ وہ بھی پاکستان کے لئے تمغہ جیت کر لایں گے۔
جاری كرده:
مرکزی میڈیا سیل
میری پہچان پاکستان
