ایک بڑے سیاسی قدآور باپ کے بیٹے سے ایسی جھوٹی پریس کانفرنس کی توقع نہ تھی،نواز لیگ نے ہمیشہ پنجاب میں عوامی خدمت کی بدولت کامیابی حاصل کی ہے
سندھ کا پنجاب سے موازنہ چراغ تلے اندھیرے کے مترادف ،سندھ جل رہا ہے پنجاب میں خوشحالی کا راج ہے،مراد علی شاہ سے مریم نواز بہت آگے ہیں
کراچی ( نعیم اختر)پاکستان مسلم لیگ نون لیبر ونگ کے مرکزی ڈپٹی جنرل سیکرٹری اور اربن ڈیموکریٹکس الائنس پاکستان کے چیئرمین سید اخلاق ہاشمی نے پیپلز پارٹی پنجاب کے رہنما ندیم چن کی پریس کانفرنس پر کڑی تنقید کرتے ہوئے کہا ہے ان کی پریس کانفرنس میں یہ کہا جانا کہ سیالکوٹ کے ضمنی الیکشن میں ہمیں ووٹ شہباز حکومت سے اتحادی ہونے کی وجہ سے نہیں ملے عوام نے پیپلز پارٹی اور مسلم لیگ (نون) کو مسترد کر دیا مسلم لیگ نون کے امیدوار کی کامیابی جعلی قرار دینا انہیں زیب نہیں دیتا اتنا بڑا جھوٹ ان کی جانب سے بولنا افسوسناک ہے سید اخلاق ہاشمی نے کہا کہ ندیم چن ایک بڑے باپ کا بیٹا اور سیاسی بصیرت کا حامل شخص ہے مگر افسوس ان کی جھوٹ پر مبنی پریس کانفرنس سے بہت دکھ پہنچا انہوں نے کہا کہ مسلم لیگ نے پنجاب میں بڑا کام کیا ہے عوام کو زیادہ سے زیادہ ریلیف کی فراہمی کو نہ صرف یقینی بنایا بلکہ عوام الناس کو بنیادی سہولیات کی فراہمی کو ان کی دہلیز تک پہنچایا اخلاق ہاشمی نے کہا کہ پیپلز پارٹی نے ہمیشہ پنجاب میں عوام کو مایوس کیا یہی وجہ ہے کہ ہر الیکشن میں عوام نے انہیں مسترد کر کے مسلم لیگ (نون )کو کامیابی سے ہمکنار کیا اخلاق ہاشمی نے کہا کہ سندھ میں پیپلز پارٹی پچھلے 15 برس سے اقتدار میں ہے مگر افسوس پورا سندھ کھنڈر میں بدل چکا کراچی کی صورتحال انتہائی ابتر ہونے سے عوام بنیادی سہولیات سے محروم ہیں کراچی سمیت پورا سندھ جل رہا ہے لوٹ مار ،کرپشن کا بازار گرم ہے تمام چھوٹے بڑے سرکاری ہسپتال ،تھانے اور دیگر شہری ادارے ٹھیکوں پر بیچ دیے جاتے ہیں جس سے ہر طرف اندھیر نگری چوپٹ راج کا بازار گرم ہے کوئی پرسان حال نہیں انہوں نے ندیم چند کو چیلنج کیا کہ وہ کسی بھی چینل پر
آکر ان کے ساتھ سندھ اور پنجاب میں ہونے والے ہونے والی ترقی پر مناظرہ کریں دودھ کا دودھ اور پانی کا پانی ہو جائے گا انہوں نے کہا کہ عوام مسلم لیگ نون کی خدمت کو دیکھ کر ووٹ دیتی ہے انہوں نے کہا کہ سندھ میں جو تھوڑی بہت ترقی ملی وہ نواز دور کے تحفے ہیں کراچی گرین بس منصوبہ، پانی کا میگا
کے فور منصوبہ ،سکھر ملتان موٹروے، گھارو دو رویہ سڑک کی تکمیل ،تھر کول بجلی کا منصوبہ اور ان جیسے کئی مرکزی حکومت کے ترقیاتی منصوبے شامل ہیں
