بابوسر ٹاپ پر المناک حادثہ: رینٹ کار اور آئل ٹینکر میں تصادم، ڈرائیور جاں بحق، 4 مسافر زخمی۔
Pakistan Travellers Club
بابوسر ٹاپ پر المناک حادثہ: رینٹ کار اور آئل ٹینکر میں تصادم، ڈرائیور جاں بحق، 4 مسافر زخمی۔
رپورٹ، سکندر حیات
بابوسر ٹاپ پر رات تقریباً دو بجے ایک المناک حادثے میں رینٹ کار اور آئل ٹینکر کے درمیان خوفناک تصادم ہوا، جس کے نتیجے میں کار ڈرائیور موقع پر ہی جاں بحق جبکہ چار مسافر معمولی زخمی ہو گئے۔
رینٹ کار نمبر RD 096 ICT (اسلام آباد) بتائی گئی ہے، جبکہ جاں بحق ہونے والے ڈرائیور کی لاش ناقابلِ شناخت حالت میں ملی۔ افسوسناک امر یہ ہے کہ متوفی کے پاس کوئی شناختی دستاویزات موجود نہیں تھیں، جس کے باعث اس کی شناخت فوری طور پر ممکن نہ ہو سکی۔ مسافروں کے مطابق ڈرائیور کا تعلق ضلع کوہستان سے بتایا جا رہا ہے۔
زخمیوں میں چاروں مسافر ترنگفہ لاجیز کے سٹوڈنٹس ہیں، جنہیں معمولی چوٹیں آئیں اور ان کی حالت خطرے سے باہر بتائی جا رہی ہے۔ حادثے کے بعد ریسکیو 1122 کی ٹیم نے بروقت کارروائی کرتے ہوئے لاش اور زخمیوں کو آر ایچ کیو ہسپتال چلاس منتقل کیا۔
ذرائع کے مطابق حادثہ سڑک پر “ککر” یعنی برف کی تہہ جم جانے کے باعث پیش آیا، جس نے گاڑیوں کو بے قابو کر دیا اور وہ ایک دوسرے سے جا ٹکرائیں۔
عوام الناس سے گزارش ہے کہ اس خبر کو زیادہ سے زیادہ شیئر کریں تاکہ جاں بحق ڈرائیور کے لواحقین تک یہ اندوہناک خبر پہنچ سکے۔ چونکہ متوفی کے پاس کوئی شناختی کارڈ یا دیگر اشیائے شناخت موجود نہیں تھیں، اس لیے عوامی تعاون کی ضرورت ہے
عوامی حلقوں نے دیامر انتظامیہ سے پُرزور مطالبہ کیا ہے کہ شام سے صبح 10 بجے تک بابوسر روڈ کو ہر قسم کی ٹریفک کے لیے بند رکھا جائے، تاکہ اس طرح کے جان لیوا حادثات سے قیمتی انسانی جانوں کو محفوظ بنایا جاے
