ژالہ باری بھی ہو سکتی ہے

محکمہ موسمیات کی ملک کےمختلف علاقوں میں بارش کی پیشگوئی
اسلام آباد: محکمہ موسمیات نے آئندہ بارہ گھنٹوں کے دوران بالائی خیبرپختونخوا، اسلام آباد، بالائی پنجاب، گلگت بلتستان اور کشمیر میں مطلع جزوی طور پر ابر آلود، اور آندھی و گرج چمک کے ساتھ چند مقامات پر بارش کی پیشگوئی کی ہے۔ اس دوران بعض مقامات پر ژالہ باری بھی ہو سکتی ہے
گزشتہ 24 گھنٹوں کے دوران، بالائی اور وسطی پنجاب، کشمیر، گلگت بلتستان اور بالائی خیبرپختونخوا کے کچھ علاقوں میں آندھی اور گرج چمک کے ساتھ بارش ہوئی جبکہ ملک کے دیگر علاقوں میں موسم گرم اور خشک رہا۔
گزشتہ روز زیادہ سے زیادہ درجہ حرارت سبی میں 48 ڈگری سینٹی گریڈ ریکارڈ کیا گیا۔