عید الاضحیٰ کے موقع پر عجمان کے ماہی گیروں کے لیے 50 لاکھ درہم مالی امداد کا اعلان
عید الاضحیٰ کے موقع پر عجمان کے ماہی گیروں کے لیے 50 لاکھ درہم مالی امداد کا اعلان کیا گیا ہے۔ سپریم کونسل کے رکن اور عجمان کے حکمران، شیخ حمید بن راشد النعیمی نے عجمان ماہی گیر کوآپریٹو سوسائٹی سے منسلک ماہی گیروں کے لیے اس امداد کے اجرا کا حکم دیا ہے۔
یہ اقدام اماراتی شہریوں کو پیشہ ورانہ ماہی گیری کے شعبے میں متحرک کرنے، ماہی گیروں کی ضروریات پوری کرنے اور ان کے اہلِ خانہ کے لیے باوقار زندگی کے قیام میں درپیش چیلنجز پر قابو پانے میں معاونت فراہم کرنے کے جذبے کے تحت اٹھایا گیا ہے۔
عجمان ولی عہد کے دفتر کے چیئرمین اور ماہی گیر کوآپریٹو سوسائٹی کے بورڈ آف ڈائریکٹرز کے چیئرمین، احمد ابراہیم الغملسی نے وضاحت کی کہ اس امداد سے وہ شہری مستفید ہوں گے جن کے پاس عجمان میں ماہی گیری کے لائسنس موجود ہیں اور وہ سوسائٹی کے باقاعدہ رکن ہیں-
