سمبڑیال الیکشن: PMLN کی جیت کی 7 وجوہات | مریم نواز کا کردار اور پی ٹی آئی کی ناکامی مزمل سہروردی

سمبڑیال الیکشن: PMLN کی جیت کی 7 وجوہات | مریم نواز کا کردار اور پی ٹی آئی کی ناکامی مزمل سہروردی

سمبڑیال الیکشن: PMLN کی جیت کی 7 وجوہات | مریم نواز کا کردار اور پی ٹی آئی کی ناکامی مزمل سہروردی
Sambrial Election: 7 Reasons PMLN Won | Maryam Nawaz’s Role & PTI’s Failure | Muzamal Suharwardy
===========================

سندھ سالڈ ویسٹ بورڈ نے عید الاضحی ٰکے انتظامات کو حتمی شکل دے دی
02 جون ، 2025FacebookTwitterWhatsapp
کراچی ( اسٹاف رپورٹر) منیجنگ ڈائریکٹر سندھ سالڈ ویسٹ مینجمنٹ بورڈ طارق علی نظامانی کی ہدایت پر عید الاضحیٰ کے سلسلے میں انتظامات کو حتمی شکل دے دی گئی ، ترجمان کے مطابق عید کے دوران جانوروں کے ساتھ تقریباً 25ہزار ٹن بھالومٹی بھی شہر کے مختلف مقامات پر لائی جاتی ہے اور سالڈ ویسٹ کا عملہ آلائشیں اٹھانے کے ساتھ بھالومٹی بھی اٹھاتا ہے جو لینڈ فل سائٹ پہنچائی جاتی ہے،اس سال آلائش اور کچرا الگ الگ اٹھانے کی حکمت عملی بنائی گئی ہےاور بھالومٹی کوشہر کے مختلف مقامات سے اٹھانے کے بعدجی ٹی ایس پر محفوظ کیا جائے گا۔

PIAنجکاری نومبر 2025ءتک مکمل کرلی جائے گی ‘ذرائع
02 جون ، 2025FacebookTwitterWhatsapp
کراچی(این این آئی)ذرائع نے بتایا کہ پی آئی اے کی نجکاری کا عمل نومبر 2025تک مکمل کر لیا جائے گا، حکومت قومی ایئر لائن کے50سے100فیصد شیئرز فروخت کرنے کا ارادہ رکھتی ہے۔ذرائع نے مزید بتایا کہ ملکی و غیر ملکی سرمایہ کاری گروپس نے قومی ایئر لائن کی خریداری میں دلچسپی ظاہر کی ہے۔گزشتہ ہفتے پی آئی اے ہولڈنگ کمپنی کلاس بی شیئرز میں ریکارڈ اضافہ ہوا اور شیئرز کی قیمت بڑھ کر 22ہزار روپے سے بھی تجاوز کر گئی۔پاکستان اسٹاک ایکسچینج کے نوٹس کے جواب میں پی آئی اے کی انتظامیہ نے ایک باضابطہ جواب جمع کروایا جس میں کہا گیا کہ وہ کسی بھی پیشرفت یا معلومات سے لاعلم ہیں جو حصص کی قدر میں اس قدر تیزی سے اضافے کا جواز پیش کر سکتی ہے۔

قومی ایئر لائن کی پرواز سے پرندہ ٹکرا گیا، 120مسافر سوار تھے
02 جون ، 2025FacebookTwitterWhatsapp
کراچی(این این آئی)قومی ایئر لائن کی پرواز سے پرندہ ٹکرا گیا، طیارے میں 120مسافر سوار تھے۔ ذرائع نے بتایا کہ طیارے کو 20 گھنٹے کے دوران دوبارہ پرواز کے قابل بنا لیا گیا۔ ذرائع کے مطابق کراچی سے لاہور کی پرواز سے گزشتہ روز پرندہ ٹکرایا۔ ذرائع کے مطابق لاہور ایئرپورٹ پر لینڈنگ کے دوران پرندہ ٹکرایا، جس میں 120مسافر سوار تھے۔قومی ایئر لائن کے ذرائع نے بتایاکہ لینڈنگ کے بعد انسپکشن کی گئی تو پرندہ ٹکرانے کے شواہد ملے۔

ملیر ایکسپریس وے کی کارپٹنگ کا کام بند ہوگیا، دوسرا فیز 30 اپریل تک کھولا نہ جاسکا
02 جون ، 2025FacebookTwitterWhatsapp
کراچی(رپورٹ/طاہر عزیز)شاہراہ بھٹو (ملیر ایکسپریس وے)کی کارپٹننگ کا کام بند ہو گیاشاہ فیصل کالونی انٹرچینج تا ملیر ندی پل قائدآباد کے دوسرے فیز کو اعلان کے مطابق 30 اپریل تک نہ کھولا جاسکا تار کول ایک ماہ سےبند ہونے کے باعث اسےبمشکل کار پٹ کیا گیا ہے پورے منصوبے کو محکمہ بلدیات حکو مت سندھ نےرواں سال کے آخر 31دسمبر تک مکمل کرنا ہے اب یہ بھی تاخیر کاشکار ہوتا نظر آرہا ہے،مئیر کراچی مرتضی وہاب نے کہا کہ ہم عید تک اس سڑک کا دوسرا فیز کھول دینگے، جام صادق برج سے کاٹھور سپرہائی وے تک موٹر وے کی طرز پر یہ ہائی وےمجموعی طور پر 39 کلو میٹر طویل ،تین تین لین کی دو رویہ ہےاسے تقریباً 75 ارب روپے کی لاگت سے پبلک پرائیویٹ پارٹنر شپ کی بنیاد پر بنایا جا رہا ہےرواں سال جنوری میں جام صادق برج سےشاہ فیصل کالونی تک 9 کلومیڑ سڑک کو مکمل کر کے ٹریفک کے لئے کھول دیا گیا تھا اس کا باقاعدہ افتتاح چیئرمین پیپلزپارٹی بلاول بھٹو زرداری نے کیا تھا اور اس موقع پر حکومت سندھ کی جانب سے اعلان کیا گیا تھا کہ قائدآباد تک 6 کلو میٹر کا دوسرا فیز 30 اپریل کو مکمل کر کے ٹریفک کے لئے کھول دیا جائے گا جس کا بعد ازاں متعدد بار وزیر بلدیات سعید غنی اور میئر کراچی مرتضی وہاب بھی اعلان کرتے رہے لیکن اصل صورتحال یہ ہےکہ پاک بھارت جنگ کے بعد سے اس ایکسپریس وے کی کارپٹننگ کا کام بند ہے اور اب پورا مئی بھی گزر گیا لیکن ددوسرے فیز کا افتتاح نہ ہو سکااس سلسلے میں صورتحال معلوم کرنے کےلئے جب پروجیکٹ ڈائریکٹر نیاز سومرو سے رابطہ کیا گیا تو انہوں نے کام بند ہونے کی تصدیق کی اور اس کی وجہ متعلقہ ریفائنری کی جانب سےپاک بھارت جنگ کے بعد سےتارکول (ڈامر)نہ ملنا بتایا انہوں نے کہا وہ اس سلسلے میں کراچی میں واقع متعلقہ ریفائنری کو خط لکھ چکے ہیں لیکن اب تک تار کول کی سپلائی بحال نہیں ہوئی ہے ہمیں روزانہ 100 ٹن تار کول کی ضرورت ہوتی ہےگزشتہ پیر اور منگل کو پچاس پچاس ٹن مال ملا جس سے ہم نےقائدآباد تک فیز ٹو کو مکمل کر دیا ہے حکومت جب چاہے اس کا افتتاح کر سکتی ہےتاہم سپر ہائی وے تک کی کارپٹننگ بند ہےجنگ سے پہلے دس کلومیٹر کی استر کاری کر لی تھی اب بقیہ کام بند ہے جیسےتار کول ملنا شروع ہو گا تو دوبارہ کارپٹننگ ہو گی دریں اثنامیئر کراچی بیرسٹر مرتضی وہاب نےشہید ذولفقار علی بھٹو ایکسپریس وے کا دورہ کیا انہوں نے ملیر ایکسپریس وے کے دوسرے حصے کا کام تیز کرنے اور عید سے قبل عوام کے لئے کھولنے کا حکم دیا مرتضی وہاب نے کہا 39 کلومیٹر طویل ایکسپریس وے کے پہلے فیز کا افتتاح بلاول بھٹو نے 11 جنوری کو کیا تھا عید سے قبل قائد آباد تک فیز ٹو پر کامُ مکمل کرکے عوام کے لئے کھول دیا جائے گا۔