
راشد منہاس روڈ پر فائرنگ سے زخمی ہونے والا جاں بحق- واقعہ ٹارگٹ کلنگ کا ہے یا ذاتی دشمنی تحقیقات کی جارہی ہیں۔
کراچی میں راشد منہاس روڈ پر فائرنگ سے زخمی ہونے والا پولیس اہلکار جاں بحق ہو گیا۔
تفصیلات کے مطابق کراچی میں راشد منہاس روڈ پر اہلکار یوسف پلازہ تھانے کی حدود میں کشتی چوک پر گولی لگنے سے زخمی ہوا۔
پولیس کے مطابق زخمی اہلکار کو فوری طور پر اسپتال منتقل کیا گیا جہاں وہ چل بسا، اہلکار شہر یار علی اےوی ایل سی شریف آباد میں تعینات تھا۔
زخمی اہلکار نے ابتدائی بیان میں بتایا تھاکہ اس کی جان کو خطرہ ہے، واقعہ ٹارگٹ کلنگ کا ہے یا ذاتی دشمنی تحقیقات کی جارہی ہیں۔
دوسری جانب شکار پور ٹاؤن چک کے علاقے دل مہر میں فائرنگ سے 2 افراد جاں بحق جبکہ 1 زخمی ہوگیا، ایک گروہ کے ملزمان نے دوسرےگروپ کے 3 افراد کو فجر کی نماز کے دوران اغوا کیا۔
اغوا کے بعد 2 افراد کو قتل اور 1 کو زخمی حالت میں چھوڑ کر فرار ہوگئے، جاں بحق افراد میں خان محمد مہر اور عمر مہر شامل ہے جبکہ لاشیں اسپتال منتقل کردی گئی اور ملزمان کی گرفتاری کیلئے ناکہ بندی کرکے چھاپے مارے جارہے ہیں۔
======================
بجلی پانی نہ ملنے پر عوام کا سڑکوں پر آنا فطری عمل ہے، آفاق احمد
کراچی(اسٹاف رپورٹر)مہاجر قومی موومنٹ (پاکستان) کے چئیرمین آفاق احمد نے کہاہے کہ بجلی،پانی نہ ملنےپر عوام کا سڑکوں پر آنا فطری عمل اورناانصافیوں کے خلاف آواز اٹھانابنیادی حق ہے،ہائیڈرنٹس بند نہ ہوئے، عوام کو پانی اور بلا تعطل بجلی نہ ملی اور اضافی بلنگ بند نہ کی تو عوام کا سڑکوں پر آنا فطری ردِ عمل ہوگاجسے روکناکسی کے بس میں نہیں ہوگا، یہ بات آفاق احمد نے کراچی میں طویل عرصے سےبجلی اور پانی کی مسلسل عدم فراہمی پر حکومت سندھ اور قانون نافذ کرنے والے اداروں کی مجرمانہ خاموشی کی مذمت کرتے ہوئے کہی۔انہوں نے کہا کہ عوام کا پانی چوری کرکے عوام کو ہی دھڑلے سے بیجا جارہا ہے،بجلی کی فراہمی کے بغیراضافی بلوں نے عوام کو جینا دوبھر کردیا ہے ناانصافیوں پر اٹھنے والی ہر آواز کو ملک دشمنی کہ دینا پرانی روایت ہے جسے اب ہمیشہ کیلئے دفن کردینا چاہیے،پاکستان کا ہر شہری اس ملک سے محبت کر تا ہے۔























