سال کی تیسری پولیو مہم کے دوسرے دن کا خبرنامہ جیوے پاکستان ڈاٹ کام کی خصوصی رپورٹ
وزیراعظم کی فوکل پرسن برائے انسداد پولیو عائشہ رضا فاروق نے چیف سیکرٹری خیبرپختونخوا شہاب علی شاہ سے ملاقات کی۔ ملاقات میں صوبے میں جاری پولیو کے خاتمے کی کوششوں پر بات چیت کی گئی۔ اس موقع پر نیشنل ایمرجنسی آپریشنز سینٹر کے کوآرڈینیٹر انوار الحق، ای او سی خیبرپختونخوا کے صوبائی کوآرڈینیٹر شفیع اللہ خان اور دیگر متعلقہ حکام بھی موجود تھے۔
ملاقات میں صوبے میں پولیو کے خاتمے کی موجودہ صورتحال، جاری مہم کے نتائج، اور درپیش چیلنجز پر تفصیلی گفتگو کی گئی۔ شرکاء نے پولیو مہم میں بہتری، مربوط حکمت عملی اور رسائی بڑھانے کے اقدامات پر بھی غور کیا۔
چیف سیکرٹری شہاب علی شاہ نے پولیو کے خاتمے کے لئے صوبائی حکومت کے مکمل تعاون کا یقین دلایا اور کہا کہ خیبرپختونخوا حکومت اور عوام صوبے کو پولیو کے وائرس سے پاک کرنے کے لئے پرعزم ہیں۔
اسلام آباد 27 مئی 2025
وزیر اعظم کا نوشکی میں انسداد پولیو مہم ٹیم پر فائرنگ کی مذمت
وزیر اعظم کی فائرنگ سے شہید ہونے والے پولیس اہلکار عبد الوحید کے لئے اظہار افسوس
وزیر اعظم کا شہید پولیس اہلکار کے اہل خانہ سے ہمدردی، اظہار تعزیت اور صبر و استقامت کی دعا.
بچوں کا مستقبل محفوظ بنانے کے لئے پولیو ٹیم پر حملہ قابل برداشت نہیں. وزیر اعظم
پولیو کی مہم کے خلاف شر پسند عناصر سے سختی سے نمٹا جائے گا. وزیر اعظم
=============
کوئٹہ۔ 27 مئی 2025
نوشکی میں پولیو ٹیم کی سیکیورٹی پر فائرنگ، ایک پولیس اہلکار شہید, ترجمان حکومت بلوچستان شاہد رند
شہید اہلکار وحید احمد ولد محمد ہاشم کا تعلق جمال آباد نوشکی سے تھا، ترجمان حکومت بلوچستان شاہد رند
پولیو مہم ایک قومی فریضہ ہے، اس پر حملہ ناقابل برداشت ہے،ترجمان حکومت بلوچستان
فریضے کی ادائیگی کے دوران جام شہادت نوش کرنے والے اہلکار کو خراجِ عقیدت پیش کرتے ہیں، ترجمان حکومت بلوچستان
یہ حملہ قومی مہم کو ثبوتاژ کرنے اور خوف و ہراس پھیلانے کی سازش ہے،ترجمان صوبائی
تخریب کاروں کے خلاف کارروائی میں مزید تیزی لائی جائے گی، ترجمان حکومت بلوچستان
حکومت پولیو ٹیموں اور سیکیورٹی اہلکاروں کی حفاظت کو مزید مؤثر بنائے گی،ترجمان حکومت بلوچستان شاہد رند ===============
وشکی ، نامعلوم افراد کی پولیو ٹیم پر فائرنگ ، پولیس اہلکار شہید
کلی محمد حسنی کے قریب پولیو مہم ڈیوٹی دے رہی تھی کہ اچانک نامعلوم افراد نے فائرنگ کر دی جس سے پولیس اہلکار موقع پر ہی دم توڑگیا، ریسکیو اہلکاروں نے لاش کو ہسپتال منتقل کر دیا
نوشکی ، نامعلوم افراد کی پولیو ٹیم پر فائرنگ ، پولیس اہلکار شہید
نوشکی-نوشکی میں نامعلوم افراد کی پولیو ٹیم پر فائرنگ سے پولیس اہلکار شہید ہوگیا، واقعہ کی اطلاع ملتے ہی ریسکیو اہلکار اور پولیس کی نفری موقع پر پہنچ گئی، ریسکیو اہلکاروں نے لاش کو ہسپتال منتقل کر دیا، بتایا گیا ہے کہ بلوچستان کے علاقے نوشکی میں کلی محمد حسنی کے قریب پولیو ٹیم ڈیوٹی دے رہی تھی کہ اچانک نامعلوم افراد نے پولیو ٹیم پرفائرنگ کردی جس کے نتیجے میں پولیس اہلکار موقع پر ہی دم توڑگیا۔
پولیس کے مطابق علاقے کو گھیرے میں لیکر ملزمان کی گرفتاری کیلئے سرچ آپریشن شروع کر دیا گیا ہے ۔دوسری جانب خیبرپختونخوا ہ کے ضلع ٹانک میں تین روزہ انسداد پولیو مہم کے دوران نامعلوم افراد نے انسداد پولیو ٹیم کے دو کارکنان کو اغوا کر لیا گیا۔
پولیس ذرائع کے مطابق دونوں ہیلتھ ورکرز ڈیوٹی پر تھے کہ نامعلوم مسلح افراد نے انہیں اغوا کر لیا اور نامعلوم مقام پر لے گئے۔
پولیو ورکرز ٹانک کے علاقے دولات کورنا میں جاری ویکسینیشن مہم کے ایک حصے کے طور پر اپنی ذمہ داریاں انجام دے رہے تھے۔ مغوی ورکرز کی شناخت یونین کونسل کے اہلکار صفت خان اور ان کے ساتھی حزب اللہ کے طور پر ہوئی۔واقعے کے فوری بعد پولیس نے اطراف کے علاقوں میں مغوی اہلکاروں کی بازیابی کیلئے سرچ آپریشن شروع کردیاہے۔دوسری جانب لاہور سمیت پنجاب بھر میں سال کی تیسری قومی انسداد پولیو مہم کا آج دوسرا روز تھا۔
دو لاکھ سے زائد پولیو ورکرز حصہ لے رہے تھے۔مہم کے تحت دو کروڑ تیس لاکھ بچوں کو ویکسین دی جائے گی، لاہور، راولپنڈی اور فیصل آباد میں مہم سات جبکہ باقی اضلاع میں پولیو مہم 5 دن تک جاری رہے گی۔پولیو ورکرز کا کہنا تھا والدین تعاون کریں، پانچ سال سے کم عمر بچوں کو لازمی پولیو سے بچاو کے قطرے پلائیں، ماہرینِ اطفال نے بچوں کو پولیو کے قطرے پلانے پر زور دیتے ہوئے کہا والدین پولیو ٹیموں سے بھرپور تعاون کریں۔
واضح رہے کہ گزشتہ روزملک بھر میں 2025 کی تیسری انسادا پولیو مہم شروع ہوگئی تھی۔ یکم جون تک جاری مہم میں 4 کروڑ 58 لاکھ بچوں کو پولیو سے بچاو کے قطرے پلانے کا ہدف مقرر کیا گیا تھا۔بتایا گیا تھا کہ سات روزہ مہم میں لاہور سمیت پنجاب میں 2 کروڑ 30 لاکھ، بلوچستان میں 36 لاکھ اور خیبرپختونخوا میں70 لاکھ سے زائد بچوں کو انسداد پولیو ویکسین پلائی جائیں گی۔
وفاقی وزیر صحت مصطفیٰ کمال نے نیشنل ایمرجنسی آپریشنز سینٹر اسلام آباد میں نیوز کانفرنس میں والدین سے اپیل کی کہ وہ اس قومی مہم کا حصہ بنیں اور اپنے بچوں کو مستقل معذوری سے بچائیں۔وفاقی وزیر صحت مصطفیٰ کمال کا کہنا تھا کہ خدا کا واسطہ ہے والدین یہ بات سمجھیں کہ یہ ان کے بچوں کی بہتری تھی۔ مہم میں کوئی سازش نہیں، والدین منفی باتیں ذہن سے نکال کر بچوں کو پولیو سے بچائیں کیوں کہ کینسر کا علاج ہے لیکن پولیو لاعلاج تھا۔
سندھ میں رواں برس کی تیسری انسداد پولیو شروع، وزیر صحت نے افتتاح کیا
کراچی – سندھ میں رواں برس کی تیسری انسداد پولیو مہم پیر کو شروع ہو گئی ، افتتاح وزیر صحت سندھ ڈاکٹر عذرا فضل پیچوہو نے بچوں کو قطرے پلا کر کیا، اس موقع پرا ن کےہمراہ سیکریٹری صحت ریحان اقبال بلوچ ودیگر بھی موجود تھے، مہم سندھ کے 30 اضلاع میں چلائی جارہی ہے جس میں 1 کروڑ 6 لاکھ بچوں کو پولیو سے بچاؤکے قطرے پلائے جائیں گے، 80 ہزار سے زائد تربیت یافتہ پولیو ورکرز 25 ہزار سے زائد پولیس اہلکاروں کی حفاظت میں بچوں کو پولیو کے قطرے پلائیں گے، 6ماہ سے 59 ماہ تک کے بچوں کو وٹامن اے کے قطرے بھی پلائے جائیں گے، یاد رہے کہ رواں سال سندھ میں پولیو وائرس کے 4کیسز سامنے آچکے ہیں ۔
ڈاکٹر مرزا اختیار بیگ نے پولیو مہم کا آغاز اپنے حلقہ سے کیا
کراچی-پیپلزپارٹی کے رکن قومی اسمبلی ڈاکٹر مرزا اختیار بیگ نےپولیو مہم کا آغاز اپنے حلقہباتھ آئی لینڈ کلفٹن سے کیا،انہوں نے والدین کے ساتھ ان کے بچوں کو پولیو کے قطرے پلائے، انہوں نے فیصل مصری پولیو سینٹر باتھ آئی لینڈ کلفٹن کا افتتاح کیا اور محلے میں ایم این اے فنڈز سے پانی کی نکاسی اور دیگر ترقیاتی کاموں کا جائزہ لیا۔
پنجاب،پولیو کے خاتمے کی مہم کا آغاز،2 کروڑ 30 لاکھ بچوں کو ویکسین دی جائیگی
لاہور – لاہور سمیت پنجاب کے مختلف اضلاع میں پولیو کے خاتمے کی مہم کا آغاز ہو گیا ہے جس افتتاح گزشتہ روز وزیر اعلی کی فوکل پرسن برائے پولیو عظمی کار دار نے مہم کا افتتاح کیا اس موقع پرافتتاحی تقریب میں انسداد پولیو پروگرام کے سربراہ عدیل تصور ،ڈائریکٹر جنرل ہیلتھ سروسز ڈاکٹر خلیل احمدسمیت تقریب میں بین الاقوامی انسدادپولیو پارٹنرز بھی شریک ہوئے عظمی کار دار نے تقریب سے خطاب کرتے ہوئے کہا کہ 2025 میں پولیو کی افزائش کو روکا جائے گاپولیو کا خاتمہ مریم نواز شریف کی اولین ترجیح ہے،گھر گھر آنے والی پولیو ٹیموں سے مکمل تعاون کریں جبکہ پولیو پروگرام کے سربراہ عدیل تصور نے کہا کہپولیو ورکرز سخت گرمی میں ہمارے بچوں کی حفاظت کے لئے گھر گھر جا رہے ہیں شہریپولیو ٹیموں سے خوش اسلوبی سے پیش آئیں اور اپنے بچوں کو پولیو کے قطرے پلوائیں تاکہ انکے بچے ہمیشہ کی معذوری سے بچ سکیں اور پاکستان پولیو فری ہو سکے ۔واضح رہے کہ پولیو مہم میں2 کروڑ 30 لاکھ بچوں کو ویکسین دی جائے گی۔
پولیو مہم شروع،ملتان میں پہلے روز 4 لاکھ سے زائد بچوں کو قطرے پلائے گئے
ملتان – ملتان میں 3 روزہ قومی پولیو مہم کا آغاز، پولیو مہم کے پہلے روز 4 لاکھ سے زائد بچوں کو گھر گھر قطرے پلائے گئے ۔ڈپٹی کمشنر وسیم حامد کا مختلف علاقوں کا دورہ کیا اور پولیو ٹیموں کی انسپکشن کی،انہوں نے بچوں کو پولیو قطرے پلائے اور تحائف تقسیم
دوسری قومی پولیو مہم ، لاکھوں بچوں کے ویکسین سے محرومی کا انکشاف
اسلام آباد-)رواں سال 2025 کی دوسری انسداد پولیو مہم ہدف کے حصول میں ناکام رہی ۔ ذرائع کا کہنا ہے کہ قومی پولیو مہم میں لاکھوں بچوں کے ویکسین سے محرومی کا انکشاف ہوا ہے، مہم میں 8لاکھ 90021ہزار بچوں کی ویکسینیشن نہیں ہو سکی۔ذرائع کے مطابق قومی پولیو مہم کا ہدف 37.26 ملین بچوں کی ویکسینیشن تھا لیکن مہم کے دوران 36.32 ملین بچوں کی ویکسی نیشن ہو سکی۔ کئے۔
ٹکرز برائے الیکٹرانک میڈیا
کوئٹہ۔ 27 مئی 2025
*نوشکی میں پولیو ٹیم کی سیکیورٹی پر حملہ بزدلانہ اور انسانیت سوز فعل ہے، صوبائی وزیر صحت بخت محمد کاکڑ*
پولیو مہم کو نشانہ بنانا مستقبل کے معصوم بچوں پر وار کے مترادف ہے، صوبائی وزیر صحت بخت محمد کاکڑ
شہید اہلکار وحید احمد کو قوم کا ہیرو سمجھتے ہیں، خراج عقیدت پیش کرتے ہیں، صوبائی وزیر صحت بخت محمد کاکڑ
پولیو مہم روکنے کی کوئی بھی کوشش ریاستی رٹ کو چیلنج کرنے کے برابر ہے، صوبائی وزیر صحت بخت محمد کاکڑ
حکومت دہشت گردوں کو آہنی ہاتھوں سے کچلے گی ، صوبائی وزیر بخت محمد کاکڑ
خبرنامہ نمبر 4094/2025
جعفرآباد۔ ڈپٹی کمشنر جعفرآباد خالد خان نے ضلع جعفرآباد میں جاری پولیو مہم کی مانیٹرنگ کے عمل کو جاری رکھتے ہوئے سم شاخ کے مقام پر بین الصوبائی سرحدی ٹرانزٹ پوائنٹ کا جائزہ لیا ٹیموں سے ملاقات کی اور جاری پولیو مہم کے حوالے سے آگاہی حاصل کی ڈپٹی کمشنر خالد خان نے ٹرانزٹ پوائنٹ پر خدمات سرانجام دینے والی ٹیموں کو ہدایات دیتے ہوئے کہا کہ سندھ کے علاقوں میں آنے والی تمام پبلک ٹرانسپورٹ سمیت دیگر پرائیویٹ ٹرانسپورٹ میں موجود بچوں کو ہر صورت پولیو سے بچاؤ کے قطرے پلائے جائیں تاکہ کوئی بھی بچہ پولیو کے قطرے پئیے بغیر بلوچستان میں داخل نہ ہو اس حوالے سے ڈپٹی کمشنر خالد خان نے ٹرانزٹ پوائنٹ پر قائم پولیس کی چوکی پر تعینات اہلکاروں کو بھی سختی سے ہدایت دیں کہ وہ پولیو کے قطرے پلانے کے حوالے سے ٹیموں کے ساتھ اپنے تعاون کو یقینی بنائیں کیونکہ یہ قومی فریضہ ہے ہم سب پر لازم ہے کہ ہم اپنی بساط کے مطابق مفاد عامہ میں خدمات سرانجام دیں تاکہ پولیو مہم کو کامیابی سے ہمکنار کیا جائے۔
وزیر زراعت سندھ سردار محمد بخش مہر کا پولیو خاتمے کا پختہ عزم،
کراچی 27 مئی ۔ سندھ کے وزیر زراعت، سردار محمد بخش مہر نے صوبے سے پولیو کے مکمل خاتمے کے اپنے پختہ عزم کا اظہار کیا ہے. انہوں نے خاص طور پر ضلع گھوٹکی کو پولیو سے پاک بنانے پر زور دیا اور متعلقہ حکام کو اس مہم کی مؤثر نگرانی کی ہدایت کی۔وزیر زراعت نے ضلع گھوٹکی میں پولیو مہم کی کامیابی کو یقینی بنانے کے لیے ڈپٹی کمشنر، ضلع کونسل کے چیئرمین اور بلدیاتی نمائندوں کو خصوصی ہدایات جاری کیں۔ انہوں نے کہا کہ گھوٹکی میں پولیو کا مکمل خاتمہ ہماری اولین ترجیح ہے۔سردار محمد بخش مہر نے بلدیاتی نمائندوں پر زور دیا کہ وہ اپنی متعلقہ یونین کونسلز (یوسیز) میں محکمہ صحت کے افسران کے ساتھ مل کر کام کریں تاکہ کوئی بھی بچہ پولیو ویکسین سے محروم نہ رہے۔ انہوں نے کہا، “ہم سب کو مل کر پولیو کو شکست دینی ہے اور ہم اس جنگ میں کوئی کسر نہیں چھوڑیں گے۔وزیر زراعت نے والدین سے بھی اپیل کی کہ وہ اپنے بچوں کو پولیو کے قطرے ضرور پلوائیں اور صحت کی ٹیموں کے ساتھ بھرپور تعاون کریں۔ انہوں نے اس بات پر زور دیا کہ کمیونٹی کی حمایت اور تعاون اس جنگ میں ہماری سب سے بڑی طاقت ہے۔سردار محمد بخش مہر نے پولیو مہم میں شامل تمام ہیلتھ ورکرز اور اہلکاروں کی قربانیوں کو قابل ستائش قرار دیا۔ انہوں نے عہد کیا کہ ضلع میں پولیو کے خاتمے کے لیے تمام دستیاب وسائل بروئے کار لائے جائیں گے اور جب تک یہ مقصد حاصل نہیں ہوتا، اس وقت تک چین سے نہیں بیٹھا جائے گا۔
خبرنامہ نمبر 4090/2025
کوئٹہ 27مئی۔ ڈپٹی کمشنر کوئٹہ کیپٹن (ر) کی زیر صدارت پولیو مہم کے پہلے دن کی کارکردگی کا جائزہ لینے کے لیے ایک اہم اجلاس منعقد ہوا، جس میں پولیو مہم سے متعلقہ افسران، ضلعی و ڈویژنل کوآرڈینیٹرز اور انتظامی افسران نے شرکت کی۔ اجلاس میں پولیو مہم کے آغاز کے بعد پہلے دن کی کارکردگی، درپیش چیلنجز اور آئندہ کے لائحہ عمل پر تفصیلی غور و خوض کیا گیا۔اجلاس میں صوبائی کوآرڈینیٹر انعام الحق، ڈسٹرکٹ کوآرڈینیٹر ڈاکٹر صفدر، ڈسٹرکٹ ہیلتھ آفیسر (ڈی ایچ او) ڈاکٹر ایمل مندوخیل، اسسٹنٹ کمشنر سریاب، اسسٹنٹ کمشنر سٹی، اسسٹنٹ کمشنر صدر سمیت تمام سب ڈویژنز کے کوآرڈینیٹرز نے شرکت کی۔اجلاس کے دوران متعلقہ افسران کی جانب سے ایک تفصیلی بریفنگ دی گئی جس میں مہم کے پہلے دن کی مجموعی کارکردگی، ٹیموں کی کوریج، درپیش مسائل، اور زیرو ڈوز، ‘نوٹ ایویلیبل’ (NA) کیسز، سٹیل NA کیسز اور رفیوزلز (انکار کرنے والے کیسز) کی موجودہ صورتحال سے آگاہ کیا گیا۔ اجلاس میں اس بات پر بھی زور دیا گیا کہ کم کوریج والے علاقوں کی خصوصی نگرانی کی جائے۔ ان علاقوں میں بلیلی، زرغون آباد، اور خروٹ آباد نمایاں طور پر شامل ہیں۔ڈپٹی کمشنر کوئٹہ نے بعض علاقوں میں سکیورٹی کے حوالے سے سامنے آنے والے مسائل پر برہمی کا اظہار کرتے ہوئے متعلقہ اداروں کو فوری اور مؤثر اقدامات کرنے کی ہدایت کی تاکہ مہم کے دوران ٹیموں کو درکار تحفظ یقینی بنایا جا سکے۔اجلاس کے اختتام پر ڈپٹی کمشنر نے تمام شریک افسران، ٹیم ممبرز اور عملے کی کاوشوں کو سراہتے ہوئے انہیں ہدایت دی کہ وہ اپنے فرائض پوری دیانتداری، محنت اور ذمہ داری کے ساتھ انجام دیں۔ انہوں نے زور دیا کہ پولیو کے خاتمے کے قومی ہدف کو مدنظر رکھتے ہوئے مہم کو مزید مؤثر، مربوط اور کامیاب بنایا جائے۔
خبرنامہ نمبر 4088/2025
کوئٹہ 27 مئی 2025: صوبائی مشیر کھیل و آمور نوجوانان محترمہ مینا مجید بلوچ نے نوشکی میں پولیو ٹیم کی سیکیورٹی پر مامور پولیس اہلکار وحید احمد ولد محمد ہاشم کی شہادت پر دلی دکھ اور افسوس کا اظہار کیا۔ اپنے بیاں میں انکا کہنا تھا کہ یہ ایک المناک اور قابلِ مذمت واقعہ ہے جس کی جتنی مذمت کی جائے کم ہے۔ میں شہید سپاہی کو خراجِ عقیدت پیش کرتی ہوں، جنہوں نے بچوں کے روشن اور محفوظ مستقبل کے لیے اپنی جان قربان کر دی۔ انہوں نے کہا کہ پولیو مہم ایک قومی اور انسانی خدمت کا عظیم مشن ہے، جس کا مقصد آنے والی نسلوں کو معذوری جیسے خطرناک مرض سے محفوظ رکھنا ہے جبکہ ایسے بزدلانہ حملے دراصل انسانیت، ترقی اور امن پر حملے کے مترادف ہیں۔ انہوں نے مزید کہا کہ دہشت گردی کے ان واقعات سے قوم کے حوصلے پست نہیں ہوں گے۔ ہم ان ملک دشمن عناصر کے خلاف متحد ہیں اور ان کے ناپاک عزائم کو کبھی کامیاب نہیں ہونے دیں گے۔ انہوں نے کہا کہ حکومتِ بلوچستان شہید اہلکار کے خاندان کے ساتھ مکمل یکجہتی کا اظہار کرتی ہے اور انہیں تنہا نہیں چھوڑے گی۔
خبرنامہ نمبر 4086/2025
صوبائی وزیر صحت بلوچستان بخت محمد کاکڑ نے کہا ہے کہ نوشکی میں پولیو ٹیم کی سیکیورٹی پر حملہ ایک قومی فریضے پر حملے کے مترادف ہے، جو کسی صورت برداشت نہیں کیا جا سکتا۔ یہ بزدلانہ، انسانیت سوز اور ناقابلِ معافی جرم ہے جس کا مقصد خوف و ہراس پھیلانا اور معصوم بچوں کے محفوظ مستقبل کو خطرے میں ڈالنا ہے صوبائی وزیر صحت نے شہید پولیس اہلکار وحید احمد ولد محمد ہاشم قوم مینگل ساکن جمال آباد کو زبردست خراج عقیدت پیش کرتے ہوئے کہا کہ وہ قوم کا اصل ہیرو ہے، جس نے ایک قومی فریضے کی ادائیگی کے دوران اپنی جان قربان کی۔ حکومت شہید اہلکار کے خاندان کے ساتھ کھڑی ہے اور ہر ممکن معاونت فراہم کی جائے گی بخت محمد کاکڑ نے واضح الفاظ میں کہا کہ پولیو مہم کو روکنے کی ہر کوشش ریاستی رٹ کو چیلنج کرنے کے مترادف ہے، جس کا منہ توڑ جواب دیا جائے گا۔ انہوں نے کہا کہ حکومت بلوچستان دہشت گردوں اور ان کے سہولت کاروں کو آہنی ہاتھوں سے کچلے گی اور ایسی بزدلانہ کارروائیاں قوم کے حوصلے پست نہیں کر سکتیں صوبائی وزیر صحت نے کہا کہ انسداد پولیو مہم ایک قومی فریضہ ہے جس کی کامیابی ہم سب کی مشترکہ ذمہ داری ہے۔ انہوں نے متعلقہ اداروں کو ہدایت کی کہ آئندہ پولیو مہمات کے دوران سیکیورٹی کے فول پروف انتظامات یقینی بنائے جائیں تاکہ انسانی خدمت کا یہ مشن کسی رکاوٹ کے بغیر جاری رکھا جا سکے۔
