ضلع تورغر میں آج سے انسداد پولیو مہم کا باقاعدہ آغاز ہو گیا ہے جس کے تحت پانچ سال سے کم عمر بچوں کو پولیو سے بچاؤ کے قطرے پلائے جا رہے ہیں مہم کے دوران پولیو ٹیموں کو مکمل تحفظ فراہم کرنے کے لیے تورغر پولیس کی جانب سے سیکیورٹی کے فول پروف انتظامات کیے گئے ہیں
تمام بنیادی صحت مراکز (BHU) سے پولیو ٹیمیں پولیس اہلکاروں کی سکیورٹی میں اپنے اپنے مقررہ علاقوں کی جانب روانہ ہو چکی ہیں تاکہ پرامن اور محفوظ ماحول میں قومی فریضہ انجام دیا جا سکے
ڈی پی او تورغر سید مختار شاہ (PSP )خود سیکیورٹی انتظامات کی نگرانی کر رہے ہیں انہوں نے تمام سرکل افسران ایس ڈی پی اوز اور ایس ایچ اوز کو ہدایات دی ہیں کہ وہ مہم کے دوران فیلڈ میں موجود رہیں پولیو ٹیموں سے مسلسل رابطے میں رہیں اور کسی بھی ممکنہ ہنگامی صورتحال میں فوری کارروائی یقینی بنائیں۔
ڈی پی او تورغر سید مختار شاہ PSP کا کہنا ہے کہ پولیس اہلکار اس قومی مہم کو خدمت کا جذبہ لے کر سرانجام دے رہے ہیں انہوں نے عوام سے اپیل کی کہ وہ انسداد پولیو مہم میں بڑھ چڑھ کر حصہ لیں اور اپنے بچوں کو پولیو کے قطرے ضرور پلوائیں تاکہ پاکستان کو اس موذی مرض سے مکمل نجات دلائی جا سکے۔
ترجمان تورغر پولیس
