
کوہستان لوئر پولیس!
پولیو مہم کا آغاز، پولیس کی جانب سے سخت سیکیورٹی اقدامات
![]()
کوہستان لوئر میں انسداد پولیو مہم کا باضابطہ آغاز ہو گیا ہے، جو ضلعی پولیس کی زیر نگرانی مکمل سیکیورٹی انتظامات کے ساتھ جاری ہے۔ ڈی پی او کوہستان لوئر تیمور خان (PSP) کی خصوصی ہدایات پر ایس ڈی پی اوز، ایس ایچ اوز اور انچارج چوکیات کو سیکیورٹی ڈیوٹی پر تعینات کر دیا گیا ہے۔
مہم کے دوران ضلع بھر میں ناکہ بندیاں اور سنیپ چیکنگ کا سلسلہ جاری ہے، جبکہ داخلی و خارجی راستوں پر بھی پولیس اہلکاروں کو ہائی الرٹ رکھا گیا ہے۔ پولیس افسران اہلکار کو ہدایت دی گئی ہے کہ وہ ڈیوٹی کے دوران مکمل چوکنا اور مستعد رہے۔
انسداد پولیو ٹیموں کی خدمات کو سراہتے ہوئے ضلعی پولیس سربراہ کوہستان لوئر نے والدین سے اپیل کی ہے کہ وہ بچوں کو پولیو کے قطرے پلوانے میں مکمل تعاون کریں، تاکہ معاشرے کو اس موذی مرض سے محفوظ بنایا جا سکے۔ کسی بھی مشکوک سرگرمی کی اطلاع فوری طور پر قریبی پولیس اسٹیشن کو دی جائے۔
























