ملک کے بیشتر علاقوں میں گرمی کی لہر برقرار، چند مقامات پر بارش کا امکان
اسلام آباد:محکمہ موسمیات کے مطابق آئندہ 12 گھنٹوں کے دوران ملک کے بیشتر علاقوں میں موسم گرم اور خشک رہے گا۔ تاہم، دوپہر کے بعد کشمیر، بالائی خیبرپختونخوا، شمال مشرقی پنجاب اور شمال مشرقی بلوچستان میں مطلع جزوی طور پر ابر آلود رہنے کے ساتھ ساتھ چند مقامات پر آندھی، جھکڑ چلنے اور گرج چمک کے ساتھ بارش کا امکان ہے۔
گزشتہ 24 گھنٹوں کے دوران اسلام آباد، خطۂ پوٹھوہار، پنجاب، بالائی خیبرپختونخوا اور کشمیر میں آندھی کے ساتھ گرج چمک اور بارش ریکارڈ کی گئی۔ جبکہ ملک کے دیگر علاقوں میں موسم مجموعی طور پر گرم اور خشک رہا۔ میدانی علاقے شدید گرمی کی لپیٹ میں رہے، جہاں درجہ حرارت غیر معمولی حد تک بڑھا۔
محکمہ موسمیات کے مطابق گزشتہ روز سب سے زیادہ درجہ حرارت جیکب آباد میں 50 ڈگری سینٹی گریڈ ریکارڈ کیا گیا۔ سبی میں 49، جبکہ دادو، موہنجوداڑو، روہڑی، لاڑکانہ اور شہید بینظیر آباد میں درجہ حرارت 47 ڈگری سینٹی گریڈ تک پہنچ گیا، جو موجودہ موسم کی شدت کو ظاہر کرتا ہے۔
شہرِ قائد کراچی میں 24 گھنٹے کے دوران موسم شدید گرم اور مرطوب رہنے کا امکان ہے۔
محکمہ موسمیات کے مطابق شہر میں زیادہ سے زیادہ درجہ حرارت 38 سے 40 ڈگری سینٹی گریڈ تک رہنے کا امکان ہے۔
ملک کے اکثر علاقوں میں موسم گرم اور خشک رہنے کا امکان
محکمہ موسمیات نے بتایا کہ کراچی کی ہوا میں نمی کا تناسب 72 فیصد ہے۔
محکمہ موسمیات کے مطابق شہر میں سمندری ہوائیں 5 کلو میٹر فی گھنٹہ کی رفتار سے چل رہی ہیں۔
محکمہ موسمیات نے بتایا کہ کراچی میں کم سے کم درجہ حرارت 30 ڈگری سینٹی گریڈ ریکارڈ کیا گیا۔
