کراچی میں کورونا وائرس سے چار اموات کی تصدیق
کراچی (اسٹاف رپورٹر) محکمہ صحت سندھ نے کراچی میں کورونا وائرس سے چار اموات کی تصدیق کی ہے۔ محکمہ صحت سندھ کی ترجمان میران یوسف کے مطابق متاثرہ افراد کی عمریں ساٹھ سال سے زائد تھیں جنہیں دیگر بیماریاں و پیچیدگیاں بھی تھیں جس کے باعث وہ آغا خان یونیورسٹی اسپتال میں دوران علاج انتقال کر گئے۔آغا خان یونیورسٹی کے ماہرِ متعدی امراض ڈاکٹر فیصل محمود نے عوام سےاحتیاطی تدابیر اپنانے کی اپیل کی ہے، ان کا کہنا تھا گزشتہ دو سے تین ہفتوں کے دوران کووڈ-19 کے کیسز میں نمایاں اضافہ دیکھا گیا ہے۔ ان کے مطابق متاثرہ افراد میں علامات وہی ہیں جو گزشتہ برسوں میں سامنے آتی رہی ہیں، جن میں کھانسی، نزلہ، بخار اور جسم میں درد شامل ہیں۔
=============================
بیوروکریسی میں تقرر و تبادلے، شکیل اصغر چیف فنانس افسر کابینہ ڈویژن تعینات
اسلام آ باد ( رانا غلام قادر ) بیوروکریسی میں تقرر و تبادلے، شکیل اصغر چیف فنانس افسر کابینہ ڈویژن تعینات، ذیشان دانش ڈی جی بیت المال، اسرار الحق ڈی جی آڈٹ ورکس ،راشد جاوید رانا ڈپٹی سیکرٹری موسمیاتی تبدیلی مقرر ،وفاقی بیوروکریسی میں تقرر و تبادلے کئے گئے ہیں، ڈائریکٹر جنرل آڈٹ سوشل سیفٹی نیٹو اسلام آباد اورپاکستان آڈٹ اینڈ اکاؤنٹس سروس کے گریڈ بیس کےافسر رانا شکیل اصغر کو تبدیل کر کے چیف فنانس اینڈ اکاؤنٹس افسر کابینہ ڈویژن تعینات کیا گیا ہے،چیف فنانس اینڈ اکاؤنٹس افسر کابینہ ڈویژن اورپاکستان آڈٹ اینڈ اکاؤنٹس سروس کے گریڈ بیس کےافسر اسرار الحق کا تبادلہ کر کے اُنہیں ڈائریکٹر جنرل آڈٹ ورکس (فیڈرل) تعینات کیا گیا ہے۔
