پولیو سے پاک پاکستان، 26 مئی سے شور کوٹ میں پولیو مہم کا آغاز
شور کوٹ : ملک بھر کی طرح شورکوٹ میں بھی پولیو مہم کی تیاریاں اپنے عروج پر ہیں۔ محکمہ صحت کی جانب سے ٹیموں کو تربیت دینے کا عمل جاری ہے اور طے شدہ پروگرام کے مطابق 26 مئی سے 30 مئی تک پانچ سال سے کم عمر بچوں کو پولیو کے قطرے پلائے جائیں گے۔
ڈپٹی ڈسٹرکٹ ہیلتھ آفیسر ڈاکٹر محمد سعید کے مطابق، اس مہم کے دوران 1 لاکھ 13 ہزار بچوں کو پولیو کے قطرے پلانے کا ہدف مقرر کیا گیا ہے۔ انہوں نے بتایا کہ محکمہ صحت کی 428 ٹیمیں گھر گھر جا کر بچوں کو پولیو سے محفوظ بنائیں گی، جبکہ 22 موبائل ٹیمیں اور 10 فکسڈ ٹیمیں مختلف چوکوں اور شاہراہوں پر موجود رہ کر بچوں کو پولیو کے قطرے پلائیں گی۔ ڈاکٹر محمد سعید نے تمام شہریوں سے اپیل کی ہے کہ وہ اپنے بچوں کو پولیو کے قطرے ضرور پلوائیں-
