عید الاضحی پر ریلیز ہونے والی پاکستان کے سپر اسٹارز ہمایوں سعید اور ماہرہ خان کی فلم لو گرو کی لانچنگ کی تقریب امریکی شہر ھیوسٹن میں منعقد ہوئی
پاکستانی نیوز اور انٹرٹینمینٹ چینل کے بینر تلے بننے والی فلم لو گرو کے ھیرو ہمایوں سعید اور ھیروئن ماہرہ خان کا ھیوسٹن میں شاندار خیر مقدم کیا گیا
پرائیوٹ تقریب ہونے کے باوجود اپنے پسندیدہ ستاروں کی ایک جھلک دیکھنے کیلے لوگوں کا ازدھام امڈ آیا جس کی وجہ سے اضافی سیکورٹی طلب کرناپڑ گئی
پاکستانی سپر ھٹ فلمی جوڑی کو ائیرپورٹ سے ھوٹل اور ہال تک ھیوسٹن پولیس کا سرکاری پروٹوکول فراہم کیا گیا تھا
تقریب میں پاکستان کے صف اول کے فلمی 
ستارے اپنے مداحوں میں گھل مل گئے اور اپنی نئی فلم کے معروف نغموں پر رقص بھی کیا
تقریب میں ایم سی کے فرائض معروف میڈیا پرسن آصف جمال نے انجام دئیے 
تقریب میں پاکستانی نژاد امریکی بزنس ٹائیکون تنویر احمد اور امریکہ کے سب سے معروف ریسٹورینٹ آغاز کے مالک ممتاز بزنس مین شوکت مریدیا نے بھی شرکت کی
فلمی پردے کی سب سے معروف جوڑی کا کہنا ہے کہ نئی آنے والی فلم لو گرو لوگوں کو کامیڈی اور رومانس کے ساتھ بھرپور انٹر ٹینمینٹ فراہم کرے گی اور پاکستان کی فلمی صنعت کو استحکام دینے میں معاون ثابت ہوگی
ھیوسٹن سے کامران جیلانی کی رپورٹ 
پاکستانی نیوز اور انٹرٹیمنٹ چینل کے بینر تلے عید الا ضحی پر ریلز ہونے والی فلم لو گرو کی لانچنگ کیلے امریکہ کا دورہ کرنے والے سپر اسٹار ہمایوں سعید اور ماہرہ خان کا ھیوسٹن پہنچنے پر شاندار خیر مقدم کیا گیا اور انہیں ھیوسٹن پولیس کے سرکاری پروٹوکول میں ایونٹ ہال تک پہنچایا گیا کہ جہاں اپنے پسندیدہ ستاروں کی ایک جھلک دیکھنے کیلے ہزاروں افراد بے چینی سے منتظر تھے
ممتاز پروگرام آرگنائزر اور میڈیا پرسن آصف جمال کی نگرانی میں ھیوسٹن کے مقامی ہال میں منعقد ہونے والی فلم لو گرو کی لانچنگ کی تقریب میں فلمی ستارے اپنے پرستاروں میں گھل مل گئے اور نئی فلم کے مشہور نغمے آجا تینوں سیر کراواں آ ہا پر رقص بھی کیا
تقریب میں ایم سی کے فرائض آصف جمال نے انجام دئیے اور فلم کے مختلف پہلوں پر روشنی ڈالی 
تقریب میں فلم “لو گرو” کا ٹریلر بھی بڑی اسکرین پر پیش کیا گیا جس نے مداحوں کو بہت متاثر کیا
۔
یہ فلم عید الاضحیٰ کے پرمسرت موقع پر 6 جون 2025 کو پاکستان بھر کے سنیما گھروں میں ریلیز کی جائے گی۔ فلم کے پروڈیوسرز میں ہمایوں سعید، شہزاد نصیب اور جرجیس سیجا شامل ہیں جبکہ زیادہ تر مناظر لندن کی خوبصورت لوکیشنز پر فلمائے گئے ہیں۔
تقریب میں دونوں فلمی ستاروں نے اپنے پرستاروں کے سوالوں کے دلچسپ جوابات بھی دئیے
تقریب میں پاکستانی نژاد امریکی بزنس ٹائیکون تنویر احمد اور امریکہ کے سب سے معروف ریسٹورینٹ آغاز کے مالک ممتاز بزنیس میں شوکت مریدیا نے بھی شرکت کی
تقریب میں پاکستانی امریکی میڈیا سے گفتگو کرتے ہوئے فلمی پردے کی سب سے معروف جوڑی کا کہنا تھا کہ نئی آنے والی فلم لو گرو لوگوں کو کامیڈی اور رومانس کے ساتھ بھرپور انٹر ٹینمینٹ فراہم کرے گی اور پاکستان کی فلمی صنعت کو استحکام دینے میں معاون ثابت ہوگی
By Kamran Jilani
International correspondent Bol Tv
