پاکستان کی برآمدات کو 60 ارب ڈالر تک بڑھانے کا منصوبہ
وزیراعظم شہباز شریف اور آرمی چیف جنرل عاصم منیر ملک میں معاشی استحکام اور برآمدات کو فروغ دینے کے لیے پرعزم ہیں۔ دونوں قیادتیں مل کر پاکستان کی معیشت کو مضبوط بنانے اور عالمی منڈیوں میں ملکی مصنوعات کی رسائی بڑھانے کے لیے سخت محنت کر رہی ہیں۔ ان کی کوششوں کا مقصد ملک میں روزگار کے نئے مواقع پیدا کرنا اور زرمبادلہ کے ذخائر میں اضافہ کرنا ہے۔ اب حکومت نے برآمدات کو اگلے پانچ سال میں 60 ارب ڈالر تک پہنچانے کا ایک جامع منصوبہ بنایا ہے، جو ملک کی معاشی ترقی کی نئی راہیں کھولے گا۔
وفاقی وزیر تجارت جام کمال خان نے کہا کہ 15 برآمدی شعبوں میں ٹیرف کو کم یا بڑھانے کے لیے عملی اقدامات کا فیصلہ کیا ہے۔ انہوں نے بتایا کہ حکومت ٹیرف ریشنلائزیشن کے ذریعے آئندہ پانچ سال میں قومی برآمدات کو 60 ارب ڈالر تک بڑھانے کا منصوبہ رکھتی ہے۔ یہ اقدام نہ صرف صنعتکاروں کو فائدہ پہنچائے گا بلکہ ملک کو نئی عالمی منڈیوں تک رسائی دلانے میں بھی مدد دے گا۔
وزیر تجارت نے ایک انٹرویو میں کہا کہ حکومت نے ایک جامع ٹیرف پالیسی بنائی ہے، جس سے ملکی تجارت کا حجم بڑھے گا اور پاکستان کو نئی منڈیوں میں داخل ہونے کا موقع ملے گا۔ انہوں نے زور دیا کہ اس پالیسی کے تحت مختلف شعبوں میں درآمدی اور برآمدی شرحوں کو معقول بنایا جائے گا، جس سے صنعتکاروں کو سہولت ہوگی اور برآمدات میں اضافہ ہوگا۔
حکومت کا یہ منصوبہ خاص طور پر ٹیکسٹائل، زراعت، انفارمیشن ٹیکنالوجی اور مینوفیکچرنگ جیسے اہم شعبوں پر مرکوز ہے۔ ان شعبوں میں پہلے سے ہی پاکستان کی عالمی سطح پر اچھی پہچان ہے، لیکن نئی پالیسیوں کے ذریعے انہیں مزید فروغ دیا جائے گا۔ اس کے علاوہ چھوٹے اور درمیانے درجے کے کاروباروں کو بھی عالمی منڈیوں سے جوڑنے کی کوششیں تیز کی جا رہی ہیں۔
وزیراعظم شہباز شریف نے اس سلسلے میں مختلف صنعتکاروں اور برآمد کنندگان سے ملاقاتیں کی ہیں اور ان کی مشکلات دور کرنے کے لیے فوری اقدامات کا وعدہ کیا ہے۔ انہوں نے کہا کہ حکومت کی اولین ترجیح معیشت کو مستحکم کرنا اور برآمدات کو فروغ دینا ہے، تاکہ ملک ترقی کی نئی منزلوں کو چھو سکے۔
آرمی چیف جنرل عاصم منر نے بھی معاشی ترقی کے لیے اپنی مکمل حمایت کا اظہار کیا ہے۔ انہوں نے کہا کہ پاکستان کی معیشت کو مضبوط بنانے کے لیے تمام اداروں کو مل کر کام کرنا ہوگا۔ فوج بھی اقتصادی ترقی کے لیے اپنا کردار ادا کر رہی ہے، خاص طور پر سی پیک جیسے منصوبوں کو تیز کرنے اور تجارتی راہداریوں کو محفوظ بنانے کے لیے اقدامات کیے جا رہے ہیں۔
تجارت کے شعبے میں ماہرین کا کہنا ہے کہ اگر حکومت کی یہ پالیسیاں درست طریقے سے نافذ ہوتی ہیں، تو پاکستان کی برآمدات میں نمایاں اضافہ ہو سکتا ہے۔ ان کا کہنا ہے کہ نئی ٹیرف پالیسی نہ صرف صنعتکاروں کو فائدہ پہنچائے گی بلکہ ملک میں غیر ملکی سرمایہ کاری کو بھی راغب کرے گی، جس سے روزگار کے نئے مواقع پیدا ہوں گے۔
حکومت کی جانب سے یہ اقدام ایک مثبت پیش رفت ہے، جس سے پاکستانی مصنوعات کو عالمی سطح پر زیادہ سے زیادہ فروغ ملے گا۔ وفاقی وزیر تجارت کے مطابق، نئی پالیسی کے تحت پاکستان چین، یورپ اور مشرق وسطیٰ جی
========================
سندھ حکومت کا چین کے تعاون سے منی ٹرک اسمبلنگ لائن کراچی میں قائم کرنے کا اعلان
چین کے شہر بوزھو میں سپر منی ٹرک کی رونمائی کی تقریب میں شرجیل میمن، ناصر حسین شاہ اوردیگر نے شرکت کی
حکومت سندھ نے چین کے تعاون سے منی ٹرک کی اسمبلنگ لائن جلد کراچی میں قائم کرنے کا اعلان کیا ہے۔ چین کے شہر بوزھو میں سپر منی ٹرک کی رونمائی کی تقریب ہوئی جس میں سندھ کے سینئر وزیر شرجیل انعام میمن اور صوبائی وزیر سید ناصر حسین شاہ نے شرکت کی۔
چین کے شہر بوزھو میں سپر منی ٹرک کی رونمائی کی تقریب ہوئی، جس میں سندھ کے سینئر وزیر شرجیل انعام میمن، صوبائی وزیر ناصر حسین شاہ اوردیگر نے شرکت کی۔
تقریب سےخطاب کرتے ہوئے شرجیل میمن نے کہا سپر منی ٹرک منصوبہ پاک چین صنعتی اشتراک اور تکنیکی تعاون کی شاندار مثال ہے، جو دونوں ممالک کے لیے ترقی اور خوشحالی کے نئے دروازے کھولے گا۔
شرجیل انعام میمن نے کہا کہ منی ٹرک پاکستان میں ہلکی کمرشل گاڑیوں کی بڑھتی ہوئی طلب کو پورا کرنے کی مکمل صلاحیت رکھتا ہے۔
صوبائی وزیر سندھ نے کہا کہ سپر منی ٹرک چینی کمپنی چیری ہولڈنگ اور پیڈی ٹیکنالوجی کمپنی لمیٹڈ کے اشتراک سے تیارانقلابی ایجاد ہے، یہ گاڑی شہری و دیہی علاقوں میں لاجسٹکس کے مسائل کا حل ہے۔
انہوں نے کہا کہ سپر منی ٹرک کی اسمبلنگ لائن جلد ہی کراچی میں قائم کی جائے گی، جو پاکستان میں صنعتی ترقی، مقامی پرزہ سازی، روزگار کے مواقع اور ٹیکنالوجی کی منتقلی کے عمل کو تیز کرے گی۔
=======================
ہینڈ آؤٹ نمبر405
وزیراعلیٰ مریم نواز شریف سے ترکیہ کے سفیر عرفان نذیراوغلو کی ملاقات،بھارتی جارحیت پر پاکستان کی دوٹوک حمایت پر اظہار تشکر
پاکستان ترکیہ کی بھارتی جارحیت پرسفارتی،اخلاقی اور اسٹریٹجک سطح پر غیر متزلزل یکجہتی پر سپاس گزار ہے:مریم نواز شریف
صدررجب طیب اردوان کا کہنا ہے کہ ”ہم اچھے اور برے وقت میں پاکستان کے ساتھ ہیں“دلوں میں نقش ہو چکا ہے
سب پاکستانی ترکیہ کے بہن بھائیوں کیلئے دلی محبت اور عقیدت رکھتے ہیں،ترکیہ کی غیر مشروط حمایت پاکستانی قوم ہمیشہ یاد رکھے گی
پاکستان اور ترکیہ کے تعلقات باہمی اعتماد، غیر متزلزل حمایت اور مشترکہ اقدار کی درخشاں علامت ہیں،اناطولیہ ڈپلومیسی فورم کے دوران حکومت ترکیہ اور خاتون اول کی مہمان نوازی پر بے حد مشکور ہوں
تجارت کو مزید تقویت دینے کیلئے ترکیہ کے ساتھ اشتراک کار بڑھائینگے، اسٹریٹجک کوآپریشن کونسل کے دوران 24 معاہدوں پر دستخط خوش آئند ہیں
پنجاب کے پاس برآمدات کی بے مثال صلاحیت،سرمایہ کار دوست انفرااسٹرکچراور دیگر بہترین مواقع موجود ہیں، ترکی اور پاکستان کی مذہبی و ثقافتی ہم آہنگی نمایاں ہے
لاہور18مئی:……وزیراعلیٰ پنجاب مریم نواز شریف سے ترکیہ کے سفیر عرفان نذیراوغلو (Irfan Neziroglu) نے ملاقات کی- وزیراعلیٰ مریم نواز شریف نے ترکیہ کے سفیر نذیراوغلو کا پرخلوص و پر تپاک خیر مقدم کیا- بھارتی جارحیت پر ترکیہ کی پاکستان کی دوٹوک حمایت پر وزیراعلی مریم نواز شریف نے اظہار تشکر کیا- پاکستان اور ترکی کے درمیان دوطرفہ تعلقات، تجارتی تعاون، علاقائی امن اور ثقافتی روابط پر تبادلہ خیال کیاگیا-وزیراعلی مریم نوازشریف نے کہاکہ پاکستان ترکیہ کی بھارتی جارحیت پر سفارتی،اخلاقی اور اسٹریٹجک سطح پر غیرمتزلزل یکجہتی پر سپاس گزار ہے-صدررجب طیب اردوان کا کہنا ہے کہ ”ہم اچھے اور برے وقت میں پاکستان کے ساتھ ہیں“دلوں میں نقش ہو چکا ہے۔ سب پاکستانی ترکیہ کے بہن بھائیوں کے لیے دلی محبت اور عقیدت رکھتے ہیں -ترکیہ کی بھارتی جارحیت پر حالیہ غیر مشروط حمایت پاکستانی قوم ہمیشہ یاد رکھے گی۔وزیراعلی مریم نواز شریف نے کہاکہ پاکستان اور ترکیہ صرف اتحادی نہیں بلکہ ایمان، ثقافت اور تاریخ میں جُڑے ہوئے بھائی ہیں۔پاکستان اور ترکیہ کے تعلقات باہمی اعتماد، غیر متزلزل حمایت اور مشترکہ اقدار کی درخشاں علامت ہیں۔اناطولیہ ڈپلومیسی فورم کے وزٹ کے دوران حکومت ترکیہ اور خاتون اول کی مہمان نوازی پر بے حد مشکور ہوں -پاکستان اور ترکی کے درمیان دوطرفہ تجارت میں تعاون مزید بڑھانے کی ضرورت ہے۔تجارت کو مزید تقویت دینے کے لیے ترکیہ کے ساتھ اشتراک کار بڑھائیں گے۔وزیراعلی مریم نواز شریف نے کہاکہ7ویں ہائی لیول اسٹریٹجک کوآپریشن کونسل کے دوران 24 معاہدوں پر دستخط خوش آئند ہیں – پنجاب ترکیہ کے ساتھ دوستی کو معاشی تحریک میں بدلنے کے لیے مکمل طورپرتیارہے۔پنجاب کے پاس برآمدات کی بے مثال صلاحیت، سرمایہ کار دوست،انفرااسٹرکچراور دیگر بہترین مواقع موجود ہیں – ترکی اور پاکستان کی مذہبی و ثقافتی ہم آہنگی نمایاں ہے۔وزیراعلی مریم نواز شریف نے کہاکہ پاک ترکیہ تعلقات کو نئی بلندیوں تک لے جانا چاہتے ہیں۔ پاک ترکیہ باہمی رشتہ وقت کی آزمائشوں میں کندن ہو کر مزید مضبوطی اور کامیابیوں کی نوید دے رہا ہے۔
