ایک یونیورسٹی کی طالبات ٹریفک حادثے میں زخمی- دوسری یونیورسٹی،چھت اسٹرکچر گرنے کے معاملہ کی تھرڈ پارٹی انکوائری کا فیصلہ
یونیورسٹی کی طالبات ٹریفک حادثے میں زخمی
کراچی -وفاقی اردو یونیورسٹی کی طالبات روڈ ایکسیڈنٹ میں زخمی ،یاد رہے کہ ایک ہفتے پہلے بھی ایک طلبہ شدید زخمی ہوئی تھی وفاقی اردو یونیورسٹی کے سامنے نئی سڑکوں کی تعمیر کے بعد وہاں لگا ہوا اوورہیڈ برج نکال دیا گیا جس کے ذریعے طلبہ و طلبات اور عوام سڑک عبور کرتے تھے اب طلبہ و طالبات اور عوام کے پاس کوئی متبادل نہیں ہے اور انہیں ٹریفک کی روانی کے دوران ہی سڑک عبور کرنا پڑتی ہے جس کی وجہ سے ائے دن حادثات پیش ارہے ہیں یونیورسٹی کے سامنے کوئی سپیڈ بریکر ٹریفک سگنل اور زیبرا کراسنگ نہیں ہے یونیورسٹی کی رجسٹرار ڈاکٹر سعدیہ خلیل نے خاص طور پر حکومت سندھ سے اپیل کی ہے کہ یونیورسٹی کے سامنے فوری طور پر اوورہیڈ برج کی تعمیر کریں یا زیبرا کراسنگ کے ساتھ ساتھ اسپیڈ بریکر اور ٹریفک پولیس اہلکار کو تعینات کیا جائے۔
===================
کامسٹس یونیورسٹی،چھت اسٹرکچر گرنے کے معاملہ کی تھرڈ پارٹی انکوائری کا فیصلہ
13 مئی ، 2025FacebookTwitterWhatsapp
اسلام آباد (ساجد چوہدری)وزارت سائنس و ٹیکنالوجی نے کامسٹس یونیورسٹی کی تجویز پر یونیورسٹی کی بالائی منزل کے بلاک کی چھت کا اسٹرکچر گرنے کے واقعہ کی تھرڈ پارٹی انکوائری کرانے کا فیصلہ کیا ہے ،جس کی روشنی میں ذمہ داری کا تعین کیا جائے گا ۔
===================
پاکستان زندہ باد تھا، ہے اور رہے گا، ڈاکٹر نعمان
سائبر وار میں پاکستانی ٹیکنالوجی کی برتری قابلِ داد ہے، ڈاکٹر طفیل
جامعہ این ای ڈی میں افواج پاکستان سے یکجہتی کے لیے نیڈیا کی ریلی
کراچی() جامعہ این ای ڈی میں بھارتی جارحیت کے خلاف اور افواجِ پاکستان کی بروقت دفاعی کاروائی کے حق میں اظہارِ یکجہتی کے لیے ریلی نکالی گئی۔ ریلی کی قیادت جامعہ کراچی کے قائم مقام وائس چانسلر ڈاکٹر نعمان احمد نے کی۔ ایمپلائز ایسوسی ایشن(نیڈیا) کے تحت منعقدہ ریلی میں اساتذہ، طلبا و طالبات اور انتظامی عملے کی بڑی تعداد نے شرکت کی۔ جامعہ کی ترجمان فروا حسن کے مطابق ریلی کا آغاز جامعہ کی ابوالکلام لائبریری سے ہوا۔ ریلی میں شریک افراد نے ہاتھوں میں بینرز اور پلے کارڈز اٹھا رکھے تھے جن پر بھارت کے جارحانہ عزائم، بزدلانہ حملوں کی مذمت اور افواج پاکستان کے حق میں نعرے درج تھے۔ وائس چانسلر این ای ڈی یونیورسٹی آف انجینئرنگ اینڈ ٹیکنالوجی ڈاکٹر نعمان احمد کا کہنا تھا کہ بھارت سے ناصرف پاکستان کو بلکہ خطے بھر کے امن کو خطرہ لاحق ہے۔ ان کا کہنا تھا کہ پاکستانی فضائیہ کا کردار بھی قابلِ تعریف ہے جس نے فضا کو بھی دشمن کی سازشوں سے پاک کیا گیا۔ ان کا مزید کہنا تھا کہ پاکستان کا دفاع مضبوط ہاتھوں میں ہے جب کہ پاکستان زندہ باد تھا، ہے اور رہے گا۔ ریلی سے خطاب کرتے ہوۓ پرووائس چانسلر ڈاکٹر محمد طفیل نے کہا کہ یہ خبر سُن کرتقویت ہوئی کہ پاک فضائیہ نے بھارتی طیارے مار گراۓ۔ یہ جنگ سائبر وار ہے جس سے پاکستانی ٹیکنالوجی کی برتری بھی ثابت ہوتی ہے۔ ان کا کہنا تھاکہ جامعہ این ای ڈی کے تمام طلبا، اساتذہ و ملازمین، پاکستانی افواج کے ساتھ کھڑے ہیں۔ فتح کی خوشی میں طالب علموں کی جانب سے کیک بھی کاٹا گیا۔
==================
NAEAC کے وفد نے فوڈ سائنس اور ٹیکنالوجی پروگرام کی منظوری کے لیے SSUET کا دورہ کیا۔
کراچی، 13 مئی، 2025 — نیشنل ایگریکلچر ایجوکیشن ایکریڈیشن کونسل (NAEAC) کے ایک اعلیٰ سطحی وفد نے فوڈ سائنس اینڈ ٹیکنالوجی پروگرام کے ایکریڈیشن کے عمل کے لیے سرسید یونیورسٹی آف انجینئرنگ اینڈ ٹیکنالوجی (SSUET) کے شعبہ بائیو میڈیکل انجینئرنگ کا دورہ کیا۔
وفد میں ڈاکٹر عبدالغفار، سیکرٹری این اے ای اے سی، جناب عبداللہ، ڈپٹی ڈائریکٹر پروگرامز، NAEAC (HEC، اسلام آباد)؛ اور ڈاکٹر محمد عبدالحق، ایسوسی ایٹ پروفیسر اور چیئرمین، شعبہ فوڈ سائنس اینڈ ٹیکنالوجی، جامعہ کراچی شامل تھے۔
دورے میں یونیورسٹی کے عمومی تعلیمی انفراسٹرکچر، ڈیپارٹمنٹل لیبارٹریز، پروگرام کی دستاویزات، امتحانی نظام اور کوالٹی ایشورنس کے طریقہ کار کا بخوبی جائزہ لیا گیا۔ جانچ کے دوران، وفد نے فیکلٹی ممبران کے ساتھ تعلیمی معیار اور سیکھنے کے ماحول کو پرکھنے کے لیے طلباء سے براہ راست بات چیت کی۔
سرسید یونیورسٹی آف انجینئرنگ اینڈ ٹیکنالوجی کے چانسلر، اکبر علی خان نے کہا کہ یہ دورہ بین الضابطہ پروگراموں میں معیار تعلیم کو بڑھانے اور انہیں قومی ایکریڈیشن بینچ مارکس کے ساتھ ہم آہنگ کرنے کی جانب ایک اہم قدم ہے۔
بائیو میڈیکل انجینئرنگ ڈیپارٹمنٹ کی چیئرپرسن پروفیسر ڈاکٹر سدرہ عابد سید نے اپنی ٹیم کے ساتھ پروگرام کے جائزے کا کامیابی سے دفاع کیا اور اس بات پر زور دیا کہ اس طرح کے دورے اور جانچ پڑتال کے عوامل نہ صرف محکمانہ کارروائیوں کو بہتر بناتے ہیں بلکہ طلباء کے اعتماد کو تقویت دیتے ہوئے اس بات کو بھی یقینی بناتے ہیں کہ ان کے کیریئر کی رفتار کی اعلیٰ ترین معیار کے ساتھ رہنمائی اور نگرانی کی جا رہی ہے۔
وفد کا وائس چانسلر ڈاکٹر جعفر نذیر عثمانی، رجسٹرار سید سرفراز علی اور ڈین فیکلٹی آف الیکٹریکل اینڈ کمپیوٹر انجینئرنگ (FOECE) پروفیسر ڈاکٹر محمد عامر نے استقبال کیا۔
افسرتعلقات عامہ محمد عقیل
کیپشن: سرسید یونیورسٹی کے وائس چانسلر ڈاکٹر جعفر نذیر عثمانی ڈاکٹر عبدالغفار، سیکرٹری NAEAC کو سوینیر پیش کر رہے ہیں ان کے ساتھ(بائیں سے دائیں) جناب عبداللہ، ڈپٹی ڈائریکٹر پروگرامز، NAEAC، جناب ڈاکٹر محمد عبدالحق ایسوسی ایٹ پروفیسر اور چیئرمین، شعبہ فوڈ سائنس اینڈ ٹیکنالوجی، جامعہ کراچی، ڈین فیکلٹی آف الیکٹریکل اینڈ کمپیوٹر انجینئرنگ (FOECE) پروفیسر ڈاکٹر محمد عامر اور بائیو میڈیکل انجینئرنگ ڈیپارٹمنٹ کی چیئرپرسن پروفیسر ڈاکٹر سدرہ عابد سید موجود ہیں۔
============================
علیگڑھ انسٹیٹیوٹ میں Syngenta کی اپرنٹس شپ اسسمنٹ میں 50 سے زائد طلبہ کی شرکت
علیگڑھ انسٹیٹیوٹ آف ٹیکنالوجی میں Syngenta Pakistan Limited کے زیرِ اہتمام اپرنٹس شپ 2025 پروگرام کے لیے شعبہ DIIL اور گائیڈنس سینٹر کے اشتراک سے اسسمنٹ ڈرائیو کا انعقاد کیا گیا۔ اس موقع پر DAE کے تیسرے سال کے مختلف شعبہ جات، جن میں کمپیوٹر انفارمیشن ٹیکنالوجی (CIT)، سافٹ ویئر، الیکٹریکل، الیکٹرانکس اور مکینیکل شامل تھے، کے 50 سے زائد طلبہ و طالبات نے بھرپور انداز میں شرکت کی۔
اس پروگرام کا مقصد قابل اور محنتی طلبہ کو صنعتی میدان میں قدم رکھنے کا موقع فراہم کرنا تھا ۔ اہلیت کے لیے امیدواروں کے میٹرک اور DAE میں کم از کم 65 فیصد نمبرز اور عمر کی حد 22 سال مقرر کی گئی تھی۔
اس موقع پر کنوینر AIT سید محمد محسن کاظم کا کہنا تھا کہ اس اسسمنٹ ڈرائیور میں خواتین امیدواروں کی خصوصی حوصلہ افزائی کی گئی، جو علیگڑھ انسٹیٹیوٹ کی جامع پالیسی کا ثبوت ہے اور علیگڑھ آئندہ بھی طلبہ کے مفاد میں کی جانے والے اس طرح کے اقدامات کو جاری رکھا جائے گا ۔
اسسمنٹ ڈرائیو میں Syngenta کی ٹیم نے امیدواروں کے انٹرویوز کے زریعے طلبہ کی تکنیکی صلاحیتوں اور عملی علم کا جائزہ لیا۔
پرنسپل علیگڑھ شاہد جمیل نے بتایا کہ طلباء کے کامیاب مستقبل کے لیے اٹھائے گئے اس اقدام سے نہ صرف طلبہ کو بہترین کیریئر مواقع میسر آئیں گے بلکہ ان کی پیشہ ورانہ صلاحیتوں کو نکھارنے کا بھرپور موقع بھی ملے گا۔
میڈیا کوآرڈینیٹر AIT
