علیگڑھ انسٹیٹیوٹ کے طلبا کا عالمی تعلیم کی دہلیز پر پہلا قدم, دنیا کنسلٹنٹ کا کامیاب سیشن
علیگڑھ انسٹیٹیوٹ آف ٹیکنالوجی کراچی میں DAE تیسرے سال کے طلباء کے لیے دنیا کنسلٹنٹ کراچی اور شعبہ DIIL اور گائیڈنس سینٹر کے اشتراک سے ایک معلوماتی اور ولولہ انگیز سیشن کا انعقاد کیا گیا۔
“بیرونِ ملک تعلیم” کا خواب سجانے والے طلباء کے لیے یہ سیشن امید کی ایک نئی کرن ثابت ہوا۔ سیشن میں ماہرین نے IELTS اور PTE کے اسمارٹ ٹپس و ٹرکس، اسکالرشپ حاصل کرنے کے مؤثر طریقے، اور مختلف ممالک میں اعلیٰ تعلیم کے دروازے کھولنے کی عملی رہنمائی فراہم کی۔
کنوینر AIT سید محمد محسن کاظم کا کہنا تھا کہ “یہ سیشن علیگڑھ کے طلباء کے لیے عالمی تعلیمی افق پر آگے بڑھنے کا موثر ذریعہ ثابت ہوگا۔”
پرنسپل AIT شاہد جمیل نے طلبہ کے جوش وخروش کو سراہتے ہوئے کہا کہ ” علیگڑھ ایسے پروگرامز کے ذریعے اپنے طلباء کو بین الاقوامی معیار کی رہنمائی فراہم کرنے کے لیے پرعزم ہے۔”
طلبہ نے سیشن میں جوش وخروش سے حصہ لیا اور بین الاقوامی مواقع کے حوالے سے سوالات کیے، جن کا تفصیل سے جواب دیا گیا.
دنیا کنسلٹنٹ ٹیم نے 15 مئی کے سیشن کے لیے علیگڑھ انسٹیٹیوٹ کے 30 سے زائد طلبہ کو مدعو کیا۔
یہ دعوت طلبہ کے جوش و جذبہ کو مدنظر رکھتے ہوئے دی گئی ہے۔
میڈیا کوآرڈینیٹر AIT
