لاہور()ریڈیو کلینک میں پروفیسر آف پلمانالوجی اینڈ کریٹیکل کئیر پروفیسر محمد عرفان ملک کی شرکت،میزبان اور پروڈیوسر مدثر قدیر تھے۔پروگرام استھما یعنی دمہ کی بیماری کے حوالے سے تھا جس پر بات کرتے ہوئے پروفیسر عرفان ملک نے سامعین کو بتایا کہ دمہ سانس کی نالیوں کو سوزش کا نام ہے اس کی چار علامتیں ہیں جن میں کھانسی، چلنے سےسانس کا پھولنا،سانس میں سیٹی کی آواز کا آنا اور سانس کی تنگی شامل ہیں۔انھوں نے بتایا کہ اس بیماری
کا زور رات گئے یاں پھر صبح فجر کے وقت ہوتا ہے اس کے علاوہ دھول مٹی اور زیادہ ہنسنے سے بھی اس کا احتمال رہتا ہے۔دمہ کی بیماری کا پہلا اور آخری علاج انہیلر ہی ہے کیونکہ اس کی وجہ سے نالیوں میں جہاں مسئلہ ہوتا ہے یہ فورا اس کو حل کرتا ہے۔انہیلرز چاہے کیپسول کی شکل میں بھی کھینچا جاسکتا ہے کیوں کہ یہ اپنا کام تیزی سے کرتے ہیں اور بیماری کی شدت اور دورانیہ کو کم کرنے کا باعث بنتے ہیں۔پروگرام کے اختتام پر پروفیسر عرفان ملک نے
سامعین کو آگاہی پیغام دیتے ہوئے کہا کہ اپنے سانس کا خیال رکھیں اس کی اہمیت کو جانیں،سگریٹ نوشی ترک کریں اور ویپنگ کی طرف مت جائیں اس طرح کی خرافات سے اپنے آپ کو باز رکھیں،بیلنس ڈائیٹ لیں، اپنی نیند کو پوراکریں اور اپنی فیملی کو وقت دیں۔
