پاکستانی ہوائی حدود کھل گئی، پروازیں بحال ہونے کا انتظار
اسلام آباد: پاکستانی ہوائی حدود کھل گئی ہے اور تمام ہوائی اڈے کام کر رہے ہیں، لیکن مختلف ایئر لائنز کو فوری طور پر پروازیں بحال کرنے میں کچھ دشواریوں کا سامنا ہے، جس کی وجہ سے مسافروں کو اپنے سفر کے منصوبوں کی تصدیق کا انتظار ہے۔
اسلام آباد، لاہور، کراچی اور دیگر ہوائی اڈوں سے سفر کرنے والے مسافر بے چینی سے اپنی پروازوں کی تصدیق کا انتظار کر رہے ہیں۔ ایک نجی ایئر لائن ایر سائل نے اعلان کیا ہے کہ آج رات کوئی پرواز نہیں ہوگی اور ان کی پروازوں کا آغاز اتوار 11 مئی 2025 کو صبح 7 بجے سے ہوگا۔ دیگر ایئر لائنز بھی اپنی پروازوں کا شیڈول ترتیب دے رہی ہیں۔
ہوائی اڈے پر آنے سے پہلے مسافروں سے درخواست ہے کہ وہ اپنی متعلقہ ایئر لائن کے دفتر سے رابطہ کریں تاکہ انہیں تازہ ترین معلومات مل سکیں۔ امید ہے کہ جلد ہی تمام پروازیں معمول کے مطابق چلنے لگیں گی اور مسافروں کے سفر کے منصوبے پورے ہوں گے۔
اللہ پاکستان کا حامی و ناصر ہو! 🇵🇰✈️
