جامعہ کراچی میں بھارتی جارحیت، رات کی تاریکی میں معصوم شہریوں پرکئے جانے والے بزدلانہ حملے کے خلاف اورافواج پاکستان سے اظہاریکجہتی کے لئے ریلی
اساتذہ، طلبا و طالبات اور انتظامی عملے کی بڑی تعداد میں شرکت
جامعہ کراچی میں جمعرات کے روزبھارتی جارحیت او رات کی تاریکی میں معصوم شہریوں پرکئے جانے والے بزدلانہ حملے کے خلاف اورافواج پاکستان کی بروقت دفاعی کاروائی،بھارت کو منہ توڑ جواب دینے اور پلک جھپکتے ہی چھ بھارتی تیاروں کو زمین بوس کرنے پر افواج پاکستان سے اظہاریکجہتی اور خراج تحسین پیش کرنے کے لئے ریلی نکالی گئی۔ریلی کی قیادت جامعہ کراچی کے وائس چانسلر پروفیسرڈاکٹر خالد محمودعراقی نے کی جس میں اساتذہ، طلبا و طالبات اور انتظامی عملے کی بڑی تعداد نے شرکت کی۔ ریلی کا آغاز جامعہ کی انتظامی عمارت سے ہوا اور آزادی چوک پر اختتام پذیر ہوئی۔ ریلی میں شریک افراد نے ہاتھوں میں بینرز اور پلے کارڈز اٹھا رکھے تھے جن پر بھارت کے جارحانہ عزائم، بزدلانہ حملوں کی مذمت، ہم افواج پاکستان کے شابشانہ کھڑے ہیں،پاکستانی قوم متحد اور ہمہ وقت تیارہے، ”پاکستان زندہ باد”، ”بھارت مردہ باد”،بھارت بازآؤ اور پاک فوج زندہ باد جیسے نعرے درج تھے اور دوران ریلی گونجتے رہے۔
وائس چانسلرجامعہ کراچی پروفیسر ڈاکٹر خالد محمود عراقی نے ریلی سے خطاب کرتے ہوئے کہا کہ بھارت کا رویہ نہ صرف پاکستان بلکہ پورے خطے کے امن و استحکام کے لیے شدید خطرہ بن چکا ہے۔ پاکستان ایک پرامن ملک ہے اورخطے میں امن واستحکام کا خواہاں ہے،لیکن اگرملکی خودمختاری اورعوام کی جان کو خطرہ لاحق ہو تو اس کا منہ توڑجواب دینا بخوبی جانتا ہے۔
ڈاکٹر خالد عراقی نے مزید کہا کہ پاک فوج نے بھارتی حملے کا ذمہ دارانہ اور منہ توڑ جواب دیتے ہوئے فوجی اہداف اور بھارتی طیاروں کو نشانہ بنا کر بھارت کا گھمنڈ خاک میں ملا دیا ہے اورقوم کے مورال کو بلند اور جذبے کو مزید پروان چڑھایا۔کامیابیاں مہنگے تیاروں سے نہیں بلکہ پیشہ ورانہ مہارت سے ملتی ہے اور افواج پاکستان کی پیشہ ورانہ مہارتوں کی دنیامعترف جس کا وہ وقتاً فوقتاً عملی مظاہر کرتے رہتے ہیں۔
میں افواج پاکستان کو بھارت کی اس بزدلانہ حملے کو ناکام بنانے،بھارت کے گھمنڈ کو خاک میں ملانے اور پاکستان کا بہترین دفاع کرنے پر مبارکباد پیش کرتاہوں۔پاکستانی قوم متحد اورہر قسم کی مشکلات کا سامناکرنے اور اس سے نبردآزماہونے کے لئے افواج پاکستان کے شانہ بشانہ کھڑی ہے۔
جامعہ کراچی: نیشنل ایگریکلچرایجوکیشن ایکریڈیشن کاؤنسل کے چھ رکنی وفد کا دورہ
نیشنل ایگریکلچرایجوکیشن ایکریڈیشن کاؤنسل کے چھ ررکنی وفدنے جمعرات کے روزجامعہ کراچی کا دورہ کیا۔وفدکی سربراہی سیکریٹری نیشنل ایگریکلچرایجوکیشن ایکری یڈیشن کاؤنسل ڈاکٹر عبدالغفار اور ڈپٹی ڈائریکٹر پروگرامزعبداللہ نے کی جبکہ وفدکے دیگر اراکین میں مختلف جامعات کے ماہرین تعلیم، جن میں پروفیسر ڈاکٹر حبیب اللہ مگسی، چیئرمین، ڈیپارٹمنٹ آف ایگریکلچرل اکنامکس، سندھ ایگریکلچر یونیورسٹی، ٹنڈوجام (ایگری بزنس مینجمنٹ)،پروفیسر ڈاکٹر صغیر احمد شیخ، ڈیپارٹمنٹ آف اپلائیڈ سائنسز، ہمدرد یونیورسٹی، کراچی (فوڈ سائنس اینڈ ٹیکنالوجی)،پروفیسر ڈاکٹر امتیاز احمد نظامانی، چیئرمین، ڈیپارٹمنٹ آف پلانٹ پروٹیکشن، سندھ ایگریکلچر یونیورسٹی، ٹنڈوجام (پلانٹ پروٹیکشن) اور ڈاکٹر نوید منصوری، ایسوسی ایٹ پروفیسر، ڈیپارٹمنٹ آف کمیونٹی ہیلتھ سائنسز، ہمدرد یونیورسٹی، کراچی (ہیومن نیوٹریشن اینڈ ڈائیٹیٹکس) شامل تھے۔
جامعہ کراچی کے وائس چانسلرپروفیسرڈاکٹر خالد محمود عراقی نے وفد کا خیرمقدم کرتے ہوئے جامعہ کراچی کے تدریسی و تحقیقی معیار، پالیسیوں، اور انتظامی استقامت پر روشنی ڈالی۔ انہوں نے وفدکوبتایا کہ جامعہ میں انڈسٹریل ایڈوائزری بورڈز کا مختلف متعلقہ شعبہ جات میں قیام عمل میں آ چکا ہے اور پروفیسر آف پریکٹس کے تصور کو عملی شکل دینے کے لیے ہائر ایجوکیشن کمیشن کی پالیسی سے رہنمائی حاصل کی جا رہی ہے۔اس موقع پررجسٹرارجامعہ کراچی پروفیسرڈاکٹر عمران احمد صدیقی، رئیس کلیہ علوم پروفیسرڈاکٹر مسرت جہاں یوسف اور متعلقہ شعبہ جات کے صدور اور فیکلٹی ممبران بھی موجودتھے۔
وفدنے جامعہ کراچی کی جانب سے کی جانے والی عملی پیش رفت اور قیادت کے وژن کو سراہا اور کہا کہ جامعہ کا انتظامی تسلسل، تدریسی معیار اور پالیسی سازی ایک مثالی لیڈرشپ کی غمازی کرتا ہے۔
بعدازاں وفدنے جامعہ کراچی کے پولٹری سائنس،ایگری بزنس مینجمنٹ،پلانٹ پروٹیکشن،فوڈ سائنس اینڈ ٹیکنالوجی اور ہیومن نیوٹریشن اینڈ ڈائیٹیٹکس ڈگری پروگرام کی ایکریڈیشن کے سلسلے میں شعبہ فزیالوجی،فوڈسائنس اینڈ ٹیکنالوجی اور شعبہ ایگری کلچر اینڈ ایگری بزنس مینجمنٹ کا دورہ کیاجس کا مقصدان پروگرام کی ایکریڈیشن کرنا ہے۔
وفد نے جامعہ کراچی کے تمام متعلقہ شعبہ جات کا دورہ کیا اور جامعہ کے تدریسی و تحقیقی انفراسٹرکچر، فیکلٹی پروفائلز، لیب سہولیات، اور طلبہ کی کارکردگی کا جائزہ لے کر اطمینان کا اظہار کیا۔ وفد نے جامعہ کراچی کی انتظامیہ اور کوالٹی انہانسمنٹ سیل(کیوای سی) کی جانب سے معیارِ تعلیم کے فروغ کے لیے کیے گئے اقدامات اور انسٹیٹیوشنل کوالٹی سرکل کے قیام کی بھرپور تعریف کی اور اسے ملک کی دیگر جامعات کے لیے ایک رہنما ماڈل قرار دیا۔
