منہ اور آنکھوں کو چھونے سے پہلے ہاتھ دھونا بہت ضروری ھے تاکہ گندے جراثیموں سے بچا جا سکے

گلاب دیوی ٹیچنگ ہسپتال کے زیر اہتمام ورلڈ ہینڈہائجین ڈے کے حوالے سے تقریب منعقد کی گئی۔تقریب کے مہمان خصوصی ایم ایس گلاب دیوی ٹیچنگ ہسپتال پروفیسر حامد حسن اور پراجیکٹ ڈائریکٹر العلیم میڈیکل کالج ڈاکٹر عابد علی ہاشمی تھے۔اس تقریب کا مقصد انفیکشنز کو روکنے اور صحت عامہ کو فروغ دینے میں ہاتھ کی صفائی کرنے سے زندگی بچانے کی اہمیت پر زور دینا ہے۔اس موقع پر ایم ایس گلاب دیوی ٹیچنگ ہسپتال ڈاکٹر پروفیسر حامد حسن، ڈاکٹر عابد علی ہاشمی اور ڈاکٹر عتیقہ عنبرین نے کہا کہ صفائی کا خیال نہ رکھنے والوں کو موذی امراض لاحق ہو نے کا خطرہ رہتا ہے۔ہمارے آقا حضرت محمد ﷺ کا فرمان ہے کہ صفائی نصف ایمان ہے۔سنت نبوی ﷺ پر عمل کرنے والے بیماریوں سے محفوظ رہتے ہیں۔کھانا کھانے سے پہلے ہاتھ دھونا بے حد ضروری ہے۔ہاتھ نا دھونے کی وجہ سے لوگ مختلف بیماریوں مثلاً پیٹ کی بیماریاں،دست،موشن فوڈ پوائزنگ کا شکار ہوسکتے ہیں۔جب آپ گھر سے باہر جاتے ہیں تو آپ کو گرد آلود چیزوں کا سامنا کرنا پڑتاھے اس لئیے منہ اور آنکھوں کو چھونے سے پہلے ہاتھ دھونا بہت ضروری ھے تاکہ گندے جراثیموں سے بچا جا سکے۔مریض کی عیادت کرنے سے پہلے اور بعد میں بھی ہاتھ لازمی دھوئیں۔ واش روم جانے کے بعد ہاتھ لازمی دھوئیں۔ یہ احتیاطی تدابیر اپنانے آپ خود بھی خطرناک بیماریوں سے محفوظ رہ سکتے ہیں اور دوسرے افراد بھی محفوظ رہ سکتے ہیں۔ تقریب میں مس بختاور علی رضا سمیت ڈاکٹرز،نرسز،پیرا میڈیکل سٹاف اور طلبہ و طالبات کی بڑی تعداد نے شرکت کی۔
=====================

یونیورسٹی آف ہیلتھ سائنسز نے بی ڈی ایس سیکنڈ پروفیشنل کے نتائج کا اعلان کر دیا۔
یونیورسٹی آف ہیلتھ سائنسز (یو ایچ ایس) نے بی ڈی ایس سیکنڈ پروفیشنل سالانہ امتحانات 2024ء کے نتائج کا اعلان کر دیا ہے۔ امتحانات میں 16 ڈینٹل کالجوں کے 929 طلباء و طالبات نے شرکت کی، جن میں سے 788 امیدوار کامیاب جبکہ 138 ناکام قرار پائے۔ یوں کامیابی کا مجموعی تناسب 85.10 فیصد رہا۔

نتائج کے مطابق شاہدہ اسلام ڈینٹل کالج لودھراں کی طالبہ مریم وحید ڈوگر نے 1000 میں سے 892 نمبر حاصل کر کے پہلی پوزیشن حاصل کی۔ یونیورسٹی میڈیکل اینڈ ڈینٹل کالج فیصل آباد کی عائشہ علی گھمن نے 877 نمبروں کے ساتھ دوسری جبکہ ملتان میڈیکل اینڈ ڈینٹل کالج ملتان کی رمشاء مبشر نے 874 نمبر حاصل کر کے تیسری پوزیشن حاصل کی۔

یو ایچ ایس کے ترجمان کے مطابق تمام نتائج یونیورسٹی کی ویب سائٹ www.uhs.edu.pk پر دستیاب ہیں۔