خبرنامہ نمبر 3143/2025
یونیورسٹی آف بلوچستان نے (HEC) کے ہائر ایجوکیشن ڈیولپمنٹ پروگرام (HEDP) کے تحت، ورلڈ بینک کے تعاون سےکوئٹہ کے پانچ کالجوں میں LSAT ٹیسٹ کا کامیابی سے انعقاد کیاگیا. یہ اقدام ہائر ایجوکیشن کمیشن (HEC) کے ہائر ایجوکیشن ڈیولپمنٹ پروگرام (HEDP) کے تحت، ورلڈ بینک کے تعاون سے ممکن ہوا۔ اس کا مقصد طلباء کی عمومی صلاحیتوںLSAT معلوماتی نظم و نسق، ابلاغ، اور مسئلہ حل کرنے کی مہارتوں کا جائزہ لینا ہے۔ یہ ٹیسٹ ملک بھر کے منسلک کالجوں میں منعقد کیا گیا، جس میں بلوچستان کے پانچ کالجوں نے شرکت کی۔یونیورسٹی آف بلوچستان کے وائس چانسلر، پروفیسر ڈاکٹر ظہور احمد بازئی کی قیادت میں کالجوں میں بی ایس پروگرامز کو مضبوط بنانے کی کوششوں میں یہ ایک اہم سنگِ میل ہے۔ اس سلسلے میں پروفیسر محمد حسین بلوچ، ڈائریکٹر کالجز بلوچستان، ڈاکٹر عاشف سجاد، ڈائریکٹر (QAAD)، اور ڈاکٹر طارق اسماعیل نے کلیدی کردار ادا کیا۔اس پروگرام کا مجموعی مقصد کالجوں میں تعلیمی معیار کو بہتر بنانا ہے تاکہ طلباء کو جدید تقاضوں سے ہم آہنگ اعلیٰ تعلیم فراہم کی جا سکے۔ HEC، یونیورسٹی آف بلوچستان، اور ورلڈ بینک کے مابین یہ اشتراک اعلیٰ تعلیم کے فروغ میں ایک مثبت پیش رفت ہے۔
خبرنامہ نمبر 3144/2025
گوادر، 2 مئی:گوادر ڈویلپمنٹ اتھارٹی کے ڈائریکٹر جنرل سیف اللّٰہ کھیتران کی ہدایت پر غوث بخش بیزنجو فٹبال اسٹیڈیم کی جامع مرمت اور بحالی کا عمل تیزی سے جاری ہے۔ گزشتہ دو سے تین مہینوں کے دوران گراؤنڈ میں مختلف فٹبال ٹورنامنٹس کا مسلسل انعقاد ہوتا رہا، جس سے گراؤنڈ کی حالت متاثر ہوئی اور مناسب مینٹیننس و دیکھ بھال ممکن نہ ہو سکی۔جی ڈی اے نے اسٹیڈیم کی بحالی کے لیے ایک مربوط پلان کے تحت کام کا آغاز کیا۔ بحالی کے اس منصوبے میں میدان میں نئے گھاس کی اگائی، موجودہ گھاس کی کٹائی، سطح کو ہموار کرنے کے لیے ریت بھرائی، اسپریئنگ اور کھاد کا استعمال شامل ہے تاکہ گراؤنڈ کو دوبارہ کھیل کے قابل اور سرسبز بنایا جا سکے۔
اس عمل میں جی ڈی اے کی باغبانی ٹیم، فیلڈ ورکرز اور ماحولیاتی عملہ متحرک ہے، جبکہ ڈائریکٹر ماحولیات رسول بخش بلوچ، ڈپٹی ڈائریکٹر عبدالرحیم اور اسسٹنٹ ڈائریکٹر حمل دشتی بحالی کے کام کی براہِ راست نگرانی کر رہے ہیں۔ انہوں نے یقین دہانی کرائی ہے کہ مرمت اور بہتری کا یہ عمل اگلے دو ماہ میں مکمل کر لیا جائے گا، جس کے بعد گراؤنڈ کو دوبارہ کھلاڑیوں کے لیے کھیل کے لیے کھول دیا جائے گا۔ یہ اقدام جی ڈی اے کی طرف سے گوادر میں کھیلوں کے فروغ، نوجوانوں کے لیے مثبت سرگرمیوں کی فراہمی اور معیاری سہولیات کی دستیابی کو یقینی بنانے کی جاری کوششوں کا عملی مظہر ہے۔
