نیو کراچی، ڈاکو پر شہریوں کا تشدد، آگ لگادی، ملزمان کی فائرنگ سے دکان مالک 2 بھائی زخمی
کراچی( اسٹاف رپورٹر )نیو کراچی میں شہریوں نے دکان پر لوٹ مار کرنے والے ڈاکو کو تشدد کے بعد آگ لگا کر ہلاک کر دیا، تفصیلات کے مطابق نیو کراچی صنعتی ایریا تھانے کی حدود سیکٹر الیون جی ہوٹل کے قریب واقع کنفکشنری کی دکان میں دو ڈاکو لوٹ مار کے لیے داخل ہوئے ، دکان میں موجود دو افراد کی مزاحمت پر ملزمان نے فائرنگ کر کے دونوں افراد کو زخمی کر دیا،ڈاکو فرار ہونے لگے تو وہاں موجود شہریوں نے ایک ڈاکو کو قابو کر لیا اور شدید تشدد کا نشانہ بنانے کے بعد اسے آگ لگا دی جس کے نتیجے میں وہ ہلاک ہو گیا جبکہ ملزم کا ساتھی فرار ہونے میں کامیاب ہو گیا،پولیس کے مطابق ہلاک ہونے والے ڈکیت کی فوری طور پر شناخت نہیں ہو سکی ، زخمی 38 سالہ محمد فیصل اور 35 سالہ محمد فیضان آپس میں بھائی اور دکان کے مالک ہیں ،پولیس نے بتایا کہ کنفکشنری اسٹور کی سپلائی کی پک اپ سامان لیکر دکان میں آ رہی تھی کو موٹر سائیکل سوار دو ڈاکوؤں نے روکنے کی کوشش کی تاہم ڈرائیور بھگاتے ہوئے اسٹور تک لے آیا ،ڈرائیور پک اپ سے اتر کر اسٹور میں گیا تو ڈاکو بھی پیچھے سے داخل ہو گئے،اندر اسٹور کے مالک دونوں بھائی موجود تھے جو ٹانگ میں گولیاں لگنے سے زخمی ہو گئے،ڈاکو باہر نکلے تو شہریوں نے ایک ڈاکو کو پکڑ کر اس پر تشدد کیا ،پولیس نے بتایا کہ تشدد سے ہی ڈاکو کی موت واقع ہو چکی تھی تاہم بعد ازاں شہریوں نے اسے آگ بھی لگائی ،ہلاک ڈاکو کے قبضے سے ایک پستول برآمد کیا گیا ہے،دریں اثنا سخی حسن قبرستان کے قریب ڈاکوؤں نے لوٹ مار کی واردات کے دوران مزاحمت پر فائرنگ کر کے دو بھائیوں سمیت 3 افراد کو زخمی کر دیا ، پولیس کے مطابق زخمیوں کی شناخت 25 سالہ علی ، بھائی 18 سالہ محمد حسن ولد شاہ جہاں اور 22 سالہ اسد ولد عابد کے ناموں سے کی گئی ۔
==================
بجلی، پانی کی بندش،مختلف علاقوں میں احتجاج ، ٹریفک جام ہو گیاکراچی ( اسٹاف رپورٹر )مختلف علاقوں میں بجلی اور پانی کی بندش کے خلاف شہریوں کے احتجاج کے باعث ٹریفک جام ہو گیا،تفصیلات کے مطابق لانڈھی فیوچر موڑ کے قریب علاقہ مکینوں نے 12 ہزار روڈ فیوچر موڑ جانب مرتضیٰ چورنگی آنے جانے والے دونوں روڈ ٹریفک کے لیے بند کردئیے، ریکسر پل کے علاقہ مکینوں کے احتجاج کے باعث منگھو پیر روڈ پاک کالونی تھانہ کٹ آنے جانے والے دونوں روڈ ٹریفک کے لیے بند ہو گئے۔ سندھی مسلم سوسائٹی کے قریب علاقہ مکینوں کے احتجاج کے باعث مین نیشنل ہائی وےپر احتجاج کیا۔
================
ٹریفک حادثات، خواتین سمیت 8 افراد جاں بحق، 20 زخمی، واٹر ٹینکر جلا دیا گیا
03 مئی ، 2025FacebookTwitterWhatsapp
کراچی(اسٹاف رپورٹر)شہر میں ہیوی گاڑیوں کی ٹکر سمیت مختلف ٹریفک حادثات میں 4 خواتین سمیت 8 افراد جاں بحق اور 20 سے زائد زخمی ہوگئے،تفصیلات کے مطابق اسٹیل ٹائون لنک روڈ سمندری بابا مزار کے قریب شکار پور سے کراچی آنے والی بس تیز رفتاری کے باعث الٹ کر گڑھے میں جا گری ،حادثے کے نتیجے میں 4 افرا د 35 سالہ کوثر زوجہ سعید،60 سالہ پنا زوجہ محمد علی،59 سالہ عبدالغفور ولد محمد اسماعیل اور 25 سالہ غلام فرید ولد یاسین جاں بحق ،20 سے زائد افراد زخمی ہوگئے ،پولیس کے مطابق بس کا ڈرائیور موقع سے فرارہوگیا تاہم بس تحویل میں لے لی گئی ہے،علاوہ ازیں کورنگی کراسنگ ندی کے قریب تیز رفتارواٹر ٹینکر کی ٹکر سے موٹرسائیکل سوار 40 سالہ ریحانہ جاں بحق اور متوفیہ کا شوہر مشتاق زخمی ہو گیا ،حادثے کے بعد مشتعل افراد نے واٹر ٹینکر کو آگ لگا دی اور کلینر کو تشدد کا نشانہ بنایا تاہم ڈرائیور فرار ہو گیا، سپر ہائی وے گنا منڈی کے قریب مبینہ طور پر واٹر ٹینکر کی ٹکر سے 35 سالہ شیخا زوجہ شیر افضل جاں بحق ہوگئی، گھگھر پھاٹک یوٹرن کے قریب تیز رفتارسیمنٹ سے لدے 22 ویلر ٹریلر کی ٹکر سے موٹرسائیکل سوار 36 سالہ صواب خان جاں بحق ، 32 سالہ منظور حسین ولد جمعہ خان زخمی ہوگیا،پولیس کے مطابق حادثے کے ذمہ دار ڈرائیور کو گرفتارکرکے ٹریلر تحویل میں لے لیا گیا ہے، سپرہائی وے چاکر ہوٹل کے قریب نامعلوم گاڑی کی ٹکر سے راہگیر 30 سالہ الٰہی بخش ولد مِٹھل جاں بحق ہو گیا ۔
============
لاول بھٹو نےسیلاب متاثرین میں مالکانہ حقوق کی اسناد تقسیم کیں
03 مئی ، 2025FacebookTwitterWhatsapp
ڈگری (اشفاق احمد اشفی/ نامہ نگار) پاکستان پیپلز پارٹی کے چیئرمین بلاول بھٹو زرداری نے جمعہ کو ڈگری سب ڈویژن کی تحصیل کے جی ایم کےگاؤں واگھریجی، کولہی پاڑہ، گاؤں غلام مصطفیٰ لغاری اور تحصیل شجاع آباد کے گاؤں کھمنبڑی میں سندھ پیپلز ہاؤسنگ پروگرام کے تحت سیلاب متاثرین خاندانوں میں تعمیر شدہ مکانات کے مالکانہ حقوق کی اسنادتقسیم کیں۔ اس موقع پر منعقدہ تقریب سے خطاب کرتے ہوئے بلاول بھٹو نے کہا کہ حکومت سندھ پیپلز ہائوسنگ پروگرام کے تحت سندھ بھر کے 20لاکھ سے زائد خاندانوں کو مکانات کے مالکانہ حقوق فراہم کئے جا رہے ہیں۔ اس منصوبے کے تحت سیلاب متاثرین کو گھر بنا کر دیئے جا رہے ہیں۔
مزید خبریں
