لاڑکانہ(بیورورپورٹ) موٹروے پولیس ساؤتھ زون سیکٹر تھری جامشورو کے افسران سب انسپکٹر خلیل احمد ہمراہ سب انسپیکٹر طارق مسعود کے نے معمول کے گشت کے دوران ایک مسافر نے اطلاع دی کہ ایک سفید سوزوکی آلٹو جو گاڑی اور مرکزی حفاظتی باڑ سے ٹکرا کر فرار ہوگئی ہے، اطلاع ملتے ہی موٹروے پولیس کے افسران سب انسپیکٹر خلیل احمد ہمراہ سب انسپکٹر طارق مسعود نے فوری طور پر جائے وقوعہ کی طرف پیش قدمی کی، تقریباً دو کلومیٹر کے فاصلے پر مشتبہ گاڑی کو دیکھا گیا، تاہم پولیس کو دیکھتے ہی گاڑی کے سواران نے گاڑی چھوڑ کر فرار ہونے کی کوشش کی، جبکہ ڈرائیور اندھیرے کا فائدہ اٹھاتے ہوئے موقع سے فرار ہوگیا، گاڑی کی تلاشی لینے پر گاڑی سے 30 تھیلے ممنوعہ چھالیہ برآمد ہوئی، ایڈمن آفیسر بھی بروقت موقع پر پہنچے اور کارروائی میں معاونت فراہم کی، ضروری قانونی کارروائی مکمل کرنے کے بعد برآمد شدہ سامان اور گاڑی کو مزید کارروائی کے لیے پولیس اسٹیشن جامشورو کے حوالے کردیا گیا، موٹروے پولیس کی یہ کامیابی نہ صرف قانون کی عملداری کا ثبوت ہے بلکہ شاہراہوں کو محفوظ بنانے کے عزم کا بھی اظہار کرتی ہے، موٹروے پولیس عوام کی خدمت اور غیر قانونی سرگرمیوں کی روک تھام کے لیے دن رات کوشاں ہے، بروقت اور کامیاب کارروائی پر زونل کمانڈر ساؤتھ زون ڈی آئی جی اصغر علی یوسفزئی اور سیکٹر کمانڈرز ایس ایس پی ندیم اشرف وڑائچ نے افسران کو شاباش دی۔
