ناپا کے مختلف ڈراموں میں اپنی خدا داد صلاحیوں کا بھرپور مظاہرہ کرچکی ہیں
ڈائریکٹر یونس میمن کے نیو پروجیکٹ میری مرضی” میں اہم رول ادا کرینگی
کراچی(رپورٹ: مرزاافتخار بیگ) کراچی اسٹیج کو اس وقت باصلاحیت نئے چہروں کی اشد ضرورت ہے مسلسل چند ہی فنکار ہر ڈرامے میں ہونے کی وجہ سے اسٹیج ڈرامے یکسانیت کا شکار ہورہے ہیں تاہم معروف ڈائریکٹر یونس میمن کو بلا شبہ اس بات کا کریڈٹ جاتا ہے کہ وہ اپنے ڈراموں میں نیو ٹیلنٹ کو موقع فراہم کرتے ہیں جس کی واضع مثال مہک نور اور ارما احمد ہیں با صلاحیت ایکٹرس عاشی نظامی جو کو ناپا کے مختلف ڈراموں میں اداکاری کا بہترین مظاہرہ کرچکی ہیں یونس میمن کے نیو پروجیکٹ” میری مرضی” میں ایک اہم رول ادا کرینگی عاشی نظامی شوبز انڈسٹری میں ایک خوب صورت اور ٹیلنٹ سے بھرپور اضافہ قراد دیا جارہا ہے اور امید کی جارہی ہے عاشی نظامی کو اچھے اسکرپٹ اور بھرپور کردار کے ساتھ اچھے ڈائریکٹرز ملے تو وہ مذید کامیابیاں حاصل کرینگی کراچی اسٹیج کو نئے چہروں کی قلت کا سامنا ہے اور اس کمی کو عاشی نظامی کسی حد ضرور پورا کرنے کی بھرپور صلاحیت رکھتی ہیں عاشی نظامی کا کہنا ہے کہ بلاشبہ جہاں ایک اچھا اور کامیاب فنکار بننے کے لیے صلاحیتوں کا ہونا ضروری ہے وہاں اچھا اسکرپٹ مضبوط کردار اور اچھے ڈائریکٹرز بھی فنکار کو کامیابی دلانے کیلئے اہم ہوتے ہیں یونس میمن کا شمار اچھے کمرشل ڈائریکٹرز میں کیا جاتا ہے جو کہ ہمیشہ اچھے فیملی سوشل سبق آموز ڈرامے بناتے ہیں مجھے خوشی ہے کہ ان کے ڈرامے میں کام کرنے کا موقع مل رہا ہے
