معروف ماڈل و ایکٹرس زارا ملک کی شوبز انڈسٹری میں واپسی
فلمساز و ہدایتکار ملک یعقوب نور کی جانب سے خیر مقدم
کراچی(شوبز رپورٹر) معروف ماڈل و ایکٹرس زارا ملک کی شوبز انڈسٹری میں واپسی ہو گئی فلمساز و ہدایت کار ملک یعقوب نور کی جانب سے ان کی واپسی پر خیر مقدم کیا گیا ہے فلمساز ملک یعقوب نور کا کہنا ہے کہ اس وقت فلم انڈسٹری کو زارا ملک جیسی با صلاحیت ایکٹرس کی اشد ضرورت ہے وہ پہلے بھی ہمارے پروجیکٹ میں کام کرچکی ہیں اور آئندہ بھی ہماری ٹیم کا حصہ رہیں گی اپنی دوبارہ آمد کے حوالے سے زارا ملک کا کہنا ہے کہ کچھ نجی مصروفیت کی وجہ سے شوبز سے دور ہو گئی تھی تاہم اب پھر سے موویز میں کام کرونگی ایم ٹی اے فلمز پروڈکشن کے پروجیکٹس میں پہلے بھی کام کرچکی ہوں اور انشاءﷲ پھر اسی ٹیم کے ساتھ کام کرونگی ملک یعقوب نور فلم انڈسٹری کے رونقیں بحال کرنے میں اہم کردار ادا کررہے ہیں زارا ملک نے ہدایتکار و فلمساز ملک یعقوب نور کو فلم ڈائریکٹرز ایسوسی ایشن کا وائس چیرمین بننے پر مبارک باد بھی پیش کی
