یونیورسٹیوں کی وفاقی فنڈنگ میں کٹوتی
یونیورسٹیوں کی وفاقی فنڈنگ میں کٹوتی
یونیورسٹیوں کی وفاقی فنڈنگ میں کٹوتی
کینیڈین یونیورسٹیوں میں امریکی طلبہ و طالبات کا حصول تعلیم کیلیے اظہار دلچسپی
16 اپریل ، 2025FacebookTwitterWhatsapp
کراچی (نیوز ڈیسک) امریکا میں زیرتعلیم بہت سے طلبہ و طالبات کینیڈین یونیورسٹیوں بالخصوص یونیورسٹی آف برٹش کولمبیان کے وینکوور کیمپس ، یونیورسٹی ااف ٹورنٹو اور واٹر لویونیورسٹی میں داخلوں میں دلچسپی لےرہے ہیں ، اس کے علاوہ طلبہ و طالبات شمالی سرحد کے قریب تعلیم حاصل کرنے میں دلچسپی لے رہے ہیں۔ امریکی صدر ڈونلڈٹرمپ کی جانب سے یونیورسٹیوں کی وفاقی فنڈنگ میں کٹوتی کرنے اور غیر ملکی طلبہ کے ویزے ختم کرنے کے بعد یہ رحجان سامنے آیاہے۔
=================
ہارورڈ یونیورسٹی یہود دشمنی پر معافی مانگے، ترجمان وائٹ ہاؤس
ہارورڈ یونیورسٹی یہود دشمنی پر معافی مانگے، ترجمان وائٹ ہاؤس
ترجمان وائٹ ہاؤس کیرولین لیویٹ کا کہنا ہے کہ امریکی صدر ڈونلڈ ٹرمپ چاہتے ہیں کہ ہارورڈ یونیورسٹی معافی مانگے۔ یورنیورسٹی کو وفاقی قوانین پر عمل کرنے کی ضرورت ہے۔
بین الاقوامی خبر رساں ادارے کی رپورٹ کے مطابق ترجمان وائٹ ہاؤس کیرولین لیویٹ کا کہنا تھا کہ ہارورڈ کو کالج کیمپس میں یہودی امریکی طلبا کے خلاف یہود دشمنی پر بھی معافی مانگنی چاہیے۔
گزشتہ روز امریکا کی صف اول کی ہارورڈ یونیورسٹی نے ٹرمپ انتظامیہ کے متعدد مطالبات ماننے سے انکار کردیا تھا۔
امریکی صدر ڈونلڈ ٹرمپ انتظامیہ نے ہارورڈ یونیورسٹی کو خط میں یہ بھی کہا تھا کہ طلبہ اور فیکلٹی کے اختیارات کم کیے جائیں۔
انتظامیہ نے خط میں لکھا تھا کہ بیرونِ ملک سے آئے طلبہ کی خلاف ورزیوں کو فوراً وفاقی حکام کو رپورٹ کیا جائے اور ہر تعلیمی شعبے پر نظر رکھنے کے لیے کسی بیرونی ادارے یا شخص کی خدمات حاصل کی جائیں۔
ہارورڈ یونیورسٹی کے صدر نے مطالبات کو غیرقانونی قرار دیتے ہوئے کہا تھا کہ حکومت یہ فیصلہ کرنے کی مجاز نہیں کہ نجی یونیورسٹیاں کیا پڑھائیں، کس پر تحقیق کریں اور کس کو داخلہ یا ملازمت دیں۔
امریکا کا چین کو تنہا کرنے کے لیے بڑا اقدام
واضح رہے کہ ٹرمپ انتظامیہ مارچ میں ہارورڈ کے 256 ملین ڈالر کے وفاقی اور 8.7 ارب ڈالر گرانٹ وعدوں کا جائزہ لینے کا کہہ چکی ہے، کیونکہ یونیورسٹی نے یہود مخالف رویے روکنے کے لیے خاطر خواہ اقدامات نہیں کیے
=================
کراچی یونیورسٹی میں پروفیسر اور اسسٹنٹ پروفیسر کی بھرتیوں کے خلاف دلائل مکمل ہونے پر فیصلہ محفوظ
15 اپریل ، 2025FacebookTwitterWhatsapp
کراچی ( اسٹاف رپورٹر ) سندھ ہائی کورٹ نے کراچی یونیورسٹی میں پروفیسر اور اسسٹنٹ پروفیسر کے بھرتیوں کے خلاف طرفین دلائل مکمل ہونے پر فیصلہ محفوظ کر لیا۔ ہائی کورٹ میں کراچی یونیورسٹی میں پروفیسر اور اسسٹنٹ پروفیسر کے بھرتیوں سے متعلق ڈاکٹر فیروز عالم اور ڈاکٹر فخر النساء کی درخواستوں کی سماعت ہوئی۔ فرخواست گزار کے وکیل معیز جعفری ایڈووکیٹ نے کہا کہ ڈاکٹر فیروز عالم نے 2014 میں اسسٹنٹ پروفیسر اور 2019 میں پروفیسر کے لئے درخواست دی۔ اہل ہونے کے باوجود ڈاکٹر فیروز کو بھرتی نھیں کیا گیا۔2019میں اشتہار کے بعد اسامی کے لئے درخواست دی۔ اس سے قبل 2018میں بھی ٹیسٹ دیئے جس میں ٹاپ پوزیشن تھی۔ 2010میں بھرتیاں غیر شفافیت ہوئی ہے۔ اس میں سابق وائس چانسلروں کے بیٹے کو سلیکٹ کیا گیا ہے۔ ایک ایسے شخص کو بھرتی کیا گیا ہے جو امریکا میں رہائش پذیر ہے۔ عدالت نے استفسار کیا کہ اگر وہ آمریکا ہے تو بچوں کو کون پڑھا رہا ہے۔ ابھی انھوں نے جوائننگ نھیں دی۔ عدالت نے وکلا کے دلائل سننے کے بعد فیصلہ محفوظ کر لیا۔
==================
ڈی ایچ اے صفہ یونیورسٹی میں پی ایچ ڈی مقالہ جات کا دفاع
15 اپریل ، 2025FacebookTwitterWhatsapp
کراچی (اسٹاف رپورٹر) ڈی ایچ اے صفہ یونیورسٹی کے اسکالرزاعظم انور خان اوراسد علی جمعرات،17 اپریل کوصبح 9:30 بجے اپنے پی ایچ ڈی مقالہ جات کا دفاع کریں گے۔ ان کا زبانی امتحان ڈاکٹر امین اللہ امان ،اور ڈاکٹر اریبہ خان لے گے جب کہ ان کے تحقیقی کام کا جائزہ ہائر ایجوکیش کمیشن پاکستان کے معیارات کے مطابق ترقی یافتہ ممالک کے بین الاقوامی ماہرین پہلے ہی لے چکے ہیں
====================
سندھ کابینہ، کراچی تعلیمی بورڈ کے فرسٹ ایئر طلباء کو گریس مارکس دینے کی منظوری
16 اپریل ، 2025FacebookTwitterWhatsapp
کراچی ( اسٹاف رپورٹر)سندھ کابینہ،کراچی تعلیمی بورڈ کے فرسٹ ایئر کے طلبہ کو گریس مارکس دینے کی منظوری ، تمام طلبہ کو کیمسٹری میں 20فیصد جبکہ فزکس اور ریاضی میں 15 فیصد فی مضمون گریس مارکس دینے کی سفارش ،تعلیمی بورڈز میں بے ضابطگیوں کی تحقیقات کے لئے کمیٹی کی تشکیل، محکمہ ایکسائز کے مختلف عہدوں کی اپ گریڈیشن کی منظوری، کابینہ نے کوویڈ 19کے دوران عارضی طور پر بھرتی ہونے والے 289ڈاکٹرز اور اسٹاف نرسز کی خدمات ختم کرنے کی منظوری دے دی ہے ،تمام قسم کے پلاسٹک بیگز کی تیاری اور استعمال پر پابندی، عادی مجرموں کی الیکٹرانک آلات کے ذریعے نگرانی کی جائے گی، سندھ کابینہ نے گنھور لغاری کو منیجنگ ڈائریکٹر سندھ ایجوکیشن فاؤنڈیشن، واجد صبغت اللہ کو ڈائریکٹر جنرل ریسکیو 1122 اور زین العابدین شاہ کو سی ای او سندھ آئی ٹی کمپنی تعینات کرنے کی بھی منظوری دے دی ہے،تشدد انتہا پسندی سے نمٹنے کے لیے ایک “سینٹر فار ایکسیلنس” کے قیام پر اتفاق ،تفصیلات کے مطابق وزیر اعلیٰ سندھ سید مراد علی شاہ کی زیر صدارت 4 گھنٹے طویل کابینہ اجلاس میں متعدد اہم فیصلے کیے گئے۔یہ اجلاس وزیر اعلیٰ ہاؤس میں منعقد ہوا جس میں صوبائی وزرا، مشیران، خصوصی معاونین، چیف سیکریٹری اور متعلقہ سیکریٹریز نے شرکت کی۔پلاسٹک شاپنگ بیگز پر پابندیکابینہ نے ماحول کے تحفظ کو آلودگی کی روک تھام اور ماحولیاتی توازن برقرار رکھنے کا اہم جزو قرار دیا۔ اس ضمن میں کابینہ نے سندھ پروہیبیشن آف نان ڈیگریڈیبل پلاسٹک پروڈکٹس رولز 2014 میں ترامیم کی منظوری دی جس کے تحت صوبے بھر میں تمام اقسام کی پلاسٹک شاپنگ بیگز، بشمول نان ڈیگریڈیبل اور اوکسوڈیگریڈیبل بیگز کی تیاری، فروخت اور استعمال پر پابندی عائد کی جائے گی۔ یہ پابندی کابینہ کی منظوری کے ساٹھ روز بعد نافذ العمل ہو گی۔کامیابی کے تناسب میں کمییونیورسٹی اینڈ بورڈز ڈپارٹمنٹ نے کابینہ کو بتایا کہ 2024 میں کراچی انٹرمیڈیٹ بورڈ کے گیارہویں جماعت کے نتائج میں کامیابی کے تناسب میں نمایاں کمی دیکھنے میں آئی ہے۔اس تناظر میں 13 جنوری 2025 کو سندھ اسمبلی نے وزیر تعلیم سید سردار علی شاہ کی سربراہی میں ایک خصوصی کمیٹی قائم کی، جس نے ایک ذیلی کمیٹی تشکیل دی جس کی سربراہی این ای ڈی یونیورسٹی کے وائس چانسلر ڈاکٹر سروش ایچ لودھی کر رہے ہیں تاکہ معاملے کی تفصیلی تحقیقات کی جا سکیں۔ذیلی کمیٹی نے تمام طلبہ کو کیمسٹری میں 20 فیصد جبکہ فزکس اور ریاضی میں 15 فیصد فی مضمون گریس مارکس دینے کی سفارش کی ہے۔ وزیر اعلیٰ نے تعلیمی بورڈز کے نظام میں اصلاحات اور مستقبل میں ایسے مسائل سے بچاؤ کے لیے اقدامات کرنے کی ہدایت بھی دی ہے۔
======================
ثانوی تعلیمی بورڈ امتحانات ،نقل میں ملوث 27امیدوار پکڑے گئے
16 اپریل ، 2025FacebookTwitterWhatsapp
کراچی(اسٹاف رپورٹر) ثانوی تعلیمی بورڈ کے تحت جاری سالانہ امتحانات کے دوران منگل کے روز نقل کے دوران 27امیدواروں کو پکڑ لیا گیا ، چیئرمین میٹرک بورڈ نےبتایا کہ امتحانات کے اختتام کے بعد پورے امتحانی عمل کا جائزہ لیا جائے گا، انہوں نے بتایا کہ تمام ویجلینس ٹیموں اور بورڈ کی ٹیموں کی جائزہ رپورٹ ہی کی روشنی میں آئندہ کے امتحانی مراکز کے تعین کا فیصلہ کیا جائے گا، سینٹر سپرنٹنڈنٹ امتحانی عمل کو شفاف بنانے میں اپنا کردار ادا کریں ور طلبأ کوٹھنڈے پانی کی سہولت مہیا کریں۔منگل کے روز صبح میں نہم جماعت سائنس گروپ کیمیا نظری (پرچہ اول)اور شام کی شفٹ میں ریاضی (پرچہ دوم) کا امتحان ہوا۔
========================
گرمی کی شدت میں اضافہ، نجی وسرکاری اسکولز کےلیے ایڈوائزری جاری
طلبا واساتذہ کوہیٹ اسٹروک کی علامات، احتیاطی تدابیر کا بتایا جائے،مراسلہ
گرمی کی شدت میں اضافہ، نجی وسرکاری اسکولز کےلیے ایڈوائزری جاری
گرمی کی شدت میں اضافہ کے پیش نظر محکمہ اسکول ایجوکیشن پنجاب نے نجی و سرکاری اسکولز کے لیے ایڈوائزری جاری کر دی۔
حکام نے تمام اسکولوں میں صاف اور ٹھنڈے پانی اور ہوا دار کلاس رومز میں کلاسز کے انعقاد کا حکم دیدیا۔ تمام اسکولوں میں صاف اور ٹھنڈے پانی کا انتظام یقینی بنایا جائے۔ اسکول عملےکی گرمی سے متاثرہ افراد کو طبی امداد دینے کی ہنگامی ٹریننگ کی جائے۔
مراسلے کے مطابق ہوادار کلاس رومز میں کلاسز کا انعقاد کیا جائے، طلبا کو8 سے10گلاس پانی پینے کی آگاہی دی جائے، ہوا کو ٹھنڈا کرنے والی تمام الیکٹرانک ڈیوائسز کا استعمال کیاجائے۔
محکمہ اسکول ایجوکیشن پنجاب کے مطابق طلبا کوشدید گرمی کےاوقات میں باہرجانے سے روکا جائے، طلبا واساتذہ کوہیٹ اسٹروک کی علامات، احتیاطی تدابیر کا بتایا جائے، تمام اسکولز میں ابتدائی طبی امدادکی کٹ یقینی بنائی جائے۔
