پاکستانی جامعات کی گلوبل کنٹویٹی میں بہتری ممکن ہوسکے گی

پاکستانی جامعات کی گلوبل کنٹویٹی میں بہتری ممکن ہوسکے گی،ڈاکٹر نعمان

این ای ڈی میں بِگ ڈیٹا اینڈ کلاؤڈ کمپیوٹنگ ورکشاپ کا انعقاد

کراچی() جامعہ این ای ڈی کے تحت دو روزہ ورکشاپ بعنوان “بِگ ڈیٹا اینڈ کلاؤڈ کمپیوٹنگ” کا انعقاد کیا گیا۔ جس کے مہمانِ خصوصی وفاقی وزیر براۓ پلاننگ اینڈ ڈیولپمنٹ احسن اقبال چوہدری تھے۔ اس موقعے پر خطاب کرتے ہوۓ قایم مقام وائس چانسلر پروفیسر ڈاکٹر نعمان احمد کا کہنا تھا کہ اس آگہی ورکشاپ سے پاکستانی جامعات کی گلوبل کنٹویٹی میں بہتری بھی ممکن ہوسکے گی۔ یہ ورکشاپ دورِ حاضر میں بے انتہا اہمیت کی حامل ورکشاپ ہے، جس کے ذریعے کلاؤڈ کمپیوٹنگ کی سہولت فراہم کی جاسکے گی۔ ملک کی تمام جامعات کو آئی ٹی اور ریسرچ کی سہولتیں بھی فراہم ہوسکے گی۔ انٹرنیٹ ڈیٹا، حب انٹرنیٹ سہولتوں میں تعطل کو بھی بہتر کیا جاسکے گا۔ ورکشاپ سے خطاب کرتے ہوۓ پرووائس چانسلر پروفیسر ڈاکٹر محمد طفیل کا کہنا تھا کہ حکومت پاکستان اور ہائر ایجوکیشن کمیشن کے ممنون ہیں جن کے تعاون سے طالب علموں کے لیے یہ اعلی سطح کی ورکشاپ منعقد کی جاسکی۔ ورکشاپ سے ڈائریکٹر این سی بی سی این ای ڈی ڈاکٹر علی اسمعیل اور ڈائریکٹر این سی بی سی لمز ڈاکٹر نوید ارشد اور ایچ ای سی سے مس نوشابہ اویس نے بھی خطاب کیا۔