کراچی(اسٹاف رپورٹر) اقرا یونیورسٹی (IU) اور اسکاٹ لینڈ کی رابرٹ گورڈن یونیورسٹی (RGU) نے مفاہمت ایک یادداشت پر دستخط کیے ہیں جس کا مقصد تعلیمی اور ثقافتی تبادلے، اور مشترکہ تحقیقاتی منصوبوں کے مواقع پیدا کرنا ہے۔ اقرا یونیورسٹی (IU) اور اسکاٹ لینڈ کی رابرٹ گورڈن یونیورسٹی کے درمیان اس تعاون کے تحت طلبہ کے لیے فیلوشپ ایجوکیشن پروگرام، ڈیٹا سائنسز میں ترقی پاتھ وے ڈگری پروگرام، سائبر سیکیورٹی اور اے آئی سے متعلق پروگرام شامل ہیں۔اس یادداشت پر دستخط رابرٹ گورڈن یونیورسٹی کے وفد کی اقرا یونیورسٹی کے مرکزی کیمپس آمد پر کیے گئے۔ رابرٹ گورڈن یونیورسٹی کے وفد کی قیادت نائب وائس چانسلرپروفیسر لین کیلبرائیڈ، نے کی جبکہ اسکول آف کمپیوٹنگ اینڈ انجینئرنگ ٹیکنالوجی کے ڈینڈاکٹر جان آئزاکس، اور گری اسکول آف آرٹ اور سکاٹ سدرلینڈ اسکول آف آرکیٹیکچر اینڈ بلٹ ان وائرمنٹ کے ڈین ڈاکٹر ڈن ایلن بھی وفد میں شامل تھے۔
================
اروڑ یونیورسٹی سکھر کی جانب سے 2025 کیلئے داخلہ ٹیسٹ کا انعقاد
14 اپریل ، 2025FacebookTwitterWhatsapp
سکھر (جنگ نیوز) اروڑ یونیورسٹی آف آرٹ، آرکیٹیکچر، ڈیزائن اینڈ ہیریٹیج، سکھر کی جانب سے اکیڈمک سیشن فال 2025(راؤنڈ 01) کیلئے داخلہ ٹیسٹ کامیابی سے لیا گیا۔ ملک کے مختلف علاقوں سے ایک ہزار سے زائد امیدواروں نے اس ٹیسٹ میں شرکت کی۔ یہ ٹیسٹ 14مختلف ڈگری پروگرامز کے لیے لیا گیا، جن میں بی ایس سائبر سیکیورٹی، آرٹیفیشل انٹیلیجنس، آرکیٹیکچر، بی ایس سول انجینئرنگ، بی ایس انوائرنمنٹل سائنسز، بی ایس فیشن ڈیزائن، بی ایس ٹیکسٹائل ڈیزائن، بی ایس سیرامک ڈیزائن، بی ایس ویژول آرٹس، بی ایس پاکستان اسٹڈیز، بی ایس تاریخ، بی ایس آثار قدیمہ، بی ایس سیاحت و مہمان نوازی، بی ایس ملٹی میڈیا اینڈ گیمنگ شامل ہیں۔وائس چانسلر پروفیسر ڈاکٹر زاہد حسین کھنڈ کی نگرانی میں یہ ٹیسٹ یونیورسٹی کے احاطے میں لیا گیا۔ طلبہ کیلئے 20 بلاکس مختص کیے گئے، جہاں امیدواروں کیلئے تمام ضروری سہولیات فراہم کی گئیں۔ سی سی ٹی وی کیمرے نصب کیے گئے، کنٹرول روم قائم کیا گیا اور والدین کے لیے بھی علیحدہ جگہ کا بندوبست کیا گیا۔ ٹیسٹ مکمل طور پر محفوظ اور منظم ماحول میں منعقد ہوا، جہاں یونیورسٹی کی جانب سے سیکورٹی کے سخت انتظامات کیے گئے۔
===================
برطانیہ میں اپنی بیٹیوں کے آئی پیڈز ضبط کرنے پر خاتون گرفتار
14 اپریل ، 2025FacebookTwitterWhatsapp
لندن (اے پی پی)برطانیہ میں تاریخ کی ایک استاد نے کہا ہے کہ انہیں اپنی بیٹیوں کے آئی پیڈز ضبط کرنے پر نہ صرف گرفتار کیا گیا بلکہ ان سے بات کرنے سے بھی روک دیا گیا۔برطانوی اخبار کے مطابق 50سالہ وینیسا براؤن کو 26 مارچ کو دو آئی پیڈز چوری کرنے کے الزام میں ایک سیل میں ساڑھے 7گھنٹے گزارنے پڑے۔ انہوں نے اس تجربے کو ’ناقابل بیان تباہی اور صدمہ‘ قرار دیا ہے۔بعد میں انہیں ان شرائط پر ضمانت پر رہا کیا گیا کہ جب تک مقدمہ خارج نہیں ہو جاتا وہ وہ اس تفتیش کے حوالے سے اپنی بیٹیوں سمیت کسی سے بات نہیں کر سکتیں۔وینیسا براؤن نے ایل بی سی کو بتایا کہ انہوں نے اپنی بیٹیوں سے انہیں سکول کے کام پر توجہ مرکوز کرنے کی ترغیب دینے کے لیے آئی پیڈز لیے تھے۔سرے پولیس نے کوبھم میں وینیسا کی والدہ کے گھر میں ان آئی پیڈز کا سراغ لگایا اور بعد میں قبول کیا کہ یہ ان کے بچوں کے تھے اور وہ انہیں ضبط کرنے کی ’حقدار‘ تھیں۔
