میٹرک کے امتحانات میں 36امیدوار نقل میں ملوث پائے گئے
چیئرمین میٹرک بورڈنے جمعہ کے روز مختلف امتحانی مراکز کا دورہ کیا
کراچی …… ثانوی تعلیمی بورڈ کے تحت سالانہ امتحانات جاری ہیں۔جمعہ کے روز صبح کی شفٹ میں دہم جماعت حیاتیات(پرچہ دوم) اور دوپہر میں نہم جماعت کے علم شہریت(پرچہ اول)، علم بدن و حفظان صحت (پرچہ اول)، تاریخ ہند و پاکستان (پرچہ اول) غذا اور تغذیہ (نظری) (پرچہ اول)، کمپیوٹر اسٹیڈیز اختیاری (پرچہ اول) نظری ہوا۔ چیئرمین میٹرک بورڈ نے بھی لیاری میں مختلف امتحانی مراکزکا دورہ کیاجن میں گورنمنٹ گرلز سیکنڈری اسکول ولی محمد حاجی یعقوب لیا ری، گورنمنٹ گرلز سیکنڈری اسکول نمبر1میر ایوب خان نیا آباد، لیڈی نصرت ہارون ماڈل سیکنڈری اسکول کھارادرکا دورہ کیا جبکہ غازی محمد بن قاسم گورنمنٹ بوائز سیکنڈری اسکول لیاری میں فرنچر کی کمی کی شکایت پر اس کو فوری پرحل کردیا گیا اور دیگر اسکولوں میں بہتر انتظاما ت پر اطمینان کا اظہار بھی کیا۔ آج بورڈ کے شکایتی سیل میں بورڈ کے افسران اور ویجلینس ٹیم نے 36 کیسز رپورٹ کئے۔ تفصیلات کے مطابق بورڈکے چیئرمین میٹرک بورڈ نے غازی محمد بن قاسم گورنمنٹ بوائز سیکنڈری اسکول لیاری سے 1امیدوار کونقل کرتے ہوئے پکڑا جبکہ حب آفیسر نے کے ایم سی عارف حسین انگلش میڈیم اسکول لانڈھی ساڑھے تین سے 6 امیدوار جبکہ اسی امتحانی مرکز سینٹر سپرنٹنڈنٹ نے بھی 3امیدوار کو نقل کرتے ہوئے پکڑا، گورنمنٹ بوائز سیکنڈری اسکول رشید آباد بلدیہ ٹاؤن سے حب آفیسر نے 26 امیدواروں کو نقل کرتے ہوئے پکڑا۔میٹرک بورڈ کل کے پریس ریلیز کی تصحیح کرتا ہے جس میں دی ایجوکیٹر ملیر اسکول کانام غلطی سے چلا گیا تھا وہاں امتحانات تسلی بخش تھے جبکہ حب آفیسر کی رپورٹ کے مطابق نقل میں ملوث وہ طلبہ گورنمنٹ بوائز سیکنڈری اسکول فردوس کالونی ناظم آباد کے تھے۔
