ایک دن وہ ہیرو تھا دوسرے دن وہ زیرو ہو جاتا ہے۔


حسن نواز صرف ایک رن پر آؤٹ ہوئے اور ان کے بعد پاکستانی ٹیم نے پرانا راستہ اختیار کیا اور میچ بہت آسانی سے ہار گئے۔

حسن نواز نے گزشتہ میچ میں سنچری اسکور کی تھی لیکن آج وہ بہت جلد آؤٹ ہوئے اور صرف 4 گیندوں کا سامنا کیا اور صرف ایک رن بنایا اور جارحانہ بلے بازی کے ساتھ ان کا ہنی مون ٹائم صرف 4 گیندوں کا سامنا کرنے اور کیچ آؤٹ ہونے کے بعد آج یہاں ختم ہوا۔

پاکستان کے کم بیک کے بعد نیوزی لینڈ کا بھی کم بیک! تیسرے میچ میں شکست کے بعد چوتھے ٹی ٹوئنٹی میچ میں نیوزی لینڈ نے پاکستان کو باآسانی ہرا دیا۔

چوتھے ٹی ٹوئنٹی میچ میں نیوزی لینڈ نے پاکستان کو جیت کے لیے 221 رنز کا ہدف دیا ہے۔

چوتھے ٹی ٹوئنٹی میچ میں پاکستان نے نیوزی لینڈ کیخلاف ٹاس جیت کر پہلے بولنگ کرانے کا فیصلہ کیا ہے۔

ماؤنٹ منگونی میں کھیلے جارہے میچ میں نیوزی لینڈ نے اپنی اننگ آغاز اور اختتام اچھے انداز میں کیا۔

نیوزی لینڈ کی ٹیم نے مقررہ 20 اوورز میں 6 وکٹ کے نقصان پر 220 رنز بنائے۔ فن ایلن 50، مائیکل پریسویل 46 اور ٹم سیفرٹ 44 رنز بنا کر نمایاں رہے جبکہ ڈیرل مچل 29 اور مارک چیپمین نے 24 رنز بنائے۔

پاکستان کے شاہین آفریدی 4 اوورز میں 49 اور شاداب خان بھی 4 اوورز میں 49 رنز دے کر کوئی وکٹ حاصل نہ کرسکے جبکہ حارث رؤف نے 3، ابرار احمد 2 اور عباس آفریدی نے ایک وکٹ حاصل کی۔

اس میچ کے لیے پاکستان ٹیم بغیر تبدیلی کے میدان میں اتری ہے۔

پاکستان ٹیم
محمد حارث، حسن نواز، سلمان آغا، عرفان خان، شاداب خان عبدالصمد، خوشدل شاہ، عباس آفریدی، شاہین آفریدی، حارث رؤف اور ابرار احمد پلیئنگ الیون کا حصہ ہیں۔

دونوں ٹیموں کے درمیان 5 میچز کی سیریز کے پہلے 2 میچ نیوزی لینڈ نے جیتے تھے جبکہ تیسرے میچ میں پاکستان ٹیم نے شاندار کم بیک کرتے ہوئے میچ جیتا تھا۔

اگلا اور پانچواں ٹی ٹوئنٹی میچ 26 مارچ کو ویلنگٹن میں کھیلا جائے گا۔