وزیراعلی کے بااعتماد ڈاکٹر سروش حشمت لودھی اور شرجیل میمن کے رشتہ دار ڈاکٹر امجد سراج میمن کی ممکنہ نئی ذمہ داریوں کے حوالے سے باز گشت ، اصولی فیصلے ہو چکے رسمی کاروائی باقی ہے ، قریبی ذرائع کا دعوی
تفصیلات کے مطابق وزیراعلی سندھ سید مراد علی شاہ کے فیورٹ اور با اعتماد ڈاکٹر سروش حشمت لودھی اور سندھ کے وزیر اطلاعات شرجیل میمن کے رشتہ دار ڈاکٹر امجد سراج میمن کو جلد ہی نئی ذمہ داریاں دیے جانے کا امکان ہے باخبر ذرائع کا دعوی ہے کہ دونوں شخصیات کے بارے میں فیصلہ ساز حلقوں میں اصولی فیصلے ہو چکے ہیں بس رسمی کاروائی باقی ہے اگلے چند ہفتوں میں دونوں کو نئی خوشخبری سنا دی جائے گی دونوں کو الگ الگ مقام پر نئی ذمہ داری سونپے جانے کی بازگشت ہے دونوں شخصیات کے پاس پرائیویٹ سیکٹر میں مختلف پرکشش پیشکشیں موجود ہیں لیکن دونوں اہم شخصیات مزید کچھ سال سندھ حکومت کے ساتھ کام کرنے کی خواہش مند ہیں ان سے کچھ دوستوں کا اصرار بھی ہے اور دباؤ بھی کہ وہ سندھ حکومت کو چھوڑ کر مت جائیں یہاں مواقع موجود ہیں اور سندھ حکومت ان کی صلاحیتوں اور تجربے سے مزید استفادہ کرنا چاہتی ہے لہذا وہ پرائیویٹ سیکٹر کی پیشکشوں کو نظر انداز کریں اور سندھ حکومت کے ساتھ اپنی نئی اسائنمنٹ کے لیے ذہنی طور پر تیاری کر لیں ۔ ذرائع کے مطابق ایک شخصیت کو پورے صوبے کی یونیورسٹیز کے حوالے سے اہم عہدے پر اور دوسری شخصیت کو ایک اور بڑی میڈیکل یونیورسٹی میں اہم عہدے پر ذمہ داریاں ملنے کا امکان ہے
