March 03, 2025
پشاور- پی ڈی ایم اے نے گزشتہ 5 روز سے جاری بارشوں کے باعث خیبرپختونخوا میں جانی و مالی نقصانات کی رپورٹ جاری کردی،26 فروری سے اب تک بارشوں کے باعث مختلف حادثات کے نتیجے میں 4 افراد جاں بحق جبکہ 9 افراد زخمی ہوئے،جاں بحق افراد میں 3 مرد اور ایک خاتون شامل ہیں ۔
پی ڈی ایم اے کی رپورٹ کے مطابق بارشوں کے باعث مجموعی طور پر 14 گھروں کو نقصان پہنچا، 10 گھرجزوی اور 3 گھر مکمل طور پر متاثر ہوئے،یہ حادثات ہری پور، بٹگرام، باجوڑ ،اپر و لوئر کوہستان، دیر، ہنگو، خیبر اور ضلع تور غر میں پیش آئے۔
پی ڈی ایم اے نے متعلقہ اضلاع کی انتظامیہ کو متاثرہ خاندان کو فوری طور پر امداد اور زخمیوں کو بہترین طبی سہولیات کی فراہمی یقینی بنانے کی ہدایت کی ہے،ضلعی انتظامیہ اور متعلقہ اداروں کو بارش اور برفباری کے باعث بند شاہراہوں کو کھولنے کے لیے تمام تر وسائل بروئے کار لانے کے احکامات بھی جاری کئے گئے ہیں۔
ترجمان کے مطابق پی ڈی ایم اے کا ایمرجنسی آپریشن سنٹر مکمل طور پر فعال ہے، عوام کسی بھی نا خوشگوار واقعے کی اطلاع 1700 پر دیں
