لاڑکانہ سینیئر کالم نگار عبدالفتاح عباسی کے بھائی کی نئی سی ڈی موٹر سائیکل چوری ہونے کے خلاف احتجاج کیا جارہا ہے
======================
لاڑکانہ (بیورو رپورٹ) لاڑکانہ شہر میں بدامنی کی آگ تیزی سے بڑھنے لگی، تھانہ حیدری کی حدود کوثر مل محلے سے سینئر کالم نگار عبدالفتاح عباسی کے چھوٹے بھائی عبدالستار عباسی کے گھر کے باہر سے چوروں نے سی ڈی 70 موٹر سائیکل چوری کر لی۔ جس کی اطلاع فوری طور پر 15 اور حدود تھانہ حیدری کے ایس ایچ نثار بروہی کو دی گئی اور این سی درج کرائی گئی۔ دوسری جانب شہر کے کوثر مل محلہ حیدری مسجد کے قریب نئی سی ڈی 70 موٹر سائیکل چوری ہونے کے خلاف شہریوں نے احتجاج کیا۔ اس موقع پر عبدالوحید عباسی، عبدالقیوم عباسی، عبدالرزاق عباسی، فقیر خدا بخش حسینی، اتحاد اھلسنت لاڑکانہ کے صدر مولانا منظور علی قلندری،حافظ شعیب احمد جونیجو، حافظ روشن علی انقلابی و دیگر نے کہا کہ لاڑکانہ کے منتخب ایم این اے و پاکستان پیپلز پارٹی کے چیئرمین بلاول بھٹو زرداری، ایم پی اے جمیل سومرو لاڑکانہ شہر میں امن و امان کی بگڑتی ہوئی صورتحال کو بہتر بنانے کے لیے خصوصی اقدامات کرے، کیونکہ شہر کے اندر روز بروز ڈکیتیوں اور ہندو برادری کے دو نوجوانوں پر قاتلانہ حملے نے لاڑکانہ شہر کے امن بھرے ماحول کو بہت متاثر کیا ہوا ہے ، ضلع لاڑکانہ کے 44 سو پولیس اہلکاروں میں سے 28 سو پولیس اہلکار صرف بااثر سیاستدانوں اور دیگر کی سیکیورٹی پر تعینات کردییے گئے ہیں۔ شہریوں کا کہنا تھا کہ لاڑکانہ نو گو ایریا بن چکا ہے۔ لاڑکانہ شہر میں آئے روز بدامنی کے واقعات نے شہریوں کو گھروں تک محدود کر رکھا ہے۔ دریں اثناء لاڑکانہ کے سینئر کالم نگار عبدالفتاح عباسی نے کہا کہ ڈی آئی جی لاڑکانہ، ایس ایس پی پولیس لاڑکانہ میرے بھائی عبدالستار عباسی کی نئی سی ڈی 70 موٹر سائیکل تھانہ حیدری سے واپس نہ کرائی جائے ورنہ دیگر صورت احتجاج کرنے پر مجبور ہونگے.
