چیمپئنز ٹرافی کے ابتدائی میچ میں فیلڈنگ کے دوران انجری کا شکار ہونے والے قومی ٹیم کے اوپنر فخر زمان ٹورنامنٹ سے باہر ہوگئے۔
قومی ٹیم بھارت کے خلاف 23 فروری کو ہونے والے میچ کے لیے کراچی سے دبئی کے لیے آج روانہ ہو گئی ہے تاہم فخر زمان دبئی روانہ ہونے والی ٹیم کے ہمراہ نہیں جا رہے۔
پاکستان کرکٹ بورڈ نے بھی فخر زمان کے چیمپئنز ٹرافی سے باہر ہونے کا باضابطہ اعلان کر دیا ہے جبکہ اس حوالے سے ذرائع کا بتانا ہے کہ فخر زمان کی انجری سنجیدہ نوعیت کی ہے، فخر زمان ٹورنامنٹ میں مزید نہیں کھیل پائیں گے
امام الحق کو ٹیم میں شامل کئے جانے کا امکان, زرائع
اگر ہمیں دنیا کی بہتر ٹیم بننا ہے تو کارکردگی میں تسلسل لانا ہوگا، سلمان علی آغا
پاکستان کرکٹ ٹیم کے آل راؤنڈر سلمان علی آغا نے کہا ہے کہ اگر ہمیں دنیا کی بہتر ٹیم بننا ہے تو کارکردگی میں تسلسل لانا ہوگا۔
کراچی میں نیوزی لینڈ کے خلاف میچ کے بعد پریس کانفرنس کرتے ہوئے قومی ٹیم کے نائب کپتان کا کہنا تھا کہ ہمیں اپنے تیس، چالیس رنز کو بڑے اسکور میں تبدیل کرنا ہوگا۔
سلمان علی آغا نے کہا کہ اس وکٹ پر 300 کا ہندسہ عبور کیا جاسکتا تھا، ہمیں بیٹنگ میں اچھا آغاز نہ مل سکا۔
چیمپیئنز ٹرافی: پاکستان کا مایوس کن آغاز، نیوزی لینڈ کے ہاتھوں بڑے مارجن سے شکست
انہوں نے مزید کہا کہ ہمیں نہ پارٹنرشپ ملی نہ مومینٹم بن سکا، ہم پاوور پلے میں بھی اچھا نہ کھیل سکے۔ فخر کے ابتدا میں نہ ہونے سے پاوور پلے میں فرق پڑا، اگر وہ ہوتے تو ہمارا اسکور مختلف ہوتا۔
سلمان علی آغا کا کہنا تھا کہ میں اپنی اننگز کو لمبا کرسکتا تھا، اگر لمبا کھیلتا تو رزلٹ مختلف ہوسکتا تھا۔
انہوں نے کہا کہ دنیا کی ٹاپ ٹیموں کو ہرانے کیلئے مسلسل اچھا کھیلنا ہوگا، 320 رنز کرنا ہوتے ہیں تو پاوور پلے اچھا کرنا پڑتا ہے۔ آج ہم نے کسی بھی شعبے میں اچھا نہیں کیا، جو ہم سے توقع تھی وہ نہ کرسکے۔
سلمان علی آغا کا کہنا تھا کہ اس میچ کو بھلا کر انڈیا کے خلاف میچ کیلئے میدان میں اتریں گے۔
