سلام آباد: ملک بھر میں آج موسم خشک اور سرد رہے گا۔ جبکہ کہیں بھی بارش کا امکان نہیں ہے۔
محکمہ موسمیات کے مطابق وفاقی دارالحکومت اسلام آباد میں موسم سرد اور خشک رہنے کا امکان ہے۔ جبکہ بلوچستان کے شمالی اضلاع میں سردی کی شدت برقرار رہے گی۔
پنجاب کے اضلاع بہاولپور، ملتان، ڈیرہ غازی خان، رحیم یار خان میں بھی موسم سرد رہے گا جبکہ ان اضلاع میں دھند کا بھی امکان ہے۔ مری، گلیات اور گردونواح میں سردی کی شدت برقرار رہے گی۔
سندھ کے بیشتر اضلاع میں موسم خشک رہنے کا امکان ہے۔ جبکہ خیبر پختونخوا کے بیشتر اضلاع میں موسم سرد اور خشک رہے گا۔ گلگت بلتستان میں بھی موسم شدید سرد اور خشک رہنے کا امکان ہے۔
محکمہ موسمیات کے مطابق آزاد کشمیر میں موسم شدید سرد اور خشک رہنے کا امکان ہے۔
=====================
حکومت نے وزارت ہوا بازی کو بطور الگ وزارت ختم کرتے ہوئے وزارت دفاع میں ضم کر دیا ہے۔
وزارت دفاع نے وزارت ہوا بازی کو ضم کرنے کا مراسلہ تمام وزارتوں اور ڈویژنز کو بھجوا دیا۔ فیصلہ تمام صوبائی چیف سیکرٹریز بشمول آزاد کشمیر اور گلگت بلتستان کو بھی بھجوا دیا گیا۔
مراسلے میں کہا گیا ہے کہ کابینہ نے 14 جنوری کو وزارت ہوا بازی کو وزارت دفاع میں ضم کرنے کا فیصلہ جبکہ کابینہ ڈویژن نے 4 فروری2025 کو ایس آر او جاری کیا تھا جس پر وزارت دفاع نے عملدرآمد کر لیا۔
مراسلے کے متن میں کہا گیا ہے کہ اب ہوا بازی سے متعلقہ تمام امور کیلئے وزارت دفاع سے رجوع کیا جائے۔
