رپورٹ۔ رانا رضوان خاں۔ فرینکفرٹ جرمنی۔
دعوت اور تبلیغ دین کے ہر دور میں مختلف انداز، ذرائع اور تقاضے رہے ہیں جنہیں بروئے کار لا کر ہم تھوڑے وقت میں زیادہ سے زیادہ لوگوں تک حق کا پیغام پہنچا سکتے ہیں۔ڈاکٹر حسن محی الدین قادری
منہاج القران انٹرنیشنل جرمنی کے زیراہتمام فرینکفرٹ کے مقامی ہال میں سیرت النبی ﷺاور معاشرتی اقدار کے عنوان سے شاندار کانفرنس کا انعقاد کیاگیا ،جس میں پاکستانی کمیونٹی، پاکستان کی سیاسی، سماجی، مذہبی، کاروباری، صحافتی تنظمیوں کے مندوبین، عشقان مصطفیﷺ اور منہاج القران کے رفقا، کارکنان، وابستگان اور محبان نے بھرپور شرکت کی جبکہ قونصلیٹ جنرل پاکستان فرینکفرٹ سے اسسٹنٹ ڈائریکٹر پاسپورٹ محمد علی رندھاوا نے بھی شرکت کی
کانفرنس کا باقاعدہ آغاز اللہ تعالی کی بابرکت کتاب سے کیا گیا، تلاوت قرآن پاک کے بعد ثناخوانوں نے آقا دوجہاںﷺ کی بارگاہ میں ہدیہ درودوسلام پیش کیا،
کانفرنس سے خطاب کرتے چیئرمین سپریم کونسل ڈاکٹر حسن محی الدین کاکہنا تھا کہ اللہ رب العزت نے اپنے محبوبﷺ کو خلقِ عظیم کے اعلیٰ مرتبے پر فائز فرمایا۔ جہاں اخلاق ختم ہوتے ہیں وہاں خلقِ مصطفیﷺ کی ابتدا ہوتی ہے۔
اللہ رب العزت ہم سب کو آقا کریمﷺ کے اخلاقِ حسنہ اور آداب جمیلہ سے ہماری زندگیوں کو مزین فرمائے اور آقا علیہ اسوۂ مبارکہ اور قدوۂ حسنہ کے مطابق زندگی گزارنے کی توفیق عطاء فرمائے، معاشرے کو عدل وانصاف فراہم کرنے کے لیے آپﷺ کی سیرت مشعل راہ ہے۔ اگر ہم چاہتے ہیں کہ معاشرہ حقیقی مصطفوی معاشرہ بنے تو ہمیں اسوۂ رسولﷺ پر عمل پیرا ہوناہوگا،جس کے لیے اجتماعی کوشش کرنے ضرورت ہے،آپﷺ نے اپنے اخلاق، کردار اور حسن عمل سے بگڑے معاشرے کو سنوارا، ہمیں بھی انہی اصولوں پرعمل پیرا ہونے کی ضرورت ہے۔
اس موقع پر صدر منہاج القران جرمنی میاں عمران الحق، جنرل سیکرٹری منہاج القران جرمنی ڈاکٹر چن نصیب، میاں مقصود اکرام صدر منہاج ویلفیئر فاونڈیشن جرمنی، فیصل حسین مشہدی مینیجنگ ڈائریکٹر منہاج ویلفیئر فاونڈیشن، راجہ بابر حسین صدر منہاج ویلفیئر فاونڈیشن یورپ، علامہ حسن میر قادری، علامہ سید فرحت حسین شاہ، علامہ ہارون عباسی الازہری، مفتی ممتاز حسین پیرزادہ، علامہ صدیق احمد پتھروی ،امیر تبلیغی جماعت فرینکفرٹ علامہ توصیف احمد، سجاد وڑائچ جنرل سیکرٹری منہاج ویلفیئر فاؤنڈیشن جرمنی، یاسر احمد صدر منہاج القران ووپڑتال، حاجی ارشد وڑائچ نائب صدر منہاج القرآن انٹرنیشنل جرمنی، جویریہ سجاد جنرل سیکرٹری منہاج ویمن لیگ جرمنی، قاری فیض احمد، سید ارشد شاہ، شاعر شفیق مراد، علامہ سردار افتخار، فیض عالم قادری ودیگر کارکنان موجود تھے۔
میاں عمران الحق صدر منہاج القران جرمنی نے آنے والے معزز مہمانوں اور شرکاء کا شکریہ ادا کیا، کانفر نس کے اختتام پر امت مسلمہ کی سربلندی دین متین کی سرفرازی اور پاکستان کے لیے خصوصی دعائیں مانگی گئی۔
