مفت میں جیل میں رہنے کے لیے جرائم کا ارتکاب کرنے والی جاپانی خاتون کو رہا کر دیا گیا۔
غیر ملکی میڈیا رپورٹس کے مطابق 81 سالہ جاپانی خاتون جس کی شناخت اکیو کے نام سے ہوئی ہے، کو چوری کے الزام میں 2 بار جیل بھیجا گیا تھا۔
معمر جاپانی خاتون کو ٹوکیو میں واقع جاپان کی خواتین کی سب سے بڑی جیل میں رکھا گیا تھا، جہاں تقریباً 5 سو قیدی ہیں، جن میں بیشتر بڑی عمر کی خواتین شامل ہیں۔
میڈیا رپورٹس کے مطابق معمر جاپانی خاتون کو پہلی بار اس وقت قید کیا گیا تھا جب وہ 60 کی دہائی میں تھیں۔
میڈیا رپورٹس کے مطابق جیل کے افسر کا کہنا ہے کہ عمر رسیدہ قیدیوں کے لیے جیل میں رہنا باہر اکیلے مرنے سے بہتر ہے اور بہت سے قیدی جیل میں رہنے کے لیے ماہانہ بھاری رقم دینے کے لیے بھی رضامند ہوتے ہیں۔
