
کراچی میں آج دن کے اوقات میں موسم گرم رات کو خنکی رہےگی۔
محکمہ موسمیات کے مطابق شہر میں اس وقت موسم سرد اور خشک ہے، شہرِ قائد کا کم سے کم درجہ حرارت 13.5 ڈگری سینٹی گریڈ ریکارڈ ہوا جب کہ آج درجہ حرارت 28 ڈگری سینٹی گریڈ تک جانے کا امکان ہے۔
محکمہ موسمیات کا کہنا ہے کہ ہوا میں نمی کا تناسب 32 فیصد ہے جبکہ شمالی سمت سے 7 کلو میٹر فی گھنٹہ کی رفتار سے ہوا چل رہی ہے۔
دنیا کے آلودہ ترین شہروں میں کراچی چھٹے نمبر پر:
ایئر کوالٹی انڈیکس کے مطابق شہر کا فضائی معیار مضر ہے اور کراچی کی ہوا میں آلودہ ذرات کی مقدار 167 پرٹیکیولیٹ میٹرز ریکارڈ کیا گیا ہے۔
لاہور سمیت وسطی پنجاب کے مختلف شہروں میں آج بھی دھند کا راج ہے، سیالکوٹ میں شدید دھند کے باعث فلائٹ آپریشن متاثر ہے، کویت سے سیالکوٹ کی پرواز پی کے 240 کو لاہور اتار لیا گیا۔
موٹر ویز پولیس کے مطابق دھند کے باعث لاہور سیالکوٹ ایم الیون ٹریفک کے لیے بند ہے جبکہ ایم ٹو اور ایم تھری اور قومی شاہراہوں پر بھی ٹریفک کی روانی متاثر ہے۔
=======================
جہلم میں 20 سالہ لڑکی کو بھائیوں نے فائرنگ کرکے قتل کردیا۔
پولیس کے مطابق جہلم کے علاقے ڈھوک کوریاں میں 20 سالہ لڑکی کو بھائیوں نے سوشل میڈیا پر ویڈیو بنانے پر قتل کیا۔
پولیس کا کہنا ہے کہ اہل خانہ نے قتل کو چھپانے کیلئے واقعے کو خودکشی کا رنگ دینے کی کوشش کی۔ پولیس نے موقع پر پہنچ کر تمام ثبوت حاصل کرلیے اور اپنی مدعیت میں مقدمہ درج کرکے مقتولہ کے دونوں بھائی اور چچا کو گرفتار کرلیا۔
پولیس نے لاش کو پوسٹ مارٹم کیلئے ڈی ایچ کیو جہلم منتقل کردیا۔























