سویڈن میں مقیم سینیئر صحافی زبیر حسین جیوے پاکستان ڈاٹ کام کی ٹیم کا حصہ بن گئے ، انتظامیہ انہیں خوش امدید کہتے ہوئے نیک تمناؤں کا اظہار کرتی ہے
زبیر حسین
سماجت، سیاست ، کالم نویسی اور تجزیہ نگاری ہر میدان میں اپنی پہچان آپ ، سویڈن میں پاکستان کا مثبت چہرہ متعارف کروانے کے لئے ان کا ادارہ پاکستان پروموشن نیٹ ورک یورپ ایک عرصے سے کوشاں ہے، پاکستانی ثقافتی میلے، قومی اورمذہبی تقریبات، سویڈن میں بے گھر افراد میں گرم کپڑوں کی تقسیم، تھیٹر شوز، پاکستانی فلم انڈسٹری کو پروموٹ کرنے کے لئے سویڈن کے سنیما گھروں کی ٹکٹوں کی مفت تقسیم،سویڈن کے حکومتی اداروں تک پاکستانی ثقافت کی پرچار حالیہ دنوں میں سندھی ثقافت کے حوالے سے کوشش سرفہرست۔ مسئلہ کشمیر ہو یا مسئلہ فلسطین سویڈن اور یورپین پارلیمان تک پٹیشنز دائر کرکے مظلوموں کی آواز بننا۔دیار غیر میں پاکستان کا مثبت چہرہ متعارف کرنے کے حوالے سے ان کی سب سے اہم کاوش مقامی سرکاری اداروں اور جیل خانہ جات کے ساتھ مل کر قیدیوں اور سزایافتہ نوجوانوں کی کاؤنسلنگ کرنا ہے، نہ صرف سویڈن میں بلکہ پاکستان میں بھی ان کے ادارے پاکستان پروموشن نیٹ ورک یورپ نے مالمو انٹرنیشنل اسکول کے نام سے ایک منفرد تعلیمی ادارہ قائم کیا ہے جہاں اسکینڈے نییویا طرز کی تعلیم دی جاتی ہے۔کراچی کی رونقیں بحال کرنے کے لئے مقامی ٹرک آرٹسٹوں کے تعاون سے شہر کی اہم شاہراہوں پر ٹرک آرٹ کے ذریعے نامور شخصیات کے پورٹریٹ ڈزائین کرنے میں بھی ان کے ادارے کا اہم کردار رہا ہے۔سویڈن میں اسلاموفوبیا کے سدباب کے لئے حالیہ الیکشن میں انہوں نے قومی اور صوبائی نشستوں پر الیکشن لڑا ہے۔ زبیر حسین سویڈش یونیورسٹیوں میں کرمنالوجی پر بطور گیسٹ اسپیکر لیکچر بھی دیتے ہیں جبکہ کالم اور تجزیہ نگاری میں بھی ان کی نمایاں خدمات ہیں۔
