گلگت میں ایف سی این اے گلگت بلتستان فٹبال چیمپئن شپ کاآغاز ہو گیا ہے۔
گلگت بلتستان کی تاریخ میں پہلی دفعہ فیفا کے اصولوں کے مطابق ایونٹ پاک آرمی کے زیر نگرانی منعقد کیا جا رہا ہے ۔یکم فروری تک جاری رہنے والے ٹورنامنٹ کی رنگا رنگ افتتاحی تقریب لالک جان سٹیڈیم میں منعقد ہوئی ۔ تقریب کے مہمان خصوصی کمانڈر ایف سی این اے میجر جنرل امتیاز گیلانی تھے۔تقریب میں چیف سیکرٹری جی بی سمیت کثیر تعداد میں علاقے کی عوام نے شرکت کی ۔
چیمپئن شپ میں 11 مختلف اضلاع کی ٹیموں کے علاوہ 4 محکموں کی ٹیمیں بھی شریک ہیں، جنہیں 4 پولز میں تقسیم کیا گیا ہے ۔اہل گلگت بلتستان نے فٹ بال ایونٹ کے انعقاد پر پاک فوج کا شکریہ ادا کیا۔
