وزیر قانون کی یونیورسٹی آف لندن کی وائس چانسلر سے ملاقات
لندن، 24 جنوری 2025: وفاقی وزیر برائے قانون و انصاف سینیٹر اعظم نذیر تارڑ کی یونیورسٹی آف لندن کی وائس چانسلر پروفیسر وینڈی تھامسن کے ساتھ ملاقات ملاقات میں قانونی تعلیم میں پیشرفت پر تبادلہ خیال کیا۔ لیگل ایجوکیشن پاکستان کے ڈائریکٹر بیرسٹر اسامہ ملک بھی موجود تھے۔
اجلاس میں یونیورسٹی آف لندن کے لاء ڈگری پروگرام حوالے سے اقدامات پر توجہ مرکوز کی گئی جس میں پاکستانی قانون کے مضامین کو نصاب میں شامل کرنا اور قانون کے گریجویٹس کی تربیت کو بہتر بنانا شامل ہے۔ وزیر قانون اور پروفیسر تھامسن دونوں نے پاکستان میں قانونی تعلیم کو مضبوط بنانے کے لیے بیرسٹر اسامہ ملک کی کوششوں کو سراہا۔ وزیر قانون نے یونیورسٹی آف لندن کے ایکسٹرنل لاء ڈگری پروگرام کے معیار اور اعلیٰ معیار کی بھی تعریف کی۔
ملاقات کا اختتام باہمی تعریف کے اظہار کے طور پر شیلڈز کے تبادلے پر ہوا۔
