اور اب جامعات کے اساتذہ بھی سڑکوں پر آگئے ، چیئرمین بلاول کس کا ساتھ دیں گے ؟ بیوروکریٹ وائس چانسلر کتنا مفید کتنا نقصان دہ ؟ وزیراعلی پر دباؤ بڑھ رہا ہے ۔
=======================
امیر جماعت اسلامی کراچی منعم ظفر نے کہا ہے کہ جامعات کے اندر مالی بحران ہے جہاں کنٹریکٹ پر اساتذہ کو بھرتی کیا جا رہا ہے۔
کراچی میں انہوں نے ادارۂ نورِ حق میں پریس کانفرنس سے خطاب کرتے ہوئے کہا ہے کہ سندھ میں تعلیم کا مسئلہ پیدا ہوا ہے، صوبے بھر کی 17جامعات میں کئی دن سے کلاسوں کا بائیکاٹ ہے۔
امیرِ جماعتِ اسلامی کراچی کا کہنا ہے کہ یونیورسٹی اور بورڈ کی وزارت جو طلبہ کے ساتھ کر رہی ہے وہ سب کے سامنے ہے، اساتذہ کی جد و جہد میں ان کے ساتھ ہیں اور آواز بھی بلند کرتے رہیں گے۔
امیرِ جماعتِ اسلامی کراچی کا آج ہونیوالے ’غزہ ملین مارچ‘ کی تیاریوں کا جائزہ
منعم ظفر خان نے کہا کہ جامعات کی خود مختاری پر حکومت نے حملہ کیا ہے، بیوروکریٹس کو لگایا جا رہا ہے۔
انہوں نے کہا کہ محمد فاروق نے سندھ اسمبلی میں قرارداد پیش کی تھی، جو طلبہ یونین کو بحال کرنے کے لیے لائی گئی تھی اس کو پیش ہوئے 3 سال گزر گئے مگر کچھ نہیں ہوا، کوئی ٹائم فریم نہیں ہے۔
ان کا یہ بھی کہنا ہے کہ طلباء کو یہ اختیار نہیں کہ اپنے لیڈرز کا انتخاب کریں، طلبا کو یونین کے حق سے محروم کردیا گیا ہے۔
منعم ظفر نے مزید کہ جامعات میں مستقل طور پر اساتذہ کی تقرری کی جائے۔
===============
جامعات میں آج بھی تدریسی عمل معطل رہے گا
22 جنوری ، 2025FacebookTwitterWhatsapp
کراچی(اسٹاف رپورٹر) فیڈریشن آف آل پاکستان یونیورسٹیز اکیڈمک اسٹاف ایسوسی ایشن (فاپواسا)، سندھ شاخ کا ایک آن لائن اجلاس منگل کو زوم کے ذریعے منعقد ہوا جس میں سندھ حکومت کی جانب سے مجوزہ یونیورسٹیز ایکٹ میں ترامیم اور متعلقہ پالیسیوں کے خلاف جاری احتجاج پر غور کیا گیا۔ اور طے کیا گیا کہ فاپواسا سندھ نے بدھ 22 جنوری کو بھی تعلیمی سرگرمیوں کے بائیکاٹ کو جاری رکھے گی، اساتذہ رہنماؤں نے اس بات پر زور دیتے ہوئے کہ یونیورسٹی اساتذہ اعلیٰ تعلیمی اداروں کی خودمختاری اور وقار کے تحفظ کے لیے پرعزم ہیں۔ احتجاج کے حوالے سے مزید فیصلے کل ہونے والے ایک اور آن لائن اجلاس میں کیے جائیں گے۔اجلاس کے دوران فاپواسا سندھ نے سندھ حکومت کی جانب سے یونیورسٹیز ایکٹ میں ترامیم کی کوششوں پر گہری تشویش کا اظہار کیا، خاص طور پر اس تجویز پر کہ پبلک سیکٹر یونیورسٹیوں کے وائس چانسلرز کے عہدے پر تعیناتی کے لیے تعلیمی قابلیت کے بغیر بیوروکریٹس کو مقرر کیا جائے۔
=================
خواتین کو تعلیم کے ذریعے بااختیار بنانے کے سفر کا حصہ بننے پر فخر ہے، آصفہ بھٹو
22 جنوری ، 2025FacebookTwitterWhatsapp
کراچی ( اسٹاف رپورٹر)خاتون اول اور رکن قومی اسمبلی آصفہ بھٹو زرداری نے کہا ہے کہ خواتین کی تعلیم میں سرمایہ کاری دراصل پاکستان کے روشن مستقبل میں سرمایہ کاری ہے۔خواتین کو تعلیم کے ذریعے بااختیار بنانے کے اس سفر کا حصہ بننے پر مجھے فخر ہے۔ان خیالات کا اظہار انہوں نے منگل کو گلوبل ہب گرلز کیڈٹ کالج ملیر میں شہید بینظیر بھٹو بلاک کی افتتاحی تقریب سے خطاب کرتے ہوئے کیا ۔ بی بی آصفہ بھٹو زرداری کو کیڈٹ کالج خواتین کیڈٹس کی جانب سے گارڈ آف آنر پیش کیا گیا۔ تقریب میں سندھ کے وزیر تعلیم سردار شاہ اور سندھ کی وزیر صحت ڈاکٹر عذرا فضل پیچوہو بھی موجودتھیں۔انہوں نے کہا کہ شہید محترمہ بینظیر بھٹو خواتین کے لئے تعلیم کی طاقت پر یقین رکھتی تھیں۔ شہید محترمہ بینظیر بھٹو کا خواب تھا کہ پاکستان کی خواتین تعلیمی میدان میں کامیابی کے جھنڈے گاڑیں۔
====================
لاہور میں جی سی یونیورسٹی کی طالبہ کے ساتھ مبینہ اجتماعی زیادتی کے مرکزی ملزم کو گرفتار کر لیا گیا۔
اس حوالے سے پولیس کا کہنا ہے کہ اجتماعی زیادتی کے مرکزی ملزم حسیب کو گزشتہ رات گرفتار کر لیا گیا جبکہ اس کے دیگر 2 ساتھیوں طلحٰہ اور حمزہ کی تلاش جاری ہے۔
پولیس نے بتایا ہے کہ طالبہ کا طبی معائنہ بھی کرا لیا گیا ہے جس کی رپورٹ آنے پر مزید حقائق واضح ہوں گے۔
لاہور میں لڑکی کے ساتھ مبینہ اجتماعی زیادتی
متاثرہ طالبہ کے مطابق ملزم حسیب نے سوشل میڈیا پر دوستی کر کے اسے ناشتے کے بہانے مسلم ٹاؤن بلایا، جہاں سے وہ اپنے 2 دوستوں کے ہمراہ گاڑی میں بٹھا کر اسے سندر کے علاقے میں واقع نجی ہاؤسنگ سوسائٹی لے گیا، جہاں ملزمان نے اس سے اجتماعی زیادتی کی اور اس کی ویڈیو بنا لی۔
متاثرہ طالبہ کا کہنا ہے کہ ملزمان نے راز فاش کرنے پر ویڈیو سوشل میڈیا پر ڈالنے کی دھمکی دی اور اس کے ہینڈ بیگ سے بہن کی چیک بک کے 2 چیک بھی لے لیے۔
