لاڑکانہ (بیورو رپورٹ) پاکستان میں نظام مصطفی ﷺ تمام مسائل کا حل ہے، عوام کرپٹ سیاستدانوں کی وجہ سے شدید پریشانی میں زندگی بسر کر رہا ہے، دریائے سندھ پر 6 نہروں کی تعمیر سندھ کے عوام کے خلاف عمل ہے، سندھ خوشحال ہے تو پاکستان خوشحال ہے، پہلے ہی سندھ میں پانی کی کمی ہے، جس کی وجہ سے سندھ کی یونیورسٹیز میں پانی نہ آنے پر سندھ اور مہران یونیورسٹیز چھٹیاں کرچکی ہیں ، ملک میں نظام مصطفیٰ ﷺ کا نفاذ ہی مجموعی مسائل کا حل ہے، جس مقصد کے لیے یہ ملک پاکستان بنا گیا تھا اس کو حکمرانوں نے بھلا دیا ہے، ان خیالات کا اظہار مرکزی جماعت اہلسنّت سندھ کے صوبائی امیر مفتی محمد جان نعیمی نے سندھ کی مشہور دربار حضرت سخی سید شمس الدین شاہ جیلانی رح کے سجادہ نشین پیر سید ضیاء اللہ شاہ جیلانی کی میزبانی میں منعقدہ صوبائی عاملہ اور شوریٰ کے اہم اجلاس میں کیا۔ انہوں نے کہا کہ ملک میں اکثریت یا رسول اللہ صلی اللہ علیہ وسلم پکارنے والوں کی ہے۔ ملک کے قیام میں جماعت اہلسنّت کی لازوال اور بے مثال قربانیاں شامل ہیں، مگر بدقسمتی سے 
ایسے لوگوں کو ایوانوں میں بیٹھایا جاتا ہے جو ملک کے خیر خواہ ہی نہیں ہیں، ملک کا عوام جماعت اھلسنت کو ایوانوں میں دیکھنا چاہتا ہے، اس موقع پر مرکزی جماعت اہل سنت سندھ کے مشترکہ اجلاس میں سندھ کے مرکزی رہنمائوں مفتی اعظم سندھ مفتی محمد جان نعیمی، پیر سید ضیاء اللہ شاہ جیلانی، سید ضمیر شاہ جیلانی، علامہ مفتی محمد شریف سعیدی ، پیر شمس الدين سوھو ، میان صفدر حسین سہروردی، علامہ محمد زبیر ہزاروی صدیقی، پیر سید سکندر شاہ جیلانی، پیر حضور بخش نقشبندی شہدادکوٹ، پیر شفیق الرحمن باقرانی، صاحبزادہ محمد عبید اللہ قریشی، مفتی محمد صدیق قادری، مفتی احمد صادق بغدادی، علامہ خادم حسین نعیمی، مفتی جمیل احمد رضوی سہروردی، مولانا جنید مصطفی سرہیو، پیر مفتی فیاض احمد نقشبندی، صاحبزادہ پیر محمد ساجن کرمی نقشبندی، مفتی سید محمد حسن شاہ حسینی، پروفیسر حبیب اللہ نعیمی، محمد افضل قریشی و دیگر نے شرکت کی، سالانہ اہم اجلاس میں کراچی سے کشمور تک تمام سندھ کے ڈویژنز، اضلاع، تعلقہ اور منتظمین نے اپنی کارکردگی پیش کی، جب کہ مزید تنظیم کو منظم اور فعال کرنے کے لیے متحد ہو کر آگے بڑھنے پر اتفاق کیا گیا۔ سندھ بھر کے منعقدہ اجلاس میں تحفظ عقائد اھلسنت و مسلک اعلی حضرت کے ذریعے سندھ سمیت پاکستان کے دیگر صوبوں پنجاب، خیبر پختون خواہ، بلوچستان اور آزاد کشمیر، گلگت بلتستان میں بھی اشاعت عقائد اھلسنت کی ترویج جاری رکھے کا عید کیا گیا. اجلاس میں حالیہ ملکی مذہبی مسائل پر خیالات کا اظہار بھی کیا گیا۔ مرکزی جماعت اہلسنت سندھ نے غزہ میں جنگ بندی پر خوشی کا اظہار کرتے ہوئے ہمیشہ فلسطینی مسلمانوں کے ساتھ دینے کا اعلان کیا، دنیا میں مسلمانوں کے ساتھ ہونے والی زیادتیوں پر تشویش کا اظہار کیا گیا، جبکہ مرکزی جماعت اہلسنت سندھ نے قرارداد کے ذریعے حکومت سے مطالبہ کیا کہ دریائے سندھ کے اوپر کسی صورت 6 کینال نہیں بننے دیں گے۔ آخر میں سندھ پاکستان کے مسلمانوں، عالم اسلام بالخصوص فلسطین کے مظلوم مسلمانوں کیلئے خصوصی دعائیں مانگی گئیں.
